اسقط فتيس 6 غيار ولا مش مستاهلة ؟؟
السلام عليكم ورحمة الله وبركاتة
انا عربيتى متسوبيشى جلانت مو 79 -1600 سى سى 78حصان
الفتيس خمسة غيار اربعة امامى وواحد خلفى
اقصى سرعة بجيبها بالعربية 140 كم
السؤال هنا لو سقطت فتيس 6 غيار (ودة نازل لموديل ال2000 سى سى المانيوال من نفس عربيتى ويركب عندى بدون تعديل )
هل هلاقى فرق فى السرعة القصوى للعربية
اقصد يعن انا بجيب ال 140 كم على الرابع فهل ياترى لو معايا غيار كمان اللى هو الخامس ممكن اجيب بيها اكتر من كدة
ولا حيبقى بدل ما اكون بحرق على 6 ار بى ام مثلا على الغيار الرابع عشان اجيب140 لا حبقى بحرق على 3-4 ار بى ام مثلا على الخامس وهى هى السرعة مش هتزيد مجرد انى بريح الموتور بس ؟؟؟؟
ومعلش سؤال تانى هو فى حاجة اسمها فتيس رياضى ؟؟؟!
ولو فى هل ياترى دة هيفرق فى الاداء بشكل ملحوظ ولا لا ؟؟
