الموضوع: اعتداء ضابط جيش على سيارتى وعلى اهلى "حسبى الله ونعم الوكيل"

سمعت يا باشا عن سياسة النفس الطويل
هو ده الي بيعملوه معاك
بينيموا الموضوع لغاية انت متزهق وتبطل تدور عليه وبكده يبقي الموضوع خلص بح
عاوز نصحتي
خليك عنييييييييييييييييييييد
ونفسك طويل
هو ده الي هيجبلك حقك
العند ثم العند ثم العند
الا اذا كان نفسك قصير فبكده اقدر اقولك الله يرحمك في الموضوع ده وفي كل المواضيع الي هتقبلك في حياتك بعد كده
تصدق فيه امور انا لا انساها وبفضل اتابعها لمدة سنين طويله لغاية ما اوصل للي انا عاوزه
مش معني كده اني مش متسامح لا خالص بس فيه امور لايحق للانسان ان يتسامح فيها
خليك عنيييييييييييييييييد

هوا مش حضرتك قلت ان فى واحد قريب ليك كلم ظابط فى المجلس العسكرى ؟

المشاركة الأصلية كتبت بواسطة blazer

كلمت الضابط انهادره لأنه قالى كلمنى بعد اسبوع
قالى انا سبت الموضوع واتنقلت
واروح انت اسأل عليه فى المكان اللى قدمت فيه الشكوى

طبعا زى ما انتم شايفين
,,
مش عارف اعمل ايه
بس واضح ان البلد دى مفيش فيها حاجه عدله ولا ناس بتتقى الله
ولا جيش بقى ولا بتاع
بلد زباله من اولها لآخرها
حسبى الله ونعم الوكيل

أنا رديت على رسالتك اللى جتلى على الخاص بس يظهر ما وصلتش , على العموم ده الرد اللى بعتهولك :
----------------------------------------------------------------
لا يأخى الفاضل مفيش أزعاج ولا حاجه

مبدئيا المحضر مش ممكن يتقفل أبدا , يا يكمل طريقه يا يتقفل بالتصالح , أطمن خالص

من أسبوع كلمنى أللى متابع محضرك , أللى أنا كلمته عليه , وقالى أن المشكله أن موضوع أمبابه والسفاره جم ورا بعض والتحقيقات فيها مع أعداد كبيره ووكلاء النيابه العسكريه والتحريات بيشتغلوا من الصبح لغاية 12 بالليل.

معلش التأخير فى المحضر مش مقصود وأنا هسألك بكره تانى وأبلغك

مع تحياتى
----------------------------------------------------

بس أسمحلى أعترض على كلمة بلد زباله من أولها لأخرها

بلدنا كويسه جدا وشعبها أحسن شعب وأجدع شعب وأرجل شعب فى الدنيا كلها

المشاركة الأصلية كتبت بواسطة aftam

شوف يا أفندم
اولا: حضرتك تروح تعمل محضر فى القسم وماتقولش انه ضابط ولا حاجة وسيب الموضوع يتحول الى قضية وياسلام لو خليت الاخطار اللى هايجيله من القسم مايوصلوش، هيتحكم عليه وتاخد نسخة من الحكم (اللى هيطلع فى اقل من شهر) ونسخة الى مكتب المشير والتانية فى النيابة العسكرية هيتحبس من شهرين الى 6 بجد، انا واحد تعدى على والدى فى الشارع وعملت معاه كده بالظبط بس تنازلت علشان صعب على.
ثانيا: شكوى الى مكتب الوزير والافضل قائد القوات بتاع السلاح اللى هو فيه وخلى بالك طويل مع س28.
ُالثأ: اتصل بأى برنامج زى على on tv مثلا وقول الشكوى مع ذكر ان دا تصرف فردى او حتى قول للمذيع انا عندى شكوى من اعتداء ضابط جيش على وقول رفم تليفونك وهتلاقى المخابرات بتكلمك قبل ما تقفل معاهم.

المحضر ضد واحد جه ومعاه قوات ومدرعات أكيد هيكون ضابط

لكن على العموم أى محضر فيه طرف من القوات المسلحه بيتحول للنيابه العسكريه وهى اللى تاخد فيه أجراء مش قسم الشرطه

والقوات المسلحه أحكامها على الضباط فى المواضيع المرتبطه بمدنيين بيكون عنيف جدا لأن فرد القوات المسلحه دوره يحمى البلد والشعب مش يرهبهم والدليل أن تقريبا محدش سمع قبل كده عن تجاوزات لضباط الجيش أو أستخدام لسلطتهم

ده مش دفاع عن الجيش لكن أى تصرف غلط من ضابط أو عسكرى مش معناه أن الجيش غلط ,ومفيش مهنه كل اللى فيها كامل ومحترم , بس المهم هل الغلط قله بسيطه ولا أغلبيه سائده