سؤال في إنذار وولف

**محمد الشامي** · 27-04-2011 10:58 PM

السلام عليكم ورحمة الله وبركاته

انا راكب عندي في العربيه انذار وولف من حوالى 5 سنين والحمد لله مفيش منه اي مشكله

بس مؤخرا لاحظت حاجه اعتقد انها مرتبطه بشكل مباشر بجهاز الانذار , وهي اني كنت لما بفتح اي باب من ابواب العربيه كان نور الأنتظار (الرباعي) بيشتغل طول ما الباب مفتوح ولمده دقيقتين تقريبا , واضاءه الانتظار كانت بتقفل بمجرد ما اقفل الباب

ولكن المشكله ان من حوالى اسبوع والكلام ده مش بيحصل , يعني لما بفتح الابواب او الشنطه اضاءة الانتظار مش بتشتغل خالص وكاني مش فاتح الباب ,, فـ ياترى ده ممكن يكون بسبب ايه ؟؟؟؟

مع العلم اني شييكت على كل الفيوزات الموجوده داخل الكابينه وكانت سليمه
وبصيت على الفيوزات الموجوده على وصلات الأنذار وكلها سليمه والحمد لله
وكمان فتحت جهاز الانذار نفسه لاني توقعت ان ممكن يكون جواه فيوز او حاجه بس لم اجد شئ

وفي كمان ملحوظه
لما بكون مزود حساسيه السينسور على الاخر (حساس جدا) , واخبط العربيه بإيدي بقوه الانذار مش بيشتغل , وعشان يشتغل لازم اخبط جامد جدا (وليكن مثلا ارزع الكبوت وانا بقفله) , فـ ياترى ده كمان ايه ؟؟؟

**احمد المصرى** · 28-04-2011 10:27 AM

فينك يا راجل مختفى فين مش بتيجى اكتوبر ولا ايه .... والله ليك وحشه كبيره جدااااااااااااااااااااااا ا

بخصوص الانزار شكله كدا بيسلم نمر وهتحتاج جهاز قريب لانه عمل حرجات ذى دى فى عربيه ابن خالتى وبعد كدا باظ ممكن تشتغل بيه حاليا لحد لما تغيره وخلاص

**MMamdouh** · 28-04-2011 12:23 PM

المشاركة الأصلية كتبت بواسطة محمد الشامي

ولكن المشكله ان من حوالى اسبوع والكلام ده مش بيحصل , يعني لما بفتح الابواب او الشنطه اضاءة الانتظار مش بتشتغل خالص وكاني مش فاتح الباب ,, فـ ياترى ده ممكن يكون بسبب ايه ؟؟؟؟

المشكلة دى فى الاضائة بس؟؟؟ يعنى لو فتحت الباب بالمفتاح الانذار حيضرب ولا لا؟؟

لما حصل معايا حاجة شبة كدة كان سويتش نور الصالون لباب السواق اتكسر و بالتالى الباب لما بيتفتح الانذار مش بيحس ان الباب اتفتح فا لا كانت السارينة بتضرب لو الانذار متامن ولا كان النر بينور لما افتح الباب و الانذار مش متامن

اسهل حاجة بص على نور الصالون لو شغال مع الباب ولا لا

MMamdouh

**MMamdouh** · 28-04-2011 01:22 PM

المشاركة الأصلية كتبت بواسطة محمد الشامي

ايوه يا استاذ محمد المشكله في الاضاءه بس , لكن لو فتحت الباب الانذار بيشتغل

انا بصيت على نور الصالون وهو شغال فعلا

تنصحني ابص على حاجه تانيه طيب ؟

طيب هل لما النذار بيضرب النور بينور ولا لا؟؟

لو مبينورش يبقى الوصلة بين الانذار و الفلاشرات فيها مشكلة

لو بينور يبقى غلب حمارى...

MMamdouh

**msa142** · 29-04-2011 01:52 AM

نفس مشكلة الفلشر دى عندى مع الولف برضو لما الباب بيفتح الفلشر ميشتغلش مع انو كان قبل كدا شغال
تقريبا الموضوع دا حصل وانا بغير اسطوانة الدبرياج انا حطيت احتمال انو يكون عشان فصل البطارية رجع الجهاز لضبط المصنع

**محمد الشامي** · 29-04-2011 08:59 PM

المشاركة الأصلية كتبت بواسطة msa142

نفس مشكلة الفلشر دى عندى مع الولف برضو لما الباب بيفتح الفلشر ميشتغلش مع انو كان قبل كدا شغال
تقريبا الموضوع دا حصل وانا بغير اسطوانة الدبرياج انا حطيت احتمال انو يكون عشان فصل البطارية رجع الجهاز لضبط المصنع

انا فصلت البطاريه قبل كده اكتر من مره والمشكله دي محصلتش !! نفسي افهم ايه اللي حصل

**Dr Ahmed** · 29-04-2011 09:37 PM

دى مش محتاجة متخصص
دى محتاجة ... فهلوى

أكيد مكثف الدايرة فى لوحة التحكم عليه رواسب
وعلشان تروح
انفخه
ببقك .. بالبلاور .. أو بمروحة سقف

لو مكنش مكثف الدايرة
يبقى المقاومة الواصلة بين بروسيسور الجهاز وأحد الأطراف
ودى تشيك عليها بجهاز الآفوميتر
ولو مش عندك... أجيبهولك

لو المشكلة مش كده ولا كده تبقى كتاوت المنافلة
ودى تتغير من عند سيد الجحش

لو كله تمام يبقى الحل عمرة وعليك خير
عمرة رجب
وتدعى هناك إنك تعرف السبب وإن شاء الله هتعرفه

وأرجو من السيد المشرف المحترم ومن هاك التعدد ألا يخطئ ويظن أنى شخص آخر

-

-

-

الموضوع: سؤال في إنذار وولف

LinkBack

أدوات الموضوع

عرض

سؤال في إنذار وولف - انشر الموضوع فى :

-

-

-

-

-

-

المواضيع المتشابهه

توصيل إنذار وولف

أستفسار بخصوص تركيب إنذار وولف للانوس

إنذار اسباي تاني - معلش- لو ريموت إنذار سباي تو خلص شحن تفصل الإنذار إزاي

ركبت إنذار وولف يوم السبت اللى فات!!

ريموت وولف

الكلمات الدلالية لهذا الموضوع

المفضلات

المفضلات

ضوابط المشاركة