الحمد لله على كل شىء
مش عايز أبوظ الموضوع
بس حصللى زيك تقريبا
عربيتى إتسرقت ولقيت الحرامى وضربته ورجعتها والحمد لله
عرض للطباعة
انا بقى للاسف مالاقيتوش ولو كنت لاقيته ؟؟؟؟؟ اكيد كنت ها عمل معاه مصيبه لانه مش بس سرقها دا كمان فوت الموتور
عموما الحمد لله وقدر الله وماشاء فعل
الف مبروك ياباشا على التسقيط
اولا الماتور دة zc 1600 موديل 97 مش 2000 عايز تتاكد اكتر هتلاقى رقم 97 مكتوب فى البلوكة من ورا
الله ينور يا سمسم
طيب الموتور ده كام حصان
وهل فيه فى تك وألا أيه
والفرق بينه وبين الموتور اللى تحت ده
اقتباس:
سابعا : zc 1.6 litre
http://1.1.1.4/bmi/img152.imageshack...zcsohcvtec.jpg
خصائص هذا المحرك :
1: عدد السلندرات : 4
2: السعة اللترية : 1590 سى سى
3: عدد الصمامات : 16 صمام
4: القوة الحصانية : 130 حصان
5 : العزم : 14.7 كجم / المتر عند 5700 لفة
6: عدد الكامات : 2 كامة علوية
7: نظام حقن الوقود : انجيكشن
8: اقصى عدد لفات :7800 لفة
9: نسبة انضغاط الماتور : 9:5
10: اقصى سرعة : 220 كم
مشكوووووووووووووور يا سامح باشا :Bravo:
هوه مكتوب على البلوكه من ناحيه اليمين 97
شكرا ياسامح باشا جدا :Bravo:
امبارح روحت لعصام علشان موضوع ان العربيه مش بتسحب وحاسس انها مكلبشه فى الارض وانا مش عاوز اقسى عليها دلوقتى فقالى كل دا عادى لما تعمل 1000 ك تيجى علشان نعمل سرفيس كامل ونغير سير الكاتينه وكمان باقى السيور ويظبط الموتور :nemoflow::banzai:
وبعدين روحيت على حسنى فك كتاوت طلمبه البنزبن وظبط الفيشه وحط فيها ترمله جديده ومشيت الى الهرم عن طريق الدائرى علشان اجرب ومارديتش ازيد عن 90 مع انى كنت حاسس انها مش هاتجيب اكتر من كده :B4_611:
ان شاء الله رايح اغير زيت بعد ما عملت ال 200 ك واحاول اعمل كمان 200 ك كده وبعدين اروح اقيس كبس الموتور
من الأخر كده عشان مدوخش نفسك من صور الكنترول ده OBD-1 ليه فيشتين فقط A, D مش ثلاثه بينزل في السوق الاسيوى والاوروبى بيكون 26 و 22 بينايه وزى ما قولت لك ده ماتور هوندا انتجرا موديل 94-95 كامه واحدة بدون Vtec
المهم متشغلش نفسك هو موديل كام عشان أغلب التجار اللى بيبعوا بيقولوا موديل عالى عشان اللى بيشترى مايقولش ده ماتور قديم والكلام ده أنت ليك بحاله الماتور وتقيس الكبس بتاعه وطبعاً هتحس بفرق أقل شوية في الأداء عن الماتور القديم
تمام يا سامح باشا ده بالاضافة ان الماتور اللى في اقتباس أستاذ طارق 2 كامه و شبيه بتاع الـ Si في حين اللى في الموضوع ده كامه واحدة
شكرا سمسم
شكرا محمد نبيل
أصل ده موتورى اللى فى الإقتباس فكنت عايز أعرف الفرق بينهم
شكرا يا محمد باشا وشكرا يا استاذ سامح وربنا يبارك لكم وربنا يبارك ليك يا ابو حنين
تسلم ياروقه
وبأذن الله تخلص على خير
وعيش ياباشا
تشكر يا ابو حنين
النهارده قلت اسافر رحله قصيره على المنصوره منها اجرب العربيه والموتور
الحمد لله روحت ورجعت بدون اى مطبات بس لسه حاسس ان العربيه مكلبشه فى الارض ومش عاوزه تسحب وانا طول الطريق تقريبا ماشى 90 الى 100 وسامع صوت الموتور عالى ولما كلمت عصام قال بعد 1000 ك نبقى نغير سير الكاتينه وكل السيور وطقم البوجيهات
السؤال بقى دا طبيعى ان تغير السيور ممكن يفك خنقه الموتور ولا ايه رأيكوا؟؟؟ :question2: :help2:
افيدونا يا اهل الخبره :U_thin1[1]: :help:
لا طبعا خنقة الماتور مالهاش دعوة بالسيور
الخنقة دية سببها
1- طلمبة بنزين ضعيفة
2- عدم ظبط تاكيهات
3- رشاشات مسدودة
4- فلتر بنزين يتغير
5- فلتر هواء يتنظف
6- بوجيهات تتغير
طيب اقيس كبس الموتور الاول ولا اشيك على الحاجات دى الاول علشان انا لسه ما ردتيش على الحاج مجدى فى الافراج بتاع الموتور
شيك عالحاجات دي الأول عشان هو لما قال لك نغير سير الكاتينة قصده يبص عالتقسيمة ظبط التكهات , عشان حصلت مع صاحبي إنه بعد ماسقط الماكنا زي ماهيا ومشي بيها شوية وجيه يعمل حكاية السيور دي لقى التقسيمة مش مظبوطة وكانت كاتمة العربية فعلا . فـإنت اعمل الحكاية دي وشيك عالتقسيمة وظبط تكهاتك وزي ماسمسم قال كمان اظبط فلاترك والبجيهات والكلام ده وإن شاء الله حتحس بفرق
مبروك يا طارق على التسقيط ... موفق بإذن الله
اتكلت على الله وقست كبس الموتور من ساعه فى بنزينه شل وطلع 14 بار لكل بستم وبيقول انه فوق 75 %
ايه رأيكوااااااااااااااا
وكمان قال محتاج اظبط كهربه العربيه ويفضل التظبيط بالمسدس على طنبوره الكرنك مع وش التقسيمه " كلام كبير قوى " بس هوه فى حد عنده الموضوع دا ؟
وكمان اقترح اجيب بوجيهات 2 شمعه ومن واقع خبرته بوجيهات الاوبل افضل وهى فى حدود 125 ج
أنت بتغششه :)
طيب أنت برضه كدة مقولتش على الخطوات Search بقى P: وكمان الأفضل والصح يتعمل اختبار Dry وبعديه Wet الماتور ده المفروض المتوسط بتاعه مابين 12 و 13 بار للحالة الجيدة عشان كده كنت عاوز اعرف الراجل عمل الكبس ازى بالتفاصيل ونعرف ضغط كل بستم كام بالضبط في انتظار الخطوات
لأ, اصله خالي و متابع معاه الموضوع و لسة كنت باكلمه قبل ما يكتب المشاركة علي طول,
و عرفت منه عمل اة.
لو تعرف مكان بيقيس الكبس بالطريقة دي قولنا عليه لو سمحت.
هو مش حوار أنت ممكن تطلب من العامل اللى في البنزينة يعملهولك عادى كل الموضوع شوية زيت شوف الفيديو ده بيلخص الخطوات ده بالاضافه ان الماتور لازم يكون في درجة التشغيل العادية ومش بارد والبوابة مفتوحة على الأخر
لو في اى استفسار اتفضل
[youtube]http://www.youtube.com/watch?v=X_tbksFYhl4&feature=player_embedded[/youtube]
شكرا يا ياهونداويه
اللى حصل بالضبط كالتالى
نزلت من الهرم على المهندسين علشان اروح محطه شل علشان اقيس الكبس " كل الكلام دا عادى "اقصد كنت ماشى بالعربيه فى طريق زحمه وفى الحاله العاديه
المهم لما دلخت المحطه اول حاجه سألنى عامل كام كيلو بالزيت قلت 450 ك وحوالى 250 ك بالزيت اللى قبله ورفع مقاس الزيت وقال ان الزيت كويس ما اتحرقش وبعدين شاف مقاس زيت الفيتيس وقال برضه كويس وبعدين شال فيشه الاسبراتير وفك الاربع بوجيهات وقال ان حرقهم كويس وبعدين جاب حاجه عامله زى مقاس الهواء بتاع كاوتش السياره وركبه فى البستم الاول وقالى دور حوالى 4 لفات كده وبعيدن كتب القراءه كانت 14 بار ثم كرر نفس الخطوات على كل بستم وقالى ان الموتور ماشاء الله عليه ونسبته اكثر من 75 % بصراحه الكلام حسييت انه مش مترابط لانى سألته الموتور الاستاندر بيعمل كام بار قال 15 بار وقال انه شايف ان الموتور كده كويس جدا ولما حس منى انى مش مقتنع كرر نفس القياس تانى لكل بستم على حده وبرضه طلع 14 بار لكل بستم وسألنى هيه بتاكل بنزين قلت ايوه قال لازم تظبط الكهرباء كويس عن طريق المسدس وظبط الكهرباء على طنبوره الكرنك مع وش التقسيمه وقال لازم تغير البوجيهات واقترح انهاا تكون 2 شمعه بتاعت اوبل ودا كل اللى حصل
معلش انا مش قادر اشوف الفيديو اللى حضرتك بتقول عليه
وايه حكايه اختبار dry واختبار wet علشان انا مش فاهم خطواتهم بتتم ازاى وهل تقترح مكان افضل تعرفه ممكن اقيس فيه كبس الموتور
هو الخطوات سليمه بس المفروض انك تكون جايب اخر دوسه البنزين عشان تكون البوابة مفتوحة ده بيدى كبس ادق نوعاً ما عشان لو عندك فلتر هواء مسدود أو مشكلة في الصمامات، و الاشواط تكون 5 أو 6 لفات التدوير يعنى وموضوع الـ Wet ده هو نفس الكلام ده بس بيحط شوية زيت على البستم من فوق معلقة زيت تقريباً ويقيس المفروض انه بيدى قياس كبس مماثل أو اعلى حاجه بسيطة .. بتعرف اذا كان في تسريب من عند جوان وش السلندر او الشنابر أو من الصمامات ولا لأ
وطلما عندك قياس الـ 4 بساتم قريبين لبعض في الأرقام يبقى المكنه دى تمام، الحالات اللى بيكون فيها مشكلة لما تلقى الفرق مابين قياس اعلى بستم واقل بستم زيادة عن 15%
ضبط الكهرباء و تقسيمة الكاتينه اما بخصوص بوجيهات 2 شمعه ده اى كلام أنت ركب طقم شمعه واحدة NGK بتاعه الهوندا هتلقيهم في حدود 50 جنية واستمتع بالمكنه وألف مبروك
مشكوووووور ياباشا يعنى كده اطمن من الموتور ونسبته تقريبا 75% زى ما قالى ؟
زى ماقال محمد نبيل كدة ياباشا
وماتسمعش كلامة هية بوجيهات ngk كود BKR6E-N11 جامدة ودية اصلا بتاعة الفابريكة عاملة 50 جنية فى علبة NGK وبتعمل 95 جنية فى علبة HONDA وهية نفس البوجيهات مافيش اختلاف فقط العلبة
طيب ممكن اعرف نفس كود البوجيهات دى ينفع للمكنة بتاعتى طبعا هى كربراتتير 1500 طبعا كود المكنة d15b3
طبعا لما عملت سيرفيس للعربية غيرت البوجيهات بس الميكانيكى حطلى بوجيهات bosh واحد شمعة هل فى اختلاف بينها وبين ال ngk ولو فى اختلاف فعلا الموضوع يستاهل اغير البوجيهات ولا اية ؟ اعذورو جهلى
مبروك ياباشا و ربنا يباركك فيه و يكفيك شره..بس السؤال انت ماروحتش ليه لمنير ؟
مبروك يا باشا واستمتع بمتورك الجديد