المشاركة الأصلية كتبت بواسطة amir
يا باشا ماهي دي فايده المنتدي
يعني الجرايد مثلا بتكتب اللي علي مزاجها و الناس تصدق لأن مفيش غير الكلام المكتوب ده
انما هنا لو واحد او اتنين او عشره حتي قالو اراء غلط او خلافه بيبان كلامهم و خصوصا لما اعضاء زيي و زيك يردو
تفتكر انا لما كنت بشتري الصني مكنتش بسمع نفس الكلام؟
لكن كلام سبعاوي المحايد و الصح طمني
و الحمد لله في ناس في المنتدي بقت بتسمع كلامي بخصوص العربيه و بتاخد بيه
و في نفس الوقت انا مش متعصب ولا بكدب في الكلام اللي بكتبه في المنتدي سواء عن الصني او من قبلها الفيليشيا
و لما ربنا يقدرني و اشتري الجين برضو كلامي هيفضل محايد عن كل العربيات اللي ركبتها و سقتها
يا جماعه محدش يتعصب لعربيه معينه لأن هيجيله وقت و يغيرها و لما يغيرها و كلامه يتغير عليها ساعتها شكله هيكون وحش قوي قوي
دي عربيات يا اخوانا مش ديانه