تيدا بعد 15000 - عملت حادثة

**eng.octooo** · 14-02-2009 04:54 PM

دى حاجات سهلة

**aboezz44** · 21-02-2009 03:45 PM

المشاركة الأصلية كتبت بواسطة MTAK

الحمد لله اكملت معى التيدا الهاتشباك كيلومتراتها الـ 15000 بنجاح منقطع النظير "بالنسبة لى على الاقل"
و الحمد لله العربية جميلة اوى و مريحانى فى الـ 10 شهور الماضية

و الحمد لله و انا فى قاهرة المعز لعمل الصيانة الدورية عند يونايتد جروب خلف مسجد الشرطة بصلاح سالم
وانا على الطريق قادم من كوبرى السيدة عائشة و امام قلعة صلاح الدين توجد فتحة لمن يريد اللف

و انا على الشمال "اقصى الشمال بحك فى الرصيف" و ماشى طوالى الساعة 1 الظهر و اللى عايز يلف استنيته لحد ما لف و انا ماشى هادى و الشارع شبه واقف
و خلاص انا و صلت انى سديت نصف الفتحة تقريبا بعربيتى و هووووووووووووب و احد تاكسى دوجان محترم جه من يمينى و بسرعة عايز يخطف التعدية من امامى
طبعا سمعت اصوات تحطم و كراش باش سى هونج تاو
انا فضلت فى العربية متنح حوالى 20 ثانية عمال اقول ياترى الفوانيس و الرفرف و الاكصدام طاروا و لا لسه

المهم نزلت لقيت الحمد لله الاكصدام بطرفة اليمين عندى دخل فى باب السائق للتاكسى
الباب بتاعه اتطبق و اتجرح
و انا الاكصدام فيبر فدخل لجوه من فوق فوانيس الشبورة و نتيجة لكده فارق من الاعلى من عند الفوانيس
و الرفرف اليمين اتخبط من اعلاه و تطبيق بسيط فيه مع تجريج حوالى 5 سم
بس لقيت الباب اليمين بيقفل مع عضه خفيفه مع الرفرف

بصينا لبعض و كل واحد قال انه مش غلطان قمنا مشينا بهدوء

اصلح الحاجات دى ازاى و فين حيث ان دى اول مرة لى مع حادثة

افيدونا افادكم الله

اسأل الله ان يؤجرك فى مصيبتك خيرا

عليك وعلى الحرفيين مدينة السلام
وربنا معاك
وطمنا عليك

**mahmoudzaied** · 21-02-2009 05:06 PM

يا باشا قدر الله وما شاء فعل
بعدين عربيتك عاملة 15000 كيلو
تعمل ايه بقى لو كانت العربية لسة عاملة 1200 كيلو بس (حصلت معايا)
يعنى لسة زيرو مخلصة تليين
الحمد لله على كل شىء
وشوف الحرافيين يأما التوكيل