بياني المشير ورئيس الأركان"سنتصدى لاقصاء الجماعات الإسلامية"

**SkyBird** · 28-04-2011 06:28 AM

صدر اليوم البيانان التاليان :

الأول: عن المشير محمد حسين طنطاوي القائد العام للقوات المسلحة المصرية:
" بيـان: الجماعات الإسلامية شريحة عريضة من المجتمع المصري لها من الحقوق ما لكافة المصريين ولن نسمح بمحاولات إقصاء "الجماعات الإسلامية" وسنتصدى لها "
المصدر: صفحة المشير على موقع فيس بوك

الثاني: عن الفريق سامي حافظ عنان رئيس أركان القوات المسلحة المصرية:
" أبناء مصر الشرفاء: لوحظ في الآونة الأخيرة انتشار أخبار كاذبة عن المجلس العسكري من بعض الصحف التي لا تعرف المهنية وإن هذه الأخبار تعمل على زرع الفتنة بين طوائف الشعب المصري والجيش و"الجماعات الإسلامية" والتي تمثل شريحة عريضة من المجتمع المصري ولا يمكن فصلها عن المسلمين حيث يقارب نسبة المسلمين بمصر 90% لذا يرجى الالتزام في الحديث وتقبل رأي الأغلبية من منطلق الديمقراطية "
المصدر: صفحة رئيس الأركان على موقع فيس بوك

و ما سبب هذان البيانان من اكبر قيادات الجيش ؟

**تامر.محمد** · 28-04-2011 11:02 AM

ايه مدى الثقة في الصفحتين دول اصلا ؟
واضح ان اللي عاملهم نفس الجهة
و ايه موضوع الدفاع عن الخليج العربي اللي هما كاتبينه ده ؟ ما اظنش ابدا ان طنطاوي و عنان هايكتبوا كلام زي ده على الفيس بوك , سواء عن الجماعات او عن الخليج

**SeiffoZ** · 28-04-2011 12:24 PM

المشاركة الأصلية كتبت بواسطة tamatemo

انا شوفت الصفحتين

https://www.facebook.com/sami.hafez.annan

https://www.facebook.com/mohamed.hus...pp_45439413586

واعتقد ان موضوع القوات العربية مع زيارة شرف نوع من انواع التطمين للخليج من حاجة معينه كانو خايفين منها

وصفحاتهم دي موجودة في صفحة المجلس العسكري

ونفس طريقة واسلوب الكتابة
فاكيد مش المشير نفسه لكن ادارة الشؤون المعنوية

أنا مش شايف أى شئ فى صفحة المجلس الأعلى للقوات المسلحة تشير للصفحتين دول ....

و الجماعات الإسلامية مش قطاع عريض من مصر ولا حاجة ... الجماعات الإسلامية شئ ..

و إن الشعب مسلم شئ . فأشك فى الكلام ده تماما ....

**SeiffoZ** · 28-04-2011 12:28 PM

ثاينا من ضمن البيانات : أصدرت قرارا بالرد على أى قصف يحدث داخل الحدود المصرية كافة ..

ميتهيأليش المشير ممكن يقول حاجة زى دى ...

إشاعات مش أكتر

**aly_hosny** · 28-04-2011 12:42 PM

الصفحتين دول اصلا هجص
و كذا مرة طلعو قالو الكلام دا

**ahmedbatoos** · 28-04-2011 01:06 PM

برغم ان واضح ان الاغلب ان هذة الصفحات ليست رسمية . .

لكن المجلس الاعلي في البيان 41 اشار لشئ مثل هذا
وهو الاداء الاعلامي السئ وزرع الفتن ونشر الاشاعات . . .

كنت اتمني ان تكون هذة البيانات حقيقية . . خصوصا ضد الجرائد الحقيرة التي تسعي لحرق مصر بلفتن الطائفية بين المسلمين والنصاري والمسلمين وبعضهم . . . بلكذب والاخبار الكاذبة . . او علي الاقل ايقاف اصدارها في هذا الوقت خصوصا انها تجاوزت الحدود في هذا الوقت ولوا طبيعة الشعب المصري وعقلة . . لقامت الفتنة بلفعل . . .

خصوصا ان بعض هذة الجرائد لها علاقة واضحة جدا ومشبوهة بعناصر داخلية من الحزب الوطني السابق قيادات كبري والمخابرات الامريكية . . .

خصوصا ان اغلب هذة الصحف تهاجم الاسلام والمسلمين نفسهم بلاختفاء خلف شعار مهاجمة تيارات معينة او افكار معينة

**tamatemo** · 28-04-2011 01:54 PM

المشاركة الأصلية كتبت بواسطة seiffoz

أنا مش شايف أى شئ فى صفحة المجلس الأعلى للقوات المسلحة تشير للصفحتين دول ....

و الجماعات الإسلامية مش قطاع عريض من مصر ولا حاجة ... الجماعات الإسلامية شئ ..

و إن الشعب مسلم شئ . فأشك فى الكلام ده تماما ....

انا اسف فيه لخبطة حصلت

لانهم كانوا منشورين وبلنكات عن الصفحة الغير رسمية للقوات المسلحة

الصفحة المزيفة اللي فيها 118 الف عضو مش اللي فيها 950 الف عضو

اسف علي اللخبطة

وشكله فعلا موضوع مفبرك