ايه اقرب ركنه لابو شقره اللى عند القصر العينى ؟

**mikology** · 28-04-2011 06:57 AM

صباح الفل يا رجاله
محتاج اعرف ايه انسب مكان اقدر اركن فيه عشان رايح مشوار عند ابو شقره اللى فى القصر العينى
فانا عارف انه مكان صعب فيه الركنه
فياريت اللى عنده خبره فى المنطقه دى يقولى - انا مش هقعد كتير جوه انا اخرى ساعه ولا حاجة و ارجع
يستحسن يكون باركينج
ولكم جزيل الشكر

**dr.hazem** · 28-04-2011 08:24 AM

روح عند البوابه الرئيسيه للقصر العيني وادخل من عندها يمين
الحته دي بارك وبيتاجر من 3 الى 5 جنيه

او لو انتا جاي من شارع القصر العيني هتخش من جنب مستشفى اطفال الياباني يمين وعدي لتحت الكوبري واركن تحته وده كمان بارك والساعه بنص جنيه
تحياتي

**mikology** · 28-04-2011 08:56 AM

معلش فين مستشفى اليابانى دى اصلى مش من هناك
الكوبرى ده اللى يمين الاشاره ؟

**M.Hosni** · 28-04-2011 10:17 AM

فيه كمان بعد أبو شقرة بشارعين على نفس الصف, هتلاقي شارع على ناصيته معهد التعاون الشارع ده ممكن تلاقي فيه ركنة كويسة و قريب من أبو شقرة , يعني دقيقتين ثلاثة مشي

**mikology** · 28-04-2011 12:50 PM

شاكر جدا ليكم

**د.أحمد السعيد** · 28-04-2011 02:02 PM

بص يا سيدىالفاضل انت هتيجى من الكورنيش اجبارى لغاية معهد الاورام
و بعد كدا هتدخل اجبارى فى اول شارع القصر العينى (جنب معهد الاورام )
و هتمشى بتاع 400 متر و خليك فى اليمين و هتلاقى على ايدك الشمال مسرح مش عارف اسمه ايه و بعد كدا كليةالصيدلة ادخل يمين فى الشارع اللى قدام بوابة الكلية ( بكده هتكون خلف المستشفى اليابانى للاطفال بابو الريش )

اركن فىالشارع دا و ارجع كمل على رجلك حوالى 100 متر بالضبط لابو شقرة

**Dr_Mido** · 28-04-2011 02:48 PM

فى ركنتين متاحين قدامك لو عاوز متبعدش اما قدام معهد التعاون فى واد بتاع جراج هناك واد جدع هيركنك فى مكان كويس او لو فيك نفس تمشى شويه و الدنيا وقف هقلك تعمل ايه

روح القصر العينى القديم اكنك داخل من البوابه الرئيسيه ولف واحخرج تناى من عند البوابه هيبقى فى ممر اركن فيه انا بعمل كدة اما اكون مش داخل الققصر العينى اوعى تركن ناحيه الفرنساوى لياخدوك مخالفه وعلى فكرة شارع التعاون هتللاقى فيه ركنه متقلقش