السلام عليكم
كنت عايز اغير جو ... واروح مكان جديد يومين كده
انا بصراحة مارحتش راس سدر ولا العين السخنة قبل كده
ايه رايكوا... حد يعرف مكان كويس انزل فيه هناك
وايه نظام الاسعار ... ومستوى الخدمة فى المكان اللى هترشحوه
شكرا مقدما
عرض للطباعة
السلام عليكم
كنت عايز اغير جو ... واروح مكان جديد يومين كده
انا بصراحة مارحتش راس سدر ولا العين السخنة قبل كده
ايه رايكوا... حد يعرف مكان كويس انزل فيه هناك
وايه نظام الاسعار ... ومستوى الخدمة فى المكان اللى هترشحوه
شكرا مقدما
والله انا لسة جاى من راس سدر امبارح الدنيا هناك مش غالية قوى بس بصراحة مش عارف اسعار الشقق اية لان كنت نازل عند واحد صاحبى بس راس سدر عموما ارخص من السخنة
انا رحتها مرة واحدة اللى ضايقنى فيها حسيت انها حر شوية
دة كان فى شهر 7 او 8
أنا برده لسه راجع من رأس سدر و هى طبعا أرخص من السخنة كتير و بصراحة المرة دى برده كنت نازل عند أقاربى بس فى الصيف اللى فات كان و الدى مأجر شاليه فى جولدن بيتش 2 و أعتقد إنه كان رخيص أوى بس مش فاكر بالظبط الفلوس
البحر الاحمر مشتى مش مصيف عشان كده اسعاره بتبقى فالأرض فالصيف
بس فالشتى بيبقى أغلى كتير وجوه 10/10
أنا رحت شم النسيم اللي فات 2010 في موسى كوست في راس سدر
وكانت جامدة جدا أنا منزلتش فالفندق بس في شاليه خاص
بس الفندق أصلا شاليهات وبيتاجرها وفيها مطعم كويس وليه 2 بسين عالبحر غير اللي جوه
وفيه أماكن للعب الاطفال وكافيهات وبلياردو و بنج بونج ومش فاكر إيه كده تاني وببلاش كل ده :)
آه نسيت أقولك المية بتاعت القرية كلها مية كابريتية من عيون موسى أنا معرفش إيه فايدتها بس دي حاجة كويسة المفروض يعني وال بسين كده برده
لو عايز رقمهم تكلمهم ابعتلي عالخاص وأنا ابعتهولك
إنت كده تاني واحد أنا المفروض آخد كومشن من القرية دي
طيب يا جماعة بما انكوا روحتوا اصلا اية المانع تحتوا الاسعار هنا
متابع باهتمام
ويا ريت لو حد راح السخنة يقول الأسعار علشان أنا مايل للسخنة وعايز أروح
عليك وعلى موسى كوست راس سدر اسعار رائعه وجو جميل ومسافه قريبه جدا من النفق هى قبل راس سدر ب 30 كيلو يعنى اقرب قريه للنفق وهاديه وتصلح للعائلات
متابع لأني ناوي بإذن الله أروح رأس سدر
السخنة اسعارها فى الأرض حاليا لأنها فاضية
الروم الى كانت بتعمل 800 جنيه فى ستيلا حاليا بتعمل 300 جنيه بس
الحق قبل ما الدنيا تشد ويرفعوا الأسعار تانى
طب نمر موسى كوست ايه؟؟؟
انا النهاردة فى موسى كوست
تقريبا 185 ك من الهرم
حجزت شاليه 350 ج
نمرة استاذ حسين للحجز 016738234
بس المشكلة تقريبا انا ماجر القرية كلها لوحدى
تقريبا مفيش غيرى انا و واحد كمان
على العموم انا قاعد ل يوم الاربعاء لاى استفسار
هل سعر موسى كوست 350 جنيه ماذا يشمل
أحسن مكانين تروحهم في السخنة (بس غاليين شوية)
ستيلا دي ماري و موفينبيك
الغرفة الدبل في ستيلا ب 750 اليومين دول و موفنبيك ب 850
و في شم النسيم كانوا معديين ال 1200 و علي فكرة الاسعار ما نزلتش ولا حاجة مش عارف ليه...الناس بتتفسح عادي و نسبة الاشغال عالية جدا
أنا كنت في موفنبيك الاسبوع اللي فات و رحت ستلا الصيف اللي فات...بصراحة روعة!!! الاتنين احسن من بعض
بس بلاش تروح في شهر 7 و 8 عشان بتبقي حر جدا
علي فكرة انا قبل ما اسافر اي حتة بشوف الفنادق و الاماكن السياحية اللي فيها علي جوجل ايرث و Tripadvisor وطبعا بيبقي في صور كتير و بتقدر تعرف شكل المكان ايه قبل ما تروحه
و مرة رحت قرية اسمها واحة مينا في السخنة و دي سعرها كان معقول الغرفة الدبل ب 350 و الشاطئ نضيف و في لسان خشب طويل جوة البحر القعدة فيه ظريفة
يشمل الفطار و العشاء (8-10) ص-م
الجو معتدل
الشالية يصلح ل فردين
2 سرير - صالة - غرفة نوم - حمام - مطبخ به ثلاجة
المكان- طريق مصر السويس - نفق الشهيد احمد حمدى - 20 ك القرية على اليمين
المكان به 2 حمام سباحة- بحيرة - يطل على البحر لكنى لم اذهب هناك بعد - ملاهى للاطفال - حديقة حيوان صغيرة ( شوية احصنة و معيز و ديوك رومى )
ملاحظة : يوجد ناموس مش كتير.. بس فيه
ده موقع موسي كوست و فيه صور
main
شكله كويس و سعره معقول
Very Nice Prices Still High but Ok
واللهِ يا جماعة أنتم كده حظكم نار موسى كوست كانت اسعارها أعلى من كده بكتير
ربنا يباركلنا فالثورة :)
شكرًا يا جماعة على الإفادة
:16::16::16:
البحر فى قريه موسى كوست ممكن حد ينزله ولا غريق ومش حلو
أنا عاوز (شالية) فندقي في أي قرية سياحية فى السخنة أو رأس سدر ........ أروح فين ؟
انا عاوز اشتري شالية في العين السخنه
فين اشتريه