انا رأى ان او التوكيل استورد 1500 هيبالغ جدا فى سعرا خصوصا انها مبتتجمعش بره اليابان
1300 كويسه جدا
عرض للطباعة
انا رأى ان او التوكيل استورد 1500 هيبالغ جدا فى سعرا خصوصا انها مبتتجمعش بره اليابان
1300 كويسه جدا
و الله يا جماعه انا شايف ان 1300 كفايه اوي و بعدين انا موش هدفع الفرق دا كله علشان العربيه 1500 و باقي الكماليات الي ممكن برده نجيبها بارخص من كده و انا بشتري عربيتي كان فيه معرض في القاهره اسمه الهاشميه قريت في الاعلانات انه عنده الياريس الخليجي 1500 و لما سالته علي السعر قالي 125000 طبعا من غير كلام قلتله انها عمرها ما هتتباع لان الي معاه 125000 يذود شويه و يجيب لانسر الجديده او انواع كتير تانيه ممكن تفوق في الاداء الياريس كمان موش هدفع دا كله علشان المكنه و الكماليات و شكله اتكسف او ان كذا واحد قاله كده فحس انه واخد مقلب انا راي ان ال 1300 احسن لان الياريس موش بتاعه شد و جري كتير هيا بتاعه اداء داخل المدن و اعتقد انها مصممه علي كده
بس بصراحه يا جماعه العربيه تحفه بجد في كل حاجه
وتحس انها برستيج جامد
انا بتق معاك يا اخ ابو عبد الله ان العربية تحفة بجد وانا شوفت نفس العربية الى انت عملت موضوع عنها وانا شايف ان سعرها كويس ومعقول اوى مقارنة بالمعروض فى السوق موتور 1500 و 105 حصان لما تكون ال 1300 ب 103 الف دلوقتى شوف بقى لما تزود عليها طقم الجنوط بحوالى 5 الاف والكاسيت ال سى دى الاوريجنال يعمله 3 كده غير العتب والكساحات وكل دا مع ال 200 سى سى الزياده هتلاقى ان السعر معقول جدا....
كل ما في الموضوع هو إن التوكيل مبينزلش اليارس 1500 لانه طالب كورولا 1400 والكورولا تعتبر فئه أعلى من اليارس فلا يمكن أن تكون هنال يارس 1500 وكورولا 1400 وهذا ما حدث في السابق مع الكورولا القديمه فكل منطقة الشرق الأوسط كان لديها كورولا 1300 بما فيها الخليج وعند نزول اليارس في عام 2006 كانت 1300 و 1500 ولكنها كانت تأتي 1300 فقط لوجود الكورولا 1300 ولكن بعد إلغاء 1300 في الكورولا الجديده إستطاعت دول الخليج أن تستوردها إبتداء من هذا العام لزوال السبب أما في مصر فما زال السبب قائما هذا بالنسبه للتوكيل أما المعارض فتستورد كل شيء لإنها غير محكومه بسياسه أو قوانين ومع العلم فإن اليارس 1500 تفرق كثيرا عن 1300 فالطابلوه وفرش الأبواب يحتوي على جلد وليس مصنع بالكامل من البلاستيك مثل 1300
التوكيل بيجيب عربيات ياريس 1500 بس بطلب خاص ...وسعرها بيعدي الـ 135 الف جنية ...يعني قريب قوي من الكورولا....بس بتكون كاملة سبور ..
التوكيل برضة بيجيب عربيات كتير قوي تويوتا طلبيات خاصة ...زي اليكزس Lx460 وبرضة ايلي عايز يقول ...مافيش مشاكل...هي بس بـ مليون وشوية فكة...
أنا من مؤيدي إنها تنزل ..من غير طلبيات خاصة ...ليها زبونها :)
شيكو باشا اكيد العربية الياريس الـ 1500 هايبقي ليها زبونها بس مش كتير زي الـ 1300..
يعني هايبقي صعب قوي ادفع 130 الف ...علشان عربية صغيرة زي الياريس...هي كفاية قوي عليها الـ 90 الف علي اعتبار انها بديل للكورولا الـ 1300...
وماتنساش العربية دي برة مش غالية قوي كدة...وكمان الكررولات كانت بينزل منها 1800...
^^^^^^
كلام حضرتك صحيح تماما يا هيرو باشا بس للاسف الشديد السوق المصري لا يخضع للمنطق
كل خوفي إن أسعار العربيات تفضل تزيد مع انها أصلا مبالغ فيها و ساعتها حانلقي ال-١٣٠٠ بتتباع بال ١٣٠ ألف :eek:
بره الياريس ال-entry level بتاع تويوتا أرخص حاجة يعني ....بس الغريب انها من العربيات القليلة اللي بتمسك سعرها في المستعمل
تويوتا برة خصوصا امريكا وكندا ليها شعبية غريبة...
انا سالت واحد كندي كان شغال معانا ...اية رايك في التويوتا ...الراجل قعد يتكلم وكانة بيحكي قصة حياتة...
قالي العربية دي احسن عربية شافها في حياتة ..(هو بيتكلم علي الكورولا الـ 93) دي كانت بتاعة والدتة..وهو اخدها منها ...وبعدين حاليا مع بنتة...وبيقولي انا اتعرض عليا فيها مبالغ تعادل سيارات كوري جديدة في كندا بس عمري ما هابيعها...
الياريس فعلا انتري ليفل ...وسعرها في امريكا يوم ما تبقي فيها كل شيء مش هايجيب ال70 الف جنية واسبور و1500 ...وفيها البدع...