عايز اشترى ارض او شقة فى منطقة ساحلية

**midoabdeen** · 28-04-2011 02:07 PM

يا جماعة انا نفسى يكون عندى بيت صغير كدة حوالية جنينة صغيرة كدة فى اى منطقة ساحلية
الواحد لما يتخنق من الشغل والدوشة يروح يقضى يومين كدة بعدين عم وجع الدماغ
انا عايز اشترى حتة ارض كدة فى اى حتة بس تكون هادية والبلد مايتها نضيفة ياعنى مش جمصة بقى والشغل دا لا ياعنى مثلا السخنة راس سدر كدة
بس انا امكانياتى فى الوقت الحالى حوالى 15000 ج ياعنى مثلا لو الواحد يدفعهم مقدم فى حاجة انا عارف انه مبلغ عبيط اوى بس مش عارف يجيب حاجة ولا لا بس هو الموضوع بصراحة طالع فى دماغى اوى

**mailo** · 28-04-2011 03:17 PM

بص يا باشا حاجة زي اللي إنت بتتكلم فيها دي يعني تروح تشوف قرية لسة مخلصتش وتشوف ال plan بتاعتها وتشتري شاليه دور ارضي قسط بدون فايدة على سنة أو سنتين لحد مايسلموهالك

وسعره هيكون في حدود 200000 مثلا لو إنت عايز مستوى كويس
والسعر ده بعد السنتين هيكون على الاقل 350000 كاش يعني بعد مالمرحلة تكمل
ده عن تجربة في الساحل

العين السخنة ممكن الاسعار تكون اقل من كده شوية بتاع 50000 تقريبا وطبعا على حسب المكان

وخليك دايما فالقري السياحية عشان تضمن المستوى ولنضافة ولصيانة

**midoabdeen** · 28-04-2011 03:28 PM

اولا شكرا على رد حضرتك
وياريت اللى جرب الموضوع دا يقولنا علية لانى عايز اعرف الاسعار فى حدود كام مش بالظبط بس تقريبا كام وانا عاجبنى اوى راس سدر علشان قريبة و ميتها نضيفة

هو مافيش حد جرب الموضوع دا قبل كدة ولا اية ؟؟؟؟؟؟؟؟؟؟؟

**rosebox** · 28-04-2011 09:38 PM

السعر ده متهيألى يجيب حاجه كويسه فى مطروح
مايه نضيفه , شواطئ جنان و بلد هاديه و فيها اسواق حلوه قوى (معرفش بعد مواضيع ليبيا اسواقها بقت عامله ازاى). بلد بكر و ناسها طيبين و اسعارها معاك ليه بقى تلخم نفسك فى قسط؟

**midoabdeen** · 28-04-2011 09:50 PM

المشاركة الأصلية كتبت بواسطة rosebox

السعر ده متهيألى يجيب حاجه كويسه فى مطروح
مايه نضيفه , شواطئ جنان و بلد هاديه و فيها اسواق حلوه قوى (معرفش بعد مواضيع ليبيا اسواقها بقت عامله ازاى). بلد بكر و ناسها طيبين و اسعارها معاك ليه بقى تلخم نفسك فى قسط؟

معلش حضرتك تقصد انهى سعر انا كاتب 15000 بس
هل المبلغ دا يجيب حاجة فى مطروح قريبة من البحر
ولو فى تكسب فيا ثواب لو تعرف حد شغال فى الموضوع دا تتدلنى علية

**blazer** · 28-04-2011 10:37 PM

بص حضرتك صعب تلاقى مكان بالمبلغ دا
انا مش بحبطك بس للاسف اسعار الاراضى خياليه
انا اعرف ان ممكن فى قرى الساحل اللى مش مشهوره "يعنى قدامها 5 سنوات وتبقى قريه محترمه" اسعار الارض ال 250 متر مسافه 5 دقايق مشى للبحر سعرها فى حدود مثلا 40 الف
وممكن تلاقى اقل من كدا
يعنى انا اتعرض على شاليه مساحته 100 متر وجنينيه 150 متر دور واحد فى قريه تبعد عن مطروح 80 كيلو
ب 120 الف

**rosebox** · 28-04-2011 11:21 PM

المشاركة الأصلية كتبت بواسطة midoabdeen

معلش حضرتك تقصد انهى سعر انا كاتب 15000 بس
هل المبلغ دا يجيب حاجة فى مطروح قريبة من البحر
ولو فى تكسب فيا ثواب لو تعرف حد شغال فى الموضوع دا تتدلنى علية

انا اسفه انا شفتها مائه و خمسون الف جنيه