عرض للطباعة
اصل انا هغير الطقم وخايف العربية مترجعش زى الاول . المشكلة عندى بس فى صوت تزييق الدبرياج وقالولى فى التوكيل طالما الصوت بيتصلح ويرجع تانى تبقى محتاجة طقم فكنت عايز اعرف لما بيتغير طقم الدبرياج العربية بترجع تانى زى الزيرو ولا بيبقى فيه مشكلة
ارجو الافادة وشكرا
ايه مفيش حد غير طقم دبرياج قبل كدة ولا ايه ؟
متابع يإهتمام :16:
انا معنديش النترا بس تغيير طقم الدبرياج مفيهوش مشاكل
MMamdouh
انا غيرتهو قبل كده كان معايا نيو النترا2007
وعادي جدا طالما ف التوكيل اتكل ع الله
هو فيه حاجه مش واضحه بالنسبه ليا ..
يعنى ايه طقم الدبرياج يتغير بالكامل علشان فيه صوت تزييق .
معقول يتم تغيير ديسك واسطوانه وبلية دبرياج لهذا السبب فقط !!!!! (بصراحه ده حاجه مش معقوله )
شوف ياسيدى ..بالنسبه لصوت التزييق يمكن علاجه ببساطه عن طريق رش ذراع الدواسه من الداخل وسوستة الدبرياج باسبراى wd-40 وده اسبراى مانع للاحتكاك والصدأ وبيتباع بحوالى 20 جنيه عند اى محل اكسسوار .
لكن لو فيه ضعف فى سحب العربيه أى ارتفاع فى صوت المحرك مع الضغط على دواسة البنزين والغيار المضبوط وقلة العزم ,وربما ريحة شياط نتيجه لتاكل الاسطوانه فهنا يلزم تغيير الاسطوانه.
طب لو فيه مجرد ظهور صوت احتكاك معدنى مع الحركه فهذا يعنى وجوب تغيير بلية الدبرياج والكشف على الديسك.
أنصح بالذهاب لميكانيكى شاطر وأمين من خارج التوكييل وخليه يكشف على الدبرياج .
الموضوع بسيط ان شاء الله وكان عندى فى عربيتى الالنترا (مانيوال موديل 2010) واختفى نهائيا بعد استخدام اسبراى مانع الصدأ.
لو فعلا اتضح وجوب تغيير طقم الدبرياج بالكامل طبعا يفضل التوكيل.
وفى النهايه ارجو ان اكون قد افدت وتقيل تحياتى.
متشكر جدا للجميع
بالنسبة للصوت دة من بره مش من جوة وهما فعلا شحمه البلية قبل كدة كذا مرة والصوت بيرجع تانى فالمشكلة دلوقت فى البلية وقالولى يفضل الطقم يتغير بالكامل عشان تبقى مرة واحدة وخلاص
وعلى فكرة العربية لسة فى الضمان بس قالولى انا هتحمل تمن الاسطوانة 500 جنيه
اخى الكريم ..
يبقى خلاص توكل على الله وقم بتغيير طقم الدبرياج بالكامل بس يفضل التوكيل فرع قليوب ناس محترمين احجز ميعاد وروح بدرى
ويفضل تشوف بنفسك على الطبيعه استبدال قطع الغيار المطلوبه (اسطوانه-بلية الدبرياج - ديسك)
والله ولى التوفيق.
حصلت مع واحد قريبى فى الانترا 2008 كانت عاملة 40000 كلماقتباس:
المشاركة الأصلية كتبت بواسطة top_10group
العيب دة شائع فى الانترا مانيوال , المهم الاسطوانة والديسك والبلية كانوا خلصانين لما اتفكوا وكانوا عايزين يدفعوة تمن الطقم كامل بحجة انها عيب استخدام , فى الاخر مدفعش غير تمن الزيت فقط
اوعى تدفع حاجة لأن التوكيل بيستعبط وبيقول انها استخدام ولكن من منظر القطع اللى طالعة من العربية استحالة دة استخدام وبعدين استخدام اية اللى هيبوظها بعد 40000 كم
هم ملزمين بيها فى الضمان
والله انا ماشى بالعربية دلوقت 25000 الف بس والمشكلة دى عندى من ال 10000 بس معتقدش انى مش هدفع لان ناس كتيرة قوى دفعوها فى الموضوع ده
انا قولتلك اللى حصل وانت حر
مفيش دبرياج هيبوظ من 25000 حتى لو استخدام سئ والموضوع دة عيب فى الانترا
فى عربيات بتعدى ال 200000 والدبرياج من غير مشاكل
ايوه طبعا ياباشا علي حساب التوكيل
ده عيب معروف في الهيونداي
مجموعة الدبرياش بتنزل بايظه
هو الضمان لهيونداى بيبقى مدتة كام كيلو أو مدته كام ولا حسب نوع السيارة
طالما انتو بتقولو ان ده عيب فى هيونداى فى مجموعة الدبرياج معنى كدة لو غيرته هيبقى فيه مشكلة بردو ولا المشكلة دى هتتحل ودى بتبقى فى العربية بس وهى نازلة ؟
بالمناسبة انا كنت غيرت طقم الدبرياج للنيو اكسنت عشان كان فيو صوت صفارة فى البلية
وغيرته ب 1226 جنية وقالى غيرت زيت الفتيس وربط العفشة
انا قلت التوكيل افضل ما أوديها لميكانيكى يبهدلها ولا يبوظ حاجة وقلت أحافظ على الموتور
طب يا جماعه ... لو الدبرياج عالى و خليت ميكانيكى يوطيه من عند الدواسه ... و بعد كده على تانى
ده كده يبقى من إيه ؟؟
و جزاكم الله خيرا
فعلا يا جماعة ده عيب في الانترة , أنا شايف إن احنا نجرب نوع دبرياج تاني "value" مثلا