عرض للطباعة
نزل القرار ده بإن معهد صنيع يدرس سنه تبع كليه هندسة ويبقى حاصل على بكلريوس هندسة هل ده عدل وهل فعلا هيبقوا زي بعض؟
بعيدا عن العواطف وإني خريج هندسه أو خريج صنايع!
http://gate.ahram.org.eg/News..........%83%D9%84.aspx
للعلم أنا موافق جدا خريجين ثنوي صنايع يدخلوا هندسة ال٥ سنين لكن معهد ويدرس سنه شايف إنها ظلم للمهندسين وليه كمان لإن عمر ما سنة هتعوض الفرق -والفرق قصدي فرق المناهج وكمان مستوى الإمتحانات- (ودي وجهت نظري الخاصة)
واحب أسمع أراء الناس هنا عشان بحترم رأيهم جدا
فعلن فى حاجة غلط دلوقتى عاد كل الناس مهندسين سواء من كلية حكومية او خاصة او حتى معهد واظن ان لقب مهندس مكنش بالسهولة دى زمان وكان الى يخودها لازم يستحقها اما دلوقتى خلاص بقا
هى الطريقة اللى غلط لان سنة واحده مش كفاية ده الواحد بيقعد 5 سنين ومبيلحقش ياخد كل حاجة
وبعدين مش المفروض ان بيكون فى معادلة للمحتوى العلمى
دى مجرد مسميات انا مش شايف ان الموضوع كبير يعنى.
انا كنت صنايع و دلوقتي في 2 مدني :d
اللي عايز يبقي مهندس يدخل 5 سنين ويشوف الحاجات الحلوه و بالذات اللي خارج من صنايع زي حلاتي كدا لازم يتعذب زي في الكيمياء و الرياضه :@:@:@
بصلها من ناحية تانية يا احمد كلمت مهندس بتحمل تخصصات كتير لكن عمر ما واحد صنايع مثلا ها يقدر يتخصص في قسم باور مثلا اقسام معينة ومش ها يبقى بنفس كفاءة المهندس اللي اتفحت 5 سنين في جهنم اياها !!! والأيام هيا اللي بتثبت الكفاءة
مين قالك ان بتاع الصنايع درس اقل منك بالعكس منهجه فى شبه من منهجك دا غير انو طبق عملى وبعد ما خلص دخل معهد سنتين ولا حاجه
وبالسنه اللى هياخدها دى ممكن يبقى افضل منك (الكلام مش لشخصك )
انا اعرف قابلت ناس كتير صنايع كهرباء احسن من مهندسين ويمكن حصل قدامى اكثر من موقف ان حتى صنايعي عادى مش خريج صنايع فاهم اكثر من مهندس بصراحه المجال دا الخبره فى هى المتحكمه اكثر من الدراسه النظريه لأنه ليل نهار بيطبق عملى لكن انت 5 سنين اغلبهم 75% نظرى وال 25% عملى وللأسف كان بيبقى شكلهم وحش قوى لما يجي كبير المهندسين ويأكد كلام الصنايعي على كلام المهندس
بص يايوكو الخبره احيانا بتخلى البنى ادم متفوق على الدارس ودى انا قابلتها فى مهنتى كا محاسب ناس كتير معاهم دبلوم تجاره يفهمو اكثر من محاسبين معاهم بكالوريوس وانا عن نفسى فى مره قابلت واحد دبلوم تجاره بيفهم اكثر منى فى الحسابات بس طبعا مدةخبرته كبيره
فا من الأخر بلدنا بلد شهادات وبس كتير واخدين شهادات وميعرفوش الألف من كوز الدره يبقى مدام فاهم وعنده خبره ودراسه السنه دى هتسويه بيك يبقى مفيش مشكله لأن هو عنده اللى مش عندك (الخبره )
أكيد لازم هيكون عمل تطوير في مناهج الثانوي الصناعي لأن أنا حضرت بداية التطوير في المناهج التعليمية من حوالي 4 سنين وكانت في كل المراحل من أول الأبتدائي والأعدادي لحد الثانوي العام بس معرفش الثانوي العام تم تعديله ولا تغييره بالكامل ولكن كان في تعليمات بأزالة الحشو الزائد اللي ملوش أهمية في المنهج الثانوي العام والثانوي الفني أتغير بالكامل زي الأبتدائي بالظبط يعني أبتدائي وأعدادي وثانوي عام وثانوي فني حصل فيهم تطوير دة أنا شاهدته وشاركت فيه يعني مش كلام حكومة وخلاص فممكن يكون طور المنهج الصناعي بالكامل بحيث يقدر يعادل بالسنة دي بعد كدة ... عموماً هسألك على صحة الخبر دة وهسألك كمان هل تم تعديل المنهج ولا لأ .
لا طبعا مينفعش
ال في صنايع و عايز يدخل هندسة يدخل معهد الاول
انما معلش بتوع صنايع دول بياخدو ايه
وكلية ايه ال تبقى بكالوريس هندسة دي
دا انا مدايق عشان معهد تكنولوجيا بقى هندسة
مينفعش اي حد يعتصم نوافق على ال هوا عايزه كدا
كلام موزوناقتباس:
المشاركة الأصلية كتبت بواسطة m.mostafa80
السلام عليكم
اول حاجه انا طالب صنايع 5 سنين (جلال فهمى لو حد يعرفها)تخصصى سيارات
معلومه لرجاله المنتدى
احنا بندرس زينا زى الهندسه عندنا مثلا (ماده هيدروليك)دى اول سنه تتطبق علينا (على فركه احنا اول دفعه تتطبق عليها سنه 6ابتدائى)
يعنى كل مناهجنا مطوره طبعا مش بالكفائه اللى هيا لكن مطور اصلهم بيعاملونا على اننا فئران تجاربه هههههههههههه
عايز اسال حضراتكم سؤال
لو حضرتتكم بتتكلموا على الصنايع 3 سنين
يبقى فعلا هما مينفعش يدخلوا كليه هندسه (لو تفتكروا زمان كان يقوللك اعمل معادله علشان تبقى مؤهل لدخول الكليه)
انما لو على طلاب 5 سنين
لا انا لينا الاحقيه فى دخول كليات الهندسه لاننا مؤهلين بنسبه 90%
عن الثانوى العام
طالب الثانوى العام ده يعرف ايه عن الميكانيكا ولا على الهيدروليك
ولا الصيانه والمحركات ؟طبعا ميعرفش حاجه
هتسالونى واحنا نعرف ايه عن الكيمياء والفيزيا؟هقولك اننا بندرس كيماء وفيزياء وانجليزى وعربى ورياضه (الرياضه زى اللى فى الكليه)
يبقى مين مؤهل اكتر ؟؟؟؟؟؟؟؟؟
الكلام مش على انك تدخل كلية هندسةاقتباس:
المشاركة الأصلية كتبت بواسطة besso
الكلام على كلية التعليم الصناعي ال اتساوت بهندسه
بالنسبة للدراسة "متفرقش كتير و رياضة و فيزيا و كيميا ثانوية عامة غير بتاعة صنايع خااااالص و دا بيبان و احنا في اعدادي"
بس زي ما قولتلك في الاخر احنا الاتنين هندرس ال 5 سنين زي بعض الفكرة في كلية التعليم الصناعي ال كانت 4 سنين و حولوها هندسة
اوك انا كده فهمت
تم تشكيل لجنة لدراسة الأمر
وخلصوا لأن المواد في كليات التعليم الصناعي أقل من أو حوالي 20 % من المواد في كليات الهندسة
لذلك لا يجوز المساواة
حدث هذا بعد أن تظاهر طلبة التعليم الصناعي أيام هوجة الثورات الفئوية وكل واحد عايز يلهف أي حاجة يلحقها
بعد المظاهرة شكل وزير التعليم لجنة لمناقشة الأمر
وفي النهاية وصلت لما قلته في أول الرد
وأنا بقترح على طلبة التعليم الصناعي الذين إعتصموا لمساواتهم بالهندسة
أن يرفعوا من مطالبهم ليتم مساواتهم بالهندسة والصيدلة والطب عشان الشغل يكون أسهل
اليوم السابع | "سلامة": تنظيم قبول طلاب "التعليم الصناعى" بكلية الهندسة
التعليم الصناعي هندسة - بحث Google
انا اتخرجت من مدرسة صنايع نظام ال سنوات وكنا اول دفعة وكانت المدرسة وقتها بتبقبل من مجموع اعلى من الثانوى بمراحل
وضحكوا علينا وقالولنا ان احنا هندخل على ثانية هندسة على طول يعنى مش هندخل اعدادى ولا سنة اولى لأننا هندرسهم فى المدرسة ومش هنحتاج معادلة حلو الكلام؟؟
سنة رابعة درسنا فيها مواد اعدادى هندسة وكانت سنة مقرفة وسنة خامسة بقة بجانب الدراسة عملنا مشروع تخرج؟!!!!!!!!!!!!!!!!!
تخيلوا خمسة طلاب فى سنة اولى هندسة مثلا يعملوا مشروع تخرج بتاع نهائى هندسة !!!!!!!!!
طيب ازاى؟؟؟ مش عارف
المهم طبعا عملنا المشروع والجزمة فوق رقبتنا واتبهدلنا مصاريف بالهبل لأن مفيش دعم وكمان تناكة من اساتذة الكلية الى كنا بنروح نستجدى مساعدتهم وفى الاخر نجحنا ودخلنا هندسة بس بدأنا من اعدادى زى اى طالب ثانوى عادى وكمان عملنا معادلة؟؟؟
تفتكروا مين اللى اتظلم فى الموضوع دة؟؟
الناس الى استفادت من المدرسة دى فى اول دفعة دخلوا فنية عسكرية وكان ليهم اولوية فى دخولها انما احنا اخدنا سورى فى اللفظ " بالجزمة " وضيعنا سنتين زيادة من عمرنا علشان الواحد يكون مهندس ميكانيكا انتاج زى مليون مهندس فى مصر
وسلملى على التربية والتعليم
تمام لكن يكون معهد كهربى حلوان وويقعد سنه في هندسة ويحمل نفس البكلريوس بتاعي مش مقتنع بيها عارف لو قالوا سنتين ممكن تفرقاقتباس:
المشاركة الأصلية كتبت بواسطة sayed911
وانا معاك ١٠٠٪ في الكلام ده وغير معترضاقتباس:
المشاركة الأصلية كتبت بواسطة shadygalal669
وأكيد لما دخلت الكليه حسيت فرق عن الثانوي صنايع في إزاي تفكر وتطلع المشكلة وكده
معاك جدا بس لاحظ إن المناهج متشابهة لكن مش واحده وإسلوب الشرح والإمتحانات مختلف يعني هل إمتحان والشرح في لمعهد زي الكليه وإسلوب التفكير واحد (في هندسة بتتعلم إزاي تفكر صح) وده انا لمسته في التدريب في المصانعاقتباس:
المشاركة الأصلية كتبت بواسطة m.mostafa80
الي دارس في معهد أو ثانوي صنايع بيبقى أقوى في الشغل بالإيد وده انا بعترف بيه والمهندس بيقعد سنه أو إتنين بعد التخرج على ما يوصل لنفس الحرفة بتاعت الفني
لكن الفني بيحتاج فترة أطول على ما يتعود إزاي يفكر ويتوقع المشكله وحلها خصوصا العيوب الغريبه
كلامي من واقع تجربتي وممكن يكون غلط عشان محدش يخش فيا شمال :36_8_1[1]:
ما دول بتوع معهد سنة وياخد بكلريوساقتباس:
المشاركة الأصلية كتبت بواسطة aly_hosny
وفيه من ثانوي صنايع بيخش ٥ سنين (دول مفيش مشاكل)
بجد مش فاهم هو كل واحد عايز حاجة يقوم يعمل مظاهرة دلوقتي المهندسيين ناوين على مظاهرات!!!اقتباس:
المشاركة الأصلية كتبت بواسطة ahmed1981
معاك إنك إتظلمت لكن هل حل الظلم ده يتم مساواة الي جه بعدكم بعد ما عرف الحقيقة إنه يتساوى بالمهندساقتباس:
المشاركة الأصلية كتبت بواسطة abdallah
أنا موافق إنه يتساوي لكن مش بالطريقة دي (إعتراضي على الطريقة فقط)
ازاااااي أصلاً طريقة تعليم الصنايع ضايعة جداً وكل حاجة غش وتظبيط مع المدرسين
المشكلة مش في انهم يتساوو المشكلة في جودة تعليم الصنايع اللي ضايعة
من وجهة نظري كل النظام ده فاكس واللي عايز يدخل هندسة من الاول كدة يدخل ثانوي صنايع ويطلع ياخد سنتين في كلية هندسة طبعاً كل ده بعد تغيير نظام مدارس الصنايع كلياً وانها تدي مناهج محترمة تخدم التخصص ويبقى الواحد مضيعش عمره في ثانوية عامة في حاجات مش تخصصه زي ما بيحصل في اوروبا وبكدة هيطلع مهندسين قمة في الكفاءة عملي ونظري وكله
انما بالجودة دي في التعليم والله هنشوف كوارث دول اللي كانو معايا في اعدادي هندسة كلهم عادو السنة ونسبة كبيرة بتعيد مرتين وتطرد من الكلية
ويقولك في الآخر العمارات بتقع ليه مش كفاية بتوع المعاهد وبعض الجامعات الخاصة اللي بقت اكتر من الهم على القلب وبيطلعو بمستوى متدني جداً واسمهم مهندسين
ازاااااي أصلاً طريقة تعليم الصنايع ضايعة جداً وكل حاجة غش وتظبيط مع المدرسين
المشكلة مش في انهم يتساوو المشكلة في جودة تعليم الصنايع اللي ضايعة
من وجهة نظري كل النظام ده فاكس واللي عايز يدخل هندسة من الاول كدة يدخل ثانوي صنايع ويطلع ياخد سنتين في كلية هندسة طبعاً كل ده بعد تغيير نظام مدارس الصنايع كلياً وانها تدي مناهج محترمة تخدم التخصص ويبقى الواحد مضيعش عمره في ثانوية عامة في حاجات مش تخصصه زي ما بيحصل في اوروبا وبكدة هيطلع مهندسين قمة في الكفاءة عملي ونظري وكله
انما بالجودة دي في التعليم والله هنشوف كوارث دول اللي كانو معايا في اعدادي هندسة كلهم عادو السنة ونسبة كبيرة بتعيد مرتين وتطرد من الكلية
ويقولك في الآخر العمارات بتقع ليه مش كفاية بتوع المعاهد وبعض الجامعات الخاصة اللي بقت اكتر من الهم على القلب وبيطلعو بمستوى متدني جداً واسمهم مهندسين
اقتباس:
المشاركة الأصلية كتبت بواسطة m.mostafa80
بصوا يا جدعان صلوا بينا علي النبي
اولا في معيار للتاهل لكليه الهندسه اللي هيا مقدار من الدرجات بيحصل عليها طالب الثانويه العامه
اللي موصلش للمقدار ده يبقي مش مؤهل للعلوم الهندسيه التي تدرس في كليه الهندسه
ليييييييييييييييييييييه
هقولك يا سيدي
اول شيء مستوي اللغه الانجليزيه التي تدرس بها المواد و مما يسبب عائق للطالب اللي مش مستواه مقبول في الانجليزي
تاني شيء المواد المهم التي لا تدرس مثل الرياضه و الفيزياء ة الكيمياء و اللي اول ما بيدخل الطالب اللي من صنايع بيشيلهم اول ما يدخل
ثانيابكالوريس هندسه ميكانيكيه مثلا معناه ان الراجل ده حصل علي علوم كذا و يعرف يعمل كذا تمام ؟
يبقي لو فيه اكتر من مصدر لاعطاء هذه الدرجه العلميه يبقي لازم يكون كل مصدر بيعطي نفس العلم
صح ؟
ده في كليات الهندسه مثلا بنشوف ان مستوي كليه عن كليه بيفرق تقوم تقولي صنايع ؟؟؟
يعني مثلا بالنسبه للهندسه الميكانيكي هل تعلم ان اقوي اقسام ميكانيكا عين شمس و اسيوط و اسكندريه و ممكن كمان القاهره
الاربعه دول مهندسين ميكانيكا فيهم بيفرقوا كتييييييييييييييييييييييي يييييير عن مهندسين ميكانيكا تانيين
و ده بسبب الدكتور اللي بيدرس
و العلم اللي بيقدم
نقوم نزودها و نديها صنايع ؟؟؟؟؟؟؟؟؟
يعني فهموني
و اخيرا و ليس اخرا تعليقا علي كلام الاخر اللي انا مقتيس كلامه
احب اقول مع احترامي لحضرتك الكلام ده صح في حاله واحده بس
لما تقارن مثلا اعمال يدويه بين مهندس و فني اقولك اه الفني يكسب
بس اعمال ذهنيه مين يكسب ؟؟؟؟
بلاش مهندس بعد سنتين خبره و كهربائي بعد سنتين خبره ؟ مين احسن
بلاش
دلوقتي مثلا انتم بتتكلموا عن الكهرباء
انت عاوز مهندس يصلحلك بوردات و لا الافضل لو يصمم دواير او يعملك حاجات فيها فكر افضل
يعني المقارنه واضحه
و يا جدعان كليها الهندسه دي ناس دخلوها بعرق سنين في الثانوي
تعب و سهر و فلوس و دروس و مذاكره و تصحيح و اجتهاد و طموح سنين
و بعدها يدخل الكليه و بعدها يبدأ يتعلم و يدخل دنيا تانيه و يجتهد و يبحث و يعرق و يتفت و يتظلم و و و و و
و بعد ده كله تقولي سنه صنايع ؟؟؟؟؟؟
يعني بجد مش مقنعه
مش كفايه ان نقابه المهندسين بقه فيها بشوات اساسا مش مهندسين
يعني فهمني البيه بتاع فنون تطبيقيه و فنون جميله
علي راسي و الله
و ليا اصحاب كتير منهم
بس ليهم نقابه التطبيقين
مالعم بنقابه المهندسين
يا جدعان علي فكره
احب اقولك بصورة عمليه الدول المتقدمه و اضرب علي سبيل المثال المانيا
الشركات الكبري فيها بيبقي الرؤوس المدبره فيها دكاتره مهندسين
و المانيا من اكتر الدول اهتمام بالمهندسين
و كمان عندها تعليم صناعي مختلف تماما عن التعليم الصناعي في مصر
الذي لا يشبه من قريب و لا من بعيد التعليم الصناعي الصحيح
اسف للاطاله و تقلوا تحياتي و اتمني ان ميكنش كلامي زعل حد
وانا اسف مقدما لو حد زعل مني
للأسف التعليم في مصر مازال فاشل حتي الأن وكذلك سوق العمل
انا اتخرجت في 2005 وشغال مهندس كنترول بقالي 4 سنوات طبعا معظم شغلي حتي الأن زي شغل الفنيين في اوروبا ويمكن أقل كمان والسبب هو ان 75 % من فرص العمل للمهندسين بمصر والدول العربية هو عمل يحتوي علي 75 % شغل فنيين بالايد
انا لما سافرت اوروبا لقيت المهندس فقط للتصميم والمتابعة ونادرا لما يمسك في ايده أدوات ويشتغل بايده
واللي بيعمل الشغل اللي بيعمله المهندسين هنا في مصر هو الفنيين للأسف ومعظم الناس اللي بتجيلنا عشان تركب خطوط مستوردة من اوروبا هم فنيين وبيدربو مهنسي مصر علي تشغيل الخطوط
واللي خلاني متميز في عملي بعد التخرج هو اني استثمرت صيف سنوات الكلية في العمل في كل المجالات التي تخدم تخصصي (كهرباء والكترونيات وصيانة بكل انوعها واهتماماتها ) يعني حتي لو خرجت من الكلية من غير ده كان صعب ألاقي شغل ولو لقيت هاخد وقت طويل لحد ما اوصل لنفس المستوي تخيلو اني شغال فني طوال فترة الكلية و أقسم بالله اني شفت قدامي مهندسين كتييييييير بيصعبو عليا لأنه تخرج وعايز يشتغل وكل الشغل محتاج خبرة فنية وهو لا يستطيع التعامل مع الأفوميتر او غيره لأنه درس نظري فقط و أخد شهادة من الكلية بتقول انه خريج هندسة يعني مشروع مهندس
المهم من اللي كتبته ده هو ان المطلوب في مصر هو تطوير التعليم لنحصل علي فنيين مدربين ومؤهلين للعمل في المجال التقني والصيانة بدلا من مهندسي مصر وان نعلم مهندسي مصر وندربهم علي التصميم والابداع لأن المهندس مش مكانه تحت الماكينات والشحم والزيت في المصانع او الورش او مراكز الصيانة ولكن مكانه هو المكتب للتفكير والابداع والبحث العلمي في المجال الهندسي كل في تخصصة وده اللي بيحصل في الدول المتقدمه وأيضا يجب ان يكون مدربا في العمل بيده ويعلم كل صغيره وكبيره ولكن ما يكونش هي دي شغلته علطول
الموضوع كبير ويطول شرحه ولكن اللي في الكلية واللي هيتخرج قريبا هيعرف انا أقصد ايه
وربنا يوفقنا ويصلح احوالنا وبدل ما بنشتري كل صغيره وكبيرة من الخارج نحاول نصنعها هنا وبدل منفضل مستهلكين للتكنولوجيا نصبح منتجين لها
تخيلو اننا مازلنا بنستورد العجل والموتوسيكلات فضلا عن السيارات والموبايلات وخطوط الانتاج بالمصانع و ....................و حتي فوانيس رمضان قائمة كبيرة جدا لا يمكن حصرها
الله الموفق والمستعان
اولا عنوان الموضوع مستفز لاي حد والعنوان ملهوش علاقة بالمحتوى
مفيش حد من حملة دبلوم المدارس الثانوية الصناعية طلب يتساوى ببكالوريوس الهندسة دي نقطة
اللي طلبو يتساوو ببكالوريوس الهندسة هم طلبة وخريجي كلية التعليم الصناعي وكتير دخل وهاج من غير ما يعرف هي اية اصلا كلية التعليم الصناعي ولاكن معظم الناس قرات العنوان الغير حقيقي ودخلت هاجمت على طول على مبدا على ابن الجنايني مينفعش يتجوز انجي بنت الباشا
واحب اوضح بعض النقاط كواحد من مدرسي الثانوي الصناعي قسم ميكانيكا نظري
وانا واحد من خريجي المدارس الصناعية وجبت مجموع والتحقت بكلية التربية
واللي ميعرفش ان احنا الشعبة الوحيدة في كليات التربية اللي بتدرس في كليتين
كلية التربية وفيها بندرس نفس المناهج اللي بيدرسها جميع الشعب معادا مادة واحدة اللي بتختلف من قسن للتاني وهي مادة طرق التدريس
ثانيا كلية الهندسة ودي بندرس فيها مواد التخصص كل حسب تخصصه زي قسم ميكانيكا بيدرسوله دكاترة قسم انتاج وكهربا بيدرسو في قسم كهربا
وفعلا فيه اختلاف بين المناهج اللي كنا بندرسها في الهندسة في قسم ميكانيا واحنا طلبة تربية وبين طلبة الهندسة نفس القسم وهي مش اختلاف المناهج نفسها ولاكن في بعض الموضوعات اللي كانو بيحذفوها من عندنا لاكن الكتاب كان نفس الكتاب لنفس الدكتور ودي كانت فعلا بتمثل مشقة كبيرة علينا ومعنى اجتياز الكلية انك جدير بالشهادة اللي حصلت عليها
وخريج التربية كان بيشتغل مدرس ثانوي صناعي للمواد النظرية
بعد كدة كان الاتجاه لالغاء اقسام وشعب التعيم الصناعي في كليات التربية
وانشاء كليات منفصلة تكون مهمتها اعداد وتخريج مدرسي الثانوي الصناعي ولاكن مدرس التعليم الصناعي بيتم تاهلية ليكون مدرس عملي ونظري والدراسة اربع سنين بتنتهي بمشروع تخرج كل حسب تخصصه
طيب ايه اللي حصل بتوع كلية التعليم الصناعي شافو انهم بيدرسوا من وجهة نظرهم نفس منهاج كلية الهندسة وبيطالبو انهم ياخدو كارنية النقابة
طيب هل يتساوو على طول كدة وخلاص لا
المفروض ان لجنة من اساتذة كلية الهندسة على مستوى الجمهورية بالاضافة الى اساتذة كلية التعليم الصناعي يشوف مناهج كلية التعليم الصناعي ومناهج كلية الهندسة لنفس القسم مثلا لو شافو انها نفس المناهج بالظبط يبقى في الحالة دي يتم اعتماد طلبة كلية التعليم الصناعي كمهندسين في نقابة المهندسين
وسوق العمل هو اللي يحكم على كفاءة ده او ده واللي شايف انو خريج هندسة وانو اجدر من خريج كلية التعليم الصناعي يبقى في الحالة دى خلاص هو اللي هتبقى فرصة احسن في الشغل
ولو اللجنة المعدة سابقا شافت ان هناك بعض المناهج موجودة في الهندسة وغير موجودة في كلية التعليم الصناعي يتم دخلو طلبة التعليم الصناعي لسنة خامسة في الهندسة ويتم اعداد المناهج من اساتذة الكلية ومن يجتاز هذة السنة وينجح في الاختبارات نقولة شكرا لقد اثبت انك جدير ببكالوريوس الهندسة ومن يرسب في هذه السنة نقولة برضة شكرا انت غير جدير ان تتساوى بخريج الهندسة
ولى تكملة ان شاء الله
الصراحة لما قريت العنوان كنت داخل اهجم عليك زي الفيلم بتاع اللمبي كده :d عشان ملهاش علاقة بصنايع و هندسة طالما هيدرس الخمس سنين بس لما لقيتهم هيخلوها سنة واحدة لا كده استهبال رسمي :d ايوالله استهبال رسمي :d تلاتة بالله العظيم استهبال رسمي
انت فهمت غلط السنة الواحد دي لخريجي كليات التعليم الصناعي وليس لخريجي الدبلوم الصناعياقتباس:
المشاركة الأصلية كتبت بواسطة kogak1987
وطالما هيدرس فيها كل اللي ما درسهوش في كليته يبقى خلاص الاختبار هو الفيصل
انا بس هسأل حضرتك سؤال يتيماقتباس:
المشاركة الأصلية كتبت بواسطة mahmoudysf
حضرتك درست تربيه كام سنة عشان تبقى مدرس في كليه التعليم الصناعي؟؟؟ والدكاترة والمعيديين في هندسة مبيدرسوش وحضرتك مش شايف إن ده ظلم ليك يبقى إزاي لما يدرس سنه واحده يبقى مهندس؟
أنا موافق لكن سنة واحده شايفها ظلمم للمهندسيين وظلم للطالب الي عايز ياخد بكلريوس عارف لو هيدرس مثلا ٣ و٤ هندسة هقول ماشي لإن دول أهم سنتين لكن غير كده صعب (مش بقول يدرس هندسة من الأول لكن سنة غير كافيه إطلاقا)
سمعت "زي بيقولو كدا"
ان دا مجرد قرار على ورق عشان الطلبة دي تفض الاعتصام و ان القرار مش هيفعل
القرار نزل برقم خلاص على حسب ما سمعت أخر مره لكن ماشوقتش رقم القرار بنفسياقتباس:
المشاركة الأصلية كتبت بواسطة aly_hosny
اولا انا درست في تربية وهندسة مش تربية بس 4 سنيناقتباس:
المشاركة الأصلية كتبت بواسطة yoko
ثانيا انت ماخدتش بالك انا مدرس ثانوي صناعي ومش مدرس في كلية التعليم الصناعي
حكاية انو يدرس من الول دي صعبة جدا واجحاف ليهم
ولكن حكاية سنة او 2 دي ترجع لكم ونوعية المناهج وفرق الدراسة هل تصلح انه يدرسها في ستة او اتنين يعنى ده موضوع خاضع للمختصين من اسا تذة الهندسة نفسهم لانهم مش هيقبلو ان حد يتخرج من الهندسة دون المستوى
تمام أنا لغبط وإفتكرت حضرتك مدرس في كليه التعليم الصناعياقتباس:
المشاركة الأصلية كتبت بواسطة mahmoudysf
وانا مش معإنه يدرس من الأول بس لازم يدرس صح وليا صحابي خريجي ثانوي صنايع وكليه تربيه صناعيه وحكولي الي كان بيحصل في الإمتحانات والغش والرشاوي والبلاوي الي بتحصل (ده كلامهم مش من عندي) على عكس هندسة حتى الي بيغشوا (الحمد لله عمري ما عملتها) بيبقى في الدرا وغالبا بيشيلوا مواد ويعيدوا أكتر من سنة وبتقف عليهم هندسة ٧ و٨ سنين
أنا مش ضد إن الكفائة منهم يبقى مهندس بدام وصل لمستوى المهندس لكن مش شايف أي عدل إن واحد مجبش درجة هندسة في ثانوي ودخل كليه تعليم صناعية (أنا عارف إن ده مش مقياس ومش شرط الكويس في الثانوي يبقى كويس في هندسة)
ويدرس ٤ سنين كليه أسهل من أول ٤ سنين في هندسة (وده الكل يعترف بيه)
ويجي يدرس سنة ويبقى مهندس!!!
أنا مش شايفها عدل وأنا أعرف فنيين أقويه جدا وأحيانا بيعدلوا على بعض المهندسيين لكن دول نادريين جدا وبتلاقيهم عندهم خبرة أكتر من ١٠ سنين في مجال واحد
مبدئيا الناس مش فاهمة الفرق بين المهندس الفني ..يا جماعة الفرق بين المهندس والفني هيا الدراسة النظرية مش الخبرة العملية اطلاقا ....المهندس فاهم دي ازاي بقت كده وليه دي معمولة كده والاسس والنظريات والقوانين اللي مبني عليها الحاجات اللي في تخصصه ..وبالتالي المهندس هو اللي هيقدر يطور ويعدل في اي منتج ..انما الفني الخبرة خلته يعرف مثلا الاخطاء الشائعة وطرق تفاديها والخ ..فيمنفعش نقول ابدا فني بيفهم احسن من مهندس ابدا ..الا لو كان المهندس ده لا مؤاخذة مالوش فيها اصلا ...
ثانيا العبرة دلوقتي مبقتش بالشهادة خالص لأن اللي عايز ياخد بكالوريوس هندسة يقدر ب 60 % في الثانوية ياخده من اي معهد من المعاهد المتخلفة اللي مالية البلد ..لكن العبرة ياجماعة بالمنتج النهائي هل حامل هذا لبكالوريوس مهندس فعلا ولا كمثل الحمار يحمل اسفارا ..وده اللي بيفرق بعد كده في الحياة العملية المهندس اللي بجد هو اللي بينجح في شغله وهيلاقي الشركات هيا اللي بتجري وراه ..انما الي واخدين شهادة دول بس يبقوا يوروني مين هيرضي يشغلهم وهما لايفقهوا شيء في اي شيء كده ..
الفرق بين المهندس إلي قاعد 5 سنين في هندسة و بين خريج الصنايع ....... بيفكرني بمشروع التخرج
أنا ميكانيكا باور مشروع تخرجي كان هيدروليك ...... صممنا و صنعنا و ركبنا و شغلنا حفار كامل excavator بقدرة 1 طن
كنا مجموعة مكونة من 10 طلاب ...... 4 هندسة و 6 صنايع
من أول يوم اكتشفت أنا و زمايلي إلي أصلاً هندسة إن زمايلنا خريجي الصنايع ...... ضعاف جداً في موضوع التصميم design
إترما علينا شغل التصميم بتاع المشروع كله تقريباً ....... برسوماته بحساباته بكل الreferences و tech. papers من النت
جينا بقى لمرحلة التصنيع و التركيب ......
ورشة صنعت الحفار بناءً على رسومتنا ...... بس هما كان متابعين مع صنايعية الورشة ذي الفل بصراحة
و ماخلوش حد يعرف يشتغلنا ...... و كمان في التركيب كانو عارفين كل مصطلحات الصنيعية الغريبة و عارفين يتعاملوا معهم
بس برضه جم في المناقشة باعونا ....... عملنا ال-presentation كلها لوحدنا
ببساطة ...... خريج الهندسة ممكن يشتغل بسهولة في مجالات ال-engineering و design و ال-management
لكن خريج الصنايع حيكون أحسن ...... في مجالات ذي ال-maintenance و ال-execution و ال-fabrication
بالنسبل ليك يا yoko ....... حاجة بيني و بينك كدة ....... متقلقش خالص لما تتخرج حتعرف إن شهادتك إنت ليها قيمة و تقدير أكتر بكتير
أكتر حتى من خريجي الكليات الخاصة ...... مع كامل الإحترم و التقدير
تمام وأنا متفق معاك وقلت هما أقوي في التصليح والشغل بالإيد لكن في المشاكل الغريبه والتصميم المهندسيين أقوى بكتير
الحمد لله عارف الكلام ده خصوصا إن حصل وإدربت مع الألمانيه وكانوا أكبر مني بسنة وشوفت الفرق بعيني أكيد عارف مستوى كهربى باور حلوان عامل إزاياقتباس:
بالنسبل ليك يا yoko ....... حاجة بيني و بينك كدة ....... متقلقش خالص لما تتخرج حتعرف إن شهادتك إنت ليها قيمة و تقدير أكتر بكتير
وأنا مش قلقلن لإن الشغل والرزق بتوع ربنا ملهومش علاقة بأي حاجة إلا الإجتهاد لإن ربنا بيكافء الواحد على قد إجتهادة
هل حضرتك شايف ان طلبة الصنايع بيدرسو المناهج دي صح أصلاً؟؟اقتباس:
المشاركة الأصلية كتبت بواسطة mahmoudysf
الكارثة ان اساتذة هندسة بيقيمو مناهج مش بيقيمو طلبة انا كان معايا طلبة في اعدادي مبيعرفوش يكتبو اسمهم بالانجليزي
وعلى فكرة في مصر مش الكفائة بس اللي بتحكم لان احنا معندناش quality control أصلاً ومع العدد الكتير الشركات بيشغلو الارخص ودا بيأثر جامد جداً على مرتبات المهندسين لانهم مبيهمهمش الجودة قد ما بيهمهم الفلوس ولو مش عاجبك المرتب في الف غيرك والموضوع دا بان قوي مع الجامعات والمعاهد الخاصة بدل ما نحل موضوع الجامعات الخاصة نروح نزود عليهم التعليم الصناعي؟؟
وبعدين كدة الناس الكويسة هيبقو مهندسين يبقى مين هيشتغل فني ان شاء الله؟ يعني أساساً مستوى الفنيين في انحدار نروح احنا ننزله تاني
متفق معاك في اغلب اللي قولتهاقتباس:
المشاركة الأصلية كتبت بواسطة yoko
كلام جميلاقتباس:
المشاركة الأصلية كتبت بواسطة hazemhany
اقتباس:
المشاركة الأصلية كتبت بواسطة hobiko
والله انت حسستنى ان المهندسين عندنا مليين الدنيا شرق وغرب ابتكارات واختراعات والتكنولوجيا بتاعتنا مسمعة في الدنيا كلهااقتباس:
المشاركة الأصلية كتبت بواسطة yoko
يا سيدي معظم خريجي الهندسة في مصر بيشتغوا موظفين وغير مبتكرين ولا مصممين
ويا ريت لو شايف غير كدة تدينى امثلة تدل على ابتكارات واختراعات المهندسين عندنا
للأسف البلد مكانتش بتشجع على أي حاجة وعندك حق لكن إن شاء الله بعد تطبيق شعل أحمد زويل والإنفتاح الي هيحصل في البلد هنشوف حاجات كتيراقتباس:
والله انت حسستنى ان المهندسين عندنا مليين الدنيا شرق وغرب ابتكارات واختراعات والتكنولوجيا بتاعتنا مسمعة في الدنيا كلها
يا سيدي معظم خريجي الهندسة في مصر بيشتغوا موظفين وغير مبتكرين ولا مصممين
ويا ريت لو شايف غير كدة تدينى امثلة تدل على ابتكارات واختراعات المهندسين عندنا
وكلامي عن الفرق بين المهندس والفني عموما في إسلوب التعليم والتفكير ليس إلا والمهندس من غير فني كويس تحته هيتعب جامد وممكن حاجات ميعرفش ينفذها كمان
وفني من غير مهندس برده مش هيقدر يعمل حاجات كتير
انا شايف الفنى والمهندس الاتنين مهمين وما فييش حد تحت ايد حد كل واحد له شغله، ممكن البلد تكون محتاجة فنيين اكتر من مهندسين لكن الاخوة الصنايع اللى قلت عليهم عايزين مسمى وخلاص علشان لما يتقدم لواحدة طريقة تفكير عتيقة اتعودنا عليها ،، هو نفس موضوع علاقة الاطباء بالتمريض المفروض كل واحد له شغله لكن هيهات ان حد يقتنع احنا مجتمع عنده وعى طبقى ويمكن تمميز طبقى على اساس التصنيف العتيق ده ابن ناس وده مش باين عليه ابن ناس، كان فى مقال زى ده فى كتاب مصر ليست امى بيقول ان المؤهل العالى كان ضمان لعدم الاعتداء على القفا لكن الدبلوم كان ممكن يبقى مغرى لامين الشرطة او المخبر يضربك على قفاك،... حد فاهم حاجة من اللى انا بقوله مش مهم المهم انا فاهم انا عايز اقول ايه
على فكره معلومه كده للحبايب
احنا عندنا المدرسين فى المدرسه الصنايع 5 سنين
مهندسيييييييييييييييييين
مهندسيييييييييييييييييييي يين
و اداره المدرسه بتتكون من فردين واحد ادارى وواحد مهندسسسسسسسسسسسسسس
يعنى هما مش جهلاء ولا حاجه
وكمان العيب مش فى عقول الطلبه ولكن فى كيفيه تلقيهم للعلم والاهتمام بيه
وانا دفعتى فيها اوائل الاعداديه
وعلى فكره التعليم الصناعى اتطور برده بس مش بالقدر الكافى
يعنى عندنا اجهزه متقدمه زى(scaner(فى العربيه وحاجات عاليه
وحد قال غير كده وأنا مش معترض على أي حاجة غير إن سنة مش كفايه لتغير تفكير إسلوب الدارس مش أكتر ولا أقلاقتباس:
وكمان العيب مش فى عقول الطلبه ولكن فى كيفيه تلقيهم للعلم والاهتمام بيه
صنايع بتهتم بإزاي تصلح لكن الصح إيه وليه ولزمته إيه مش بتتدرس بالإسلوب الصح
أكيد طبعا ما ينفعش الكلام ده. بس حتى لو دا حصل فا برضو حيبقى فيه فرق عند الناس بين المهندس الأوريجينل (دحاح ثانوية عامة بتاع هندسة) والمهندس التايواني (صنايع + سنة هندسة)
امممم مش عارف صراحة
بس لو بتوع كلية تعليم صناعي بيدرسوا نفس منهج الهندسة الإ حاجات بسيطة
الحاجات البسيطة دي ممكن تنضغط ف سنة ويأخدوها بس مش هيأخدو لقب مهندس الإ فالنقابة بس تقريبآ ككارنيه
فمش عارف إيه الحل الصح
بس مينفعش نستغني عن الفني ولا المهندس لأن كل واحد ليه خبرته المنفصلة