اقتراح لحل مشكلة التوكيل

**tot** · 18-04-2008 12:52 PM

عندي اقتراح ممكن يجيب نتيجة ، يعني كل اللي عندهم عربيات فولكس يبعتوا للشركة رسالة على موقعهم ، يعني ممكن يحسوا على دمهم شوية ،اما يلاقوا انهم ممكن يخسروا ، متهيالي مصر م البلاد اللي الفولكس منتشر فيها مش زى دول الخليج يعني، اكيد يعني لو بيفهموا هيهتموا بالموضوع ، ع العمموم ده اللنك اللي ممكن اى حد يبعتلهم عليه
http://www.volkswagen.com/vwcms_publ...e.metanav.html

**pointer** · 27-04-2008 01:09 AM

ازيك يا توت باشا
انا بعت لهم قبل كده و التوكيل رد عليا بس اهم حاجه ان اللي يبعت يكون معاه الرقم بتاع الجوب ويقلهم علي للي حصل وان الموضوع زي نار علي علم في مصر وان الناس خيفه تجيب الفولكس عشان التوكيل
2- ممكن الملاك وانا اولهم نرفع دعوي ضد الشركه لاحتكارها قطع الغيار و الاسعار الغير مبرره
الطاسه ب175
السير بتاع الكاتينه 3000 جنيه ليه وهو عادي خالص وممكن يكون موجود بره لاي عربيه الماني
3- جمعيات حمايه المستهلك
4- اللي يعرف حد في الاعلام يفضحم اكتر واكتر واحنا علينا المسانده
بجد العربيه تحفه للغايه بس التوكيل ال ...... ده وكل واحد وزوقه المهم تكون كلمه اعتراض

**Islam_galal** · 27-04-2008 04:19 PM

في معلومة سمعتها ان البوينتر و الجول و الباراتي (كل البرازيلي) في مصر فولكس أخلت مسئوليتها عنهم في مصر لأنهم معمولين لأمريكا اللاتينيه فقط

المعلومة دي من ميكانيكي (بس حقيقي مثقف) متخصص في الفولكس

للإحتياط ممكن أي حد معاه العربيات دي يؤكد علي إن وكيل فولكس في مصر يدعي شراءها من خلال عقد الوكالة

**pointer** · 27-04-2008 04:55 PM

دي كدا يا باشا اتخلت عن التوكيل كله الكروس فوكس و الجتا سمعت انها برزيلي و السوران فاضل ايه بقي ماظنش الكلام ده صح ده والله اعلم فتي من المكانيكي وتتخلي عنهم ليه دي بتضرب سعر قطع الغيار في عشره وكمان ده مش في صالحها بعد وجود منافس مني عينه تخرج حاجه من عندهم

**Islam_galal** · 27-04-2008 04:59 PM

قصدي فولكس الأم في ألمانيا
بمعني علي قد فهمي إن العربيات دي زي الخليجي مش من خلال عقد الوكالة و بالتالي فولكس الأم مش مسئولة عن أسعار أو توافر قطع الغيار للعربيات دي حتي لو كان الوكيل الرسمي هو اللي بيشتري العربيات دي لإن ده خارج عقد الوكالة
بس ده لو صحيح تبقي نقطة ضد الوكيل الرسمي عند مخاطبة الشركة الأم

**pointer** · 27-04-2008 06:56 PM

والله اري ان مش ممكن فولكس ترضي تحط علامتها عل اي سياره و السلام لازم تحط معاير فولكس عليها والا ده يكون سرقه علامه تجاريه و هيقفلوا البرازيل كلها وهتاثر علي بقيه الانواع 7 شركات بتنتج هناك
اما الوكيل لو عمل كده يبقي غش تجاري لان اللي اشتري كان عارف انه بيشتري من الوكيل و نصب لانه حسب التوصيف القانوني اخذ مال من الناس علي اعتبار انهم بيشتروا من الوكيل وده طبعا من الاعلانت بتعتهم وهم مش وكلاء وده طبعا بيفرق في السعر جامد
و رجاء خاص ان الناس تأخذ المعلومه من مكان صح يعني المكانيكي ده شغال في فرع المانيا ولا البرازيل يا اخونا انا سمعت كلام كتير من ناس كتير يعني مثلا ان ماتور البوينتر ده ماتور الجولف 3 وده حد من التوكيل نفسه لكن فشره واللي يدور في النت هايفهم دي
طبعا انا ما بهجمكش انت لا تفهمني غلط انا اقصد المكانيكي لما يفتي مانخدش علي كلامه نبحث علي النت الاول يمكن يكون قصده حاجه من ورا الاشاعه دي
وعلي كل حال لو الكلام ده صح انا اول واحد ارفع قضيه علي الوكيل و لو اني ماظنش انهم يوقفوا حالهم في مصر ويعرضوا نفسهم لقضايا
وشـــــــــــــــــــــــ ـــــــــــــــــــــــــ ــــــــــــــكــــــــــ ـــــــــــــــــــــــــ ــــــــــرا

**tot** · 27-04-2008 08:46 PM

يا باشا و الله لو هترفع قضية انا اول واحد معاك ، و انا غلبت من بعت ايميلات لالمانيا ، كانو الاوال بيردوا بعد شهر او اكتر بس كانت الدنيا بتتقلب فى التوكيل ، دلوقتي الكل منفض ، و من بعد مابعتوا الناس الالمان دول امثال عمك يانس و الدنيا بقى خربانة
الاخ اسلام جلال ، متهيالي صعب اوي الكلام اللي حضرتك بتقوله و و ماسمعتش عنه حاجة قبل كده ، حتى العربيات الخليجي هل مثلا شركة زى ميتسوبيشي تقول معرفش حاجة عن العربيات دي ، اكيد لا طبعا ، اللي ممكن يعمل حركة القلة دي هو التوكيل ، يقولك معرفش حاجة عن العربيات اللي جاية مش عن طريقي ، و بالنسبة للبوينتر و باقي العربيات ، دي اصلا جاية عن طريق التوكيل اللي فى مصر ، فغصب عن عينه مش هيقدر يقول دي مش تبعي ، و كده كده العربيات تبع فولكس ان شالله تصلحها فى الصومال لو الوكيل رضي فولكس مش هتمانع