يبقى غير العضم بس من طقم قديم عندة
الاخ العزيز r-gamal1 بعد صباح الخير عندى لحضرتك 3 اسئلة ومش هلاقى احسن من حضرتك اسئله الاستفسار الاول ان العربية مرتين تعملها معايا وما ترضاش تدور والكلام ده مش الصبح اول مابطلع بيها لأ ده كان وسط مشاوير يعنى العربية مش بارده والبطارية كويسة ومغير فلتر البنزين من حوالى شهرين ومش بتدور غير بالزق وبين المرة والمرة حوالى 20 يوم يعنى مش على طول وخايف اروح لميكانيكى يفتيلى فيها ويورطنى يارين لو عنك فكرة، الاستفسار التانى العربية بتعمل 260-270كيلو فى الصفيحة جوه البلد هل ده كويس؟ والاستفسار التالت هو بيانات التابلوه فيه شاشة ديجيتال فيها الساعة وعدد الكيلومترات ولما بتدوس على الصباع اللى جنب الشاشة بتطلع قراية تالته مش عارف ايه هيه ياريت تفيدنى علما ان العربية رينو كليو 2004 1200cc 16 v وعذرا لاسئلتى لانى يادوب اعرف اكشف على ميه الرادياتير وزيت الموتور وربنا يخليك, وربنا موجود
سؤال تانى لحضرتك بالمرة ومعلش لتقلى عليك باسمع كتير يقولوا العربية متلتة يعنى ايه متلتة وتعرفها ازاى؟ واسمع كمان عن عداد عدد دورات الموتور هل فى الكليو 2004 موجود؟ واذا كان موجود فين مكانه؟ وايه فايدته؟ وشكرا لتعبكم وربنا موجود
يا باشا انا متشكر جدا جدا لذوقك انا لسه بتعلم ................المهم ان كلنا نستفيد
اول مشكله اعتقد بنسبه 95% انه سبيد سينسور كانت حصلت معايا نفس الاعراض من 3 سنين وغيرته والدنيا اتظبطت الحمد لله
الاستهلاك دة فوق الممتاز _ لو متاكد من طريقه حسابك_
الارقام اللى على الشاشه زى ما انت قلت الساعه والكيلو متر بتاع العربيه اللى مش ممكن يتلعب فيه ولما بتدوس بيطلع رقم اصغر دة بيقلب بعد ال 1000 كيلو ويرجع صفر تانى او انت لو طولت الدوسه على الزرار يصفر على طول دة ينفعك لو مسافر او بتصفرة مع كل تفويله عشان تعرف متوسط الاستهلاك
العربيه متلته يعنى شغاله 3 بوجيه بس دايما بتيجى لو فى كويل بايظ طبعا تعرفها انك هتلاقى العربيه مبرجله خالص والموتور ملغبط والسحب ضعيف
عداد عدد دورات الموتور او ال rpm مش موجود فى الكليو ال 1200 نص كماليات موجود فى ال 1200 الكامله وال 1400 فايدته بتعرف على كل سرعه الموتور بيلف اد ايه وطبعا كل مايكون لفات الموتور قليله يعنى الموتور مرتاح والاستهلاك قليل
واحد فى الحرفيين بس بصراحة مش فاكر إسمه ، لكن أى واحد معاه جهاز الكمبيوتر ده ممكن يكشفلك على العربية الفيشة بتاعته تحت الطفاية إللى جمب الفتيس ، و كل الحكاية هوا بيقولك المشاكل إللى ظهرت على الجهاز بس لكن مش بيصلح حاجة .
يا ريت لو حد يعرف ميكانيكى كويس و فاهم كويس فى العربيات دى يقولى ، لأنى جربت ميكانيكى فى الحرفيين واحد من المشاركين فى المنتدى كان كاتب رقم موبايله طلع مش فاهم فى أى حاجة ، هوا ممكن يكون فاهم فى الميجان شوية لكن كل ما أقوله على مشكلة كبيرة ولا صغيرة فى العربية إللى معايا يقوللى المشكلة دى اول مرة اشوفها ، حتى فى مشكلة الباور إللى إتعطل عندى ده ولا عرف اى حاجة و لما جيت كشفت عليها كمبيوتر و الراجل قاللى إن الفتيس فيه مشكلة معرفش يصلح أى حاجة و قاللى الكمبيوتر ده بيخرف ، مع إن المشكلة واضحة جدا إنها فى الفتيس لكن عشان هوا مش عارف يصلحها قال كدة ، يا ريت أرجوكوا لو حد يعرف ميكانيكى فااااااهم يدلنى عليه .
شكرا ...