مشكله في الكليو 2001 ومش لاقي حل .... الرجاء الافاده
السلام عليكم جميعا .... كل سنة وانتم طيبين
أولا انا معايا كليو 2001 - 1400 cc شغاله كويس الحمد لله بس عندي مشكله بقالها شهرين موريني الوييل
المشكله كالاتي:
وانا ماشي علي اي سرعه فجأه بلاقي العربيه لا تستجيب لدواسه البنزين .. يعني بادوس بنزين ومفيش استجابه والعربيه بتكتم ... والار بي أم بينزل بس العربيه دايره عادي .... ابطل العربيه وادور تاني ... تمشي عادي خالص مفيش حاجه .... وهكذا ...... بس الملاحظ ان الحكايه دي مبتحصلش الا بعد مامشي بالعربيه شويه ... يعني عمرها معملت الصبح بدري معايا الموضوع ده وهي بارده يعني ..... الا لو الطريق زحمه بقي
روحت لطوب الارض بما فيهم مركز عيسي وجاويش الي في شارع بورسعيد ..... كل ماروح لحد يقولي سبب
اليي قالي طلمبه بنزين
والي قالي حساس كرنك
والي قالي كنترول كله يتغير
وحتي الان مش عارف اعمل ايه واروح فين
الرجاء الافاده احنا في شهر كريم ربنا يرحمنا من البهدله
شكرا