الموضوع: خبير أمريكي: ما يجري في ليبيا والعالم العربي مخطط مسبقا

المشاركة الأصلية كتبت بواسطة hani945

يمكن زى الراجل اللى فى الفيديو ما بيقول
إن مبارك لما اعترض على وجودة قاعدة أمريكية فى مصر وإنه يكون جبهة مع السعودية والأردن واسرائيل ضد حزب الله وحماس وسوريا وإيران تحت غطاء نووى أميركى فقرروا التخلص منه ......

عن طريق التشهير به هو وأسرته أمام الشعب بأكمله وبدعم لحركات زى 6 إبريل ، والشعب أساساً تعبان من كل حاجة فى المعيشة من معاملة غير آدمية فى مراكز الشرطة والإهانات المستمرة والحقوق المهدورة دا غير الروتين الغير طبيعى فى المصالح الحكومية والأمان اللى أصبح معدوم والشرطة اللى اتخلت عن دورها فى حماية المواطن وشغلها الشاغل أصبح تقفيل القضايا وخلاص بغض النظر عن براءة الشخص اللى هيشيل المصيبة دى

هم ضغطوا على الحاجات اللى واجعة الناس وخلوا الناس انفجرت فى مبارك
وبصراحة الناس عندها حق

بهدلة فى كل حاجة فى الحياة ، مستنى الناس تعمل إيه ؟؟؟؟

الله اعلم
لكن لا اعتقد
ولو زي ما حضرتك بتقول كانو دعموه ونقلو السلطة لجمال مبارك وهو ينفذ اللي عاوزينه
لكن اللي حصل ان السلطة في فراغ ..... يعني مبارك سقط وغير معروف من سيأتي ....واكيد التيار الاسلامي سيكون له نصيب الاسد في المجالس النيابية
يبقى مصالح امريكا تعرضت للخطر برحيل مبارك
يبقى ازاي بقى مخطط امريكي
اعتقد ان امريكا بتحاول تكسب بونط لدي المصريين بعد الثورة بأن تدعي انها خططت لاسقاط مبارك .... لكن طبعا الشعب المصري مش ح يصدقهم لأنه عمره ما كان بيثق فيهم اساسا