الموضوع: عنوان معدل (واجهتني مشكلة بسبب السرعة الزائدة)

المشاركة الأصلية كتبت بواسطة نور القمر

انا شايفة ان حضرتك اللي بتستفزه وهو مسك اعصابه معاك للاخر

هوا حضرتك داخلا شمال فيا كده ليه

انا اعترفت انى كنت غلطان لانى عديت السرعة المقررة مقلتش انى صح

بس اللى كان الهدف من موضوع واضح وصريح مش محتاج منك الرد ده

المشاركة الأصلية كتبت بواسطة sayed911

بص لو انا مكانك كنت ها اعمل التالي ..

مبدئيا بعد ما ركنت على جنب !!!
سؤال صريح يا فندم وعايز اجابة بنعمل ام بلا
هل تم الغاء المخالفات الفورية ؟
نعم ؟
ام لا ؟
لو نعم يبقى كفى الله المؤمنين شر القتال
لو لا
يبقى بكل بساطة ها ارفع السماعة بتاعت الموبايل بكل احترام على رقم الإغاثة السريعة او (نجدة الجيش ) -
او بصوت ها اقول ها نشوف برامج التوك شو ها يبقى ردها على الكلام ده ايه النهاردة يا سيادة النقيب كذى ...
مش بتهديد ولكن بأسلوب تهكمي (العامل النفسي بيهدهم تماما )
لأنه لو كان على حق وكتب المخالفة قوله يا فندم خد بال حضرتك المخالفة مدونة بإسم حضرتك .. :d
وانا لو رحت وسألت وتم تحرير المخالفة في تاريخه (اللي هوة انهاردة ) وكانت المخالفات الفورية ملغاة سهل قوي اعمل جواب تظلم واعتذار :d :d :d
وام حضرتك موجود على الجواب انا بقول يا فندم بس مش بهدد :d :d
ولا مانع من ابتسامة صفراء صغيرة :d
انا بحب دائما اني اتبع كل حاجة قانوني
بكره جدا اني ابقى من ذوي الصوت العالي يعني همة بيلماو نفسهم صدقني لما بيلاقوا حد بيتكلم بحقوقوا ..
+ انا مش شايف انه ده مثال للشرطة صدقني ده واحد ناقم على الشرطة ذات نفسها انها رمتوا على الطريق ده في الصحرا دي
ولو لم اكن عرفه فأنا بقولك ده جنون العظمة او السلطة :d
فجرب بس تستفسر هاتفيا حتى لو الآن ومعاك المخالفة مثبتة بالتاريخ والتوقيت لو معاه حق يبقى خلاص ممعاهوش معاك انتا مستند يدينوا ألف مرة :d :d
شفت بقى حلها بسيط ازاي :d
الحمد لله على كل شئ ..
انا وقفني مرة واحد على طريق الساحل من سنة وشوية ولسة ها اقوله معلش انا رجلي سرحت سنة فوق الـ 90 انا ممسوك 92 :d
هههههههههههههه اه والله العظيم ودافعها وعندي الوصل كمان :d
بيقولي حرام عليكم قاعدين في التكييف واحنا بنتسلق في الحر وكمان بتجروا هوة احنا بنمنعكم من الجري عشانا احنا ده ليكم انتم يا استاذ والله قولتله حقك عليا يا سيدي الفاضل ادي الرخص :d
2 كيلو بـ 150 جنيه شوفت جمال اكثر من كده :d

المرة الجاية ان شاء الله اعمل كده بس ان شاء الله هعمل نفسي ميت عليهم لو كنت متأكد 100 % انى ماشى صح

بس فى حاجة بردوو انا مختش مايثبت المخالفة
يعنى هوا سجلها عنده ف دفتر وخلاص قالى اتفضل

المشاركة الأصلية كتبت بواسطة nistelrooy

يا راجل العنوان خضني قولت البطلجية رجعوا تاني ولا اية ..

بحد ذات نزول الشرطة بيعطي الامان .. بس مش بالسرقة .. كان اعتقد من حقك تشوف صورة عربيتك ,, لان شكلة مش بيصور وبيخمن .. وممكن يظلم ناس ..

ماهو انا مش شايف فرق بينه وبين قطاع الطرق ده بيسرق الناس وده بيسرق

وهوا وجودهم امان وكل حاجة بس هما مش نازلين يأمنوننا الظاهر لسه فيه بلطجة ف كل حتا وسرقة عربيات

ياجدعان غزة ماشى فيها عربيات ملاكى جيزة ودقهليه ولا تعليق وربنا يكون في عون اصحابها

المشاركة الأصلية كتبت بواسطة نور القمر

مش داخلة شمال ولا حاجة انا بقول كدة شهادة حق بناءا على كلامك انا معرفوش عشان ادافع عنه


رد : مين دول اللى لغوها مفيش حاجة اتلغت ولا حاجة هتتلغى وراح قالى بعد ازنك الرخص واركن على جنب
بيتكلم بذوق وبيقولك بعد اذنك
قلتله اتفضل وركنت ورجعتله

قالى هتدفع ولا ايه

قلتله لا مش دافع ولو سمحت هات الرخص علشان انا مكنتش ماشى 115 وبعدين انا مش شايف حد بيبلغ ف الاسلكى على تعديات بالسرعة ف العربيات اللى جايا ورايا دى كلها وانتو بتوقفوها

قالى يعنى عايز ايه قلتله الرخص قالى مفيش مشاكل خدها
وانا هسجلها على العربية مخالفة (هتتسجل بضعف القيمة )

طبعا دمى اتحرق وقلتله طب متظبط ام الطريق بدل مانتو بتسرقو ف الناس كده وبعدين انا كنت ماشى 160 مش 115 زى مبتقولو بطلو بقا النصب ده
بتقوله سرقة وبتقول له نصب وبتستفزه وتقوله 160 مش 115
حضرتك احكم بنفسك هل ده اسلوب استفزازي ولا لأ وهل قبل كدة كان حد يقدر يقول الكلمتين دول لظابط حتى لو مش غلطان
قالى ولا تزعل كتبلى ف المخالفة 160

مردش عليا وقعد يكتب ف ايصال كده وادانى الرخص وبيقولى انتا فاكر يعنى ان احنا هننام ف بيوتنا ونسيبكو هايصين مش انتا بردو من شباب التحرير

حسيت كده بغل ورديت وقلتله وانت بقا بتعلن ان الشرطة عادت لتنتقم عمتن ده مقامكو وكلنا عارفينه
اهانته وبارغم من كدة مسك اعصابه ومردش عليك
راح مدينى الرخص وقالى اتفضل امشى من هنا بدل ماعملك جواب اعتقال
بردو مسك اعصابه ومنطقش باي كلمة غلط فيك وحتى التهديد بجواب الاعتقال هو في حد ذاته تطبيق للقانون قبل كدة كان ممكن على الاقل يشتم ويقل ادبه ويهددك

عارفا لو هوا ماشى قانونى واللى بيعمله صح وواثق مكنش سابنى اهلل كده بس انا متأكد من ان ده هبل

وحضرتك شايفا ف النهاية ا انه باللى بيعملوه ده مش بيستفزونا يعنى هما يستفزونا واحنا نتقبل ذلك بصدر شرح فقط ونسكت زى الاول صح كده

يعنى قالى ادفع انزل ادفع وشكرا صح كده كويس ؟