الموضوع: حصرى لصقور نيسان تركيب gps لنيسان صنى بإمكانيات خرافية

المشاركة الأصلية كتبت بواسطة sonasteel

هو بالنسبة لل جي بي اس في الموبايلات بيسحب فلوس بس علشان تشبكه بس بالنت (جنيه لل5ميجا في اليوم) لاي شبكة
انا معايا سامسونج وقابليها نوكيا ... وكنت مقضي اليوم كله شات وتصفح وجي بي اس ... كله بجنيه في اليوم
والخرايط بينزلها تحديث من الovi لو نوكيا
او الماركت للاندرويد

هو الـ 5 ميجا ديه لو انت اتصالات انما لو فودافون هتلاقي فتح النت بجنيه و بيعطي 3 ميجا و بعد كده كل ميجا بجنيه و المشكلة ان لو الخرائط مش محدثه او مش موجوده يبقي هتسحب جامد من الرصيد غير كده ..
انا مش بفضل الملاحة من الموبايل خالص تعرف ليه يا سونا :
لأن لو انت الموبايل شغال جي بي اس و في نفس الوقت الموبايل فاتح النت عشان يحدث الخرائط من الشبكة فلما تيجي هتعمل الملاحة الموبايل هيحصل فيه زي توقف عشان مش هيبقي عارف هل هياخد طريقه من الاقمار الصناعية ولا من ابراج الشبكة "فودافون - اتصالات - موبينيل" فديه فعلا حصلتلي و عرفت انه ده السبب

من الاخر الافضل في الملاحة هو جهاز الجي بي اس اللي هي الشاشة اللي معايا
و لو من الموبايل يبقي لازم تتاكد ان جميع الخرائط في الجهاز محملة و محدثة فعليا ً و لما تيجي تشغل الملاحة تبقي متأكد ان الجهاز مش هيتصل بالنت خالص و هتنبسط في الحالة ديه بالملاحة علي الموبايل

المشاركة الأصلية كتبت بواسطة ali_abo_amr

بيشوى باشا ملك التكنولوجيا الحديثة والحاجات الجامدة الغير عادية ....
جهاز جميل بس ليا سؤال ...
هو الجهاز ازاى بيتصل بالقمر الصناعى ويحدد لك موقع عربيتك على الخريطة وارشادك لنقطة المراد الوصول اليها ؟؟؟
هل بيركب له شريحة موبايل ولا دى من امكانيات الجهاز ؟؟

ومبروك عليك الجهاز وعايزين معاينة على الطبيعة زى ماعملنا فى مقابلة الربوة كده :)

يا باشا الله يبارك فيك متشكر خالص علي محبتك و مرورك الغالي

بالنسبة لتوصيل الجهاز بالاقمار الصناعية فهي ديه شغلة الجهاز انه يوصل نفسه بالاقمار الصناعية "تكنولوجيا بقي يا عم" و الجهاز ليس له اي علاقة بالاتصالات ولا شرائح الموبايلات و لا اي حاجه
الجهاز فقط بيقوم بكل حاجه و هو اللي بيوصلك لغاية المكان اللي انت عايز تروحه.

شكرا مرة تانيه

المشاركة الأصلية كتبت بواسطة sonasteel

بص يابيشوو ... انت بتحدث الخرايط علي الجي بي اس ده ازاي؟؟؟
انت بتوصله بالكمبيوتر وبيحدث الخرايط وبيسجلها عليه ولما تيجي رايح مشوار ولا حاجة هو بيرشدك من الخرايط المسجله عليه ... مش بيتصل بالنت ولا بالاقمار الصناعية ولا حاجة ولو كان بيتصل وبيثحدث كان هايبقي ليه اشتراك وطبعا ليها تكلفيتها .. لولا انك بتوصلها باالكمبيوتر وبتاخد من النت العادي .. !!!
بس افرض مثلا انك روحت مكان وملحقتش تحدث الخريطة بتاعه الشاشة ..... هاتعمل ايه؟
وميزة الموبايل عموما انك متوصل علي طول بالنت وبالاقمار الصناعية ... وفي اي وقت ... وساعتها لو توهت لو تطول تدفع 100 جنية للدقيقة هاتدفعهم بس توصل
يعني هي مسألة نسبية لكل واحد ...... وفي الاخر اللي معاه موبايل ومش عايز يجيب موباييل تاني ممكن يجيب الشاشة اوفر ليه بكتير.
اقعد بالعافية

لا يا جميل انا هفهمك
الخرائط طبيعي علي الجهاز محدثة ... يعني ايه بقي محدثة ؟؟ يعني خريطة القاهرة و الاسكندرية و بعض المحافظات كاملة 100% علي الجهاز و كل اللي بيعمله الجهاز انه يتصل بالاقمار الصناعية و طبعا الجهاز بياخد حوالي دقيقة او اقل علي ما يتصل بالاقمار الصناعية عشان يحدد مكان عربيتك فين علي الخريطة و تبتدي تعد الجهاز للملاحة للمكان اللي انت عايز توصله و عن طريق الاقمار الصناعية بيمشيك داخل الخريطة و بيحددلك سرعة العربية في نفس الوقت علي الشاشة عشان لو انت تعديت مثلا السرعة المقررة يقوم يعطيك زمارة تنبيهات انك تخطيت السرعة و خواص كتيرة جدا ساعة ما الجهاز يتوصل مع الاقمار الصناعية لأن الجهاز طبعا المفروض يكون متصل مش اقل من 3 اقمار صناعية عشان الملاحة تمشي صح
اما بالنسبة للموبايل بنسبة 100% عشان يشتغل صح الصح لازم تكون الخرائط كاملة علي الاقل خريطة القاهرة و الاسكندرية و لو بعض المحافظات عشان متحتجش تحديث ساعة الملاحة و كده هتكون زي جهاز الجي بي اس اللي معايا بالظبط
انما لو الخرائط مش محدثة يبقي لازم هتوصل النت في نفس وقت الملاحة و بكده هتتأثر الملاحة لأن ملاحة الاقمار الصناعية هتتأثر بأبراج المحمول لأي شبكة من التلات شبكات زي ما كان بيحصل معايا لما كنت بستخدم النوكيا 5800
في طريقتين لتحديث الخرائط لو بتستخدم OVI Maps و هي لو الخرائط موجودة علي النت عادي يبقي ممكن تحدثها بتوصيل الموبايل بالكمبيوتر و يتم التحديث في دقايق.
انما الطريقة التانية اللي بكرهها و هي رخمة اوي و هي ان يتم التحديث ساعة الملاحة نوكيا مابس لأن ممكن و انت في الشارع و شغال بالموبايل و الجهاز بيوصلك للمكان اللي انت عاوزه تلاقي لما يجيي يحدث هتلاقيه هيعطلك شوية و دي بتبقي رخمة اوي و زي ما قولت بتعمل كونفليكت
يارب اكون وصلت المعلومة كما يجب.
اقعد بالعافية :)))

ممكن نشوف صور الخرائط ؟! ، يعني إذا كان فى موقع نقدر نشوف منه الخرائط :d

المشاركة الأصلية كتبت بواسطة Defender

ممكن نشوف صور الخرائط ؟! ، يعني إذا كان فى موقع نقدر نشوف منه الخرائط :d

الخرائط موجوده علي اللينك ده :


http://www.nilemotors.net/Nile/21449...howtech-4.html