-
حرامي غريب
اتسرقت يا رجالة
الحقوني
ربنا رزقني بحرامي غريب
تخيلوا سرق ايه
كنت في يوم في مشوار بعيد ونازل مستعجل ركنت العربية وتقريبا نسيت اقفل السنتر
رجعت لقيت باب العربية مفتوح
انا شايفه من بعيد وانا جاي مش مقفول كويس
المهم جريت لقيته فعلا مفتوح وواحد حاشر لي جوه القفل ورقة صغيرة كاتب عليها
"برجاء عدم ترك باب السيارة مفتوحا .. وشكرا"
بصيت في العربية ليكون خذ حاجة ملاقيتش
بعدها بكام يوم لاحظت اختفاء علبة زيت الفتيس كنت حاططها في شنطة العربية ومعاها زجاجة مياه حمرا
قلت يعني كان قدامك العربية مفتوحة وفيها ورق وكاسيت وحاجات اد كده وتسيب ده كله وتطمع في علبة زبت وزجاجة مياه حمرا
حرامي غريب
-
السلام عليكم
هو مش حرامي غالبا هو واحد بيحذرك و بيقلك أنه كان ممكن ياخد أي حاجه و خد الحاجات دي كمجرد تحذير
و قول الحمد لله و متنسهاش كده تاني
-
هههههههههههههههه ياعم الحمد لله انه طلع غريب وخد الحاجات دي احسن ما يكون حرامي عادي ومكنتش تلاقي العربيه كلها
ويمكن يكون خد علبة الزيت والميه كرهاين وهيتصل بيك ويطلب فديه عشان يرجعهملك هههههههههههه
-
ده طلع كويس ....:)....وربنا يسترها علينا جميعا
-
ده تلاقيه سواق توك توك بيدور على اى حاجه تنفعه بس
بص على الكوريك والايتبن والعده
والطفايه والمثلث وشنطه الاسعاف
وربنا يسترها
-
الحمد لله جت على كده .. هو استسهل وخلاص
-
يا جماعة الحمد لله انها جت على قد كدة
دة اكيد مش حرامى
هو حب يوجة نظرك ان الظروف الحالية للبلد ( و السابقة طبعا )
تخلى الواحد عينة فى وسط راسة
خلى بالك يا باشا
بالتوفيق
-
متهيألي ...ان ده راجل عادي..مش حرامي و حب يحذرك مش اكتر
و اتأكد ان علبة الزيت و المياة مش محطوطين في حتة تانية
-
بمناسبه الحرامى الغريب احكيلك بقى حكايه حرامى لعيب عاجبنى اوى هههههههه حصلت مع واحد ساكن مع واحد صاحبى فالعماره
الراجل عندو عربيه متركس ومتجوز ومعندوش اولاد ركن العربيه فيوم تحت البيت وطلع زى اى حد مبيعمل وهو نازل تانى ملقاش العربيه العربيه اتسرقت طبعا بقى طبيعى زى اى حد بلغ وعمل محضر خد الاجرائات الطبيعيه جدا وروح بيتو تانى يوم نزل لقى العربيه مركونه فمكنها سليمه مقفوله من غير اى كسور غريبه اوى راح فتحها لقى فيها ظرف على الطابلوه فيه جواب مكتوب فيه انا اسف جدا انا مكنش والله عاوز اسرق العربيه انا بس كنت مزوق ولازم اودى والدتى للدكتور ضرورى واخدت العربيه ورجعتهالك زى مكانت وهديه منى حاجزتلك تزكرتين مسرحيه بعد يومين ياريت تسامحنى الراجل فرح اوى ان العربيه رجعت بلغ الشرطه وخلص الحوار وقام واخد مراتو وراحو المسرحيه بالتزاكر الى معاهم روحو ركنو العربيه وطلعو الشقه فتحو الباب لقو الشقه الى البلاط .........
قولى بقى لعيب ولا مش لعيب
-
ههههههههههههههههههههههه
حرامى اخر حاجه ايه ده
ده دماغه ملهاش حل
ربنا يستر محدش يثق فى واحد سرق عربيه طبعا
Content Relevant URLs by
vBSEO 3.6.0 PL2