-
مراية الصالون
معلش ياجماعة انا عندى مشكلة غريبة شوية.
انا طويل شوية وعشان كده لما ب اكون سايق بتبقى مراية الصالون امام وجهى تماما فتقلل مدى الرؤية بالنسبة ليا واثناء الانحناء بالعربية لدخول شارع جانبى يقل مدى الرؤية اكثر.
هل يوجد طريقة لتعديل وضع تثبيت المراية من الزجاج الامامى الى السقف لتكون بعيدة قليلا عن مدى رؤيتى.
وشكرا
-
ممكن تركب مراية صالون عريضة
ده ممتازه جدا و بتجيب ابعاد العربية كلها
-
مش عارف والله , متابع معاك لو كان فى حاجة تنفع
بس هل حركت المرايا فوق وتحت وبتظبطها , ولالا
-
بصراحة حضرتك انا اول مرة اسمع مشكلة زي ديه لأي عربية ايا كان بس حاول تظبطها علي اد ما تقدر
-
وطى الكرسى بتاعك شويه و حاول توزع الرؤيه على ال3 مرايات يعنى خلى مرايةالصالون لرؤية اللى وراك و بس
لان مهما حاولت مش هتجيب مدى واسع غير لما تبعد انت عنها
-
ياجماعة الظاهر الموضوع مش واضح.
المراية بتكون امام وجهى مباشرة وبالذات عند الدوران بالسيارة.
السؤال هل يمكن رفعها الى اعلى لتكون مثبتة من السقف وليس من الزجاج الامامى ( اعلى من مستوى نظرى )
ولكم الشكر
-
حقولك على حاجة كويسة
طالما حضرتك عاوز تعليها لفوق شوية مثلا عن مكانها ,فممكن تروح الى حد متخصص فى زجاج السيارات وتساله
وتشوف اذا كان ينفع يرفعها ولالا وينقلها فى المكان اللى يريح مستوى الرؤية عندك
-
واضح من كلام حضرتك انك مابترجعش ضهر الكرسى لورا
وبتسوق وهو واقف تقريبا
ودا ماهما عملت فى المراي هايسببلك مشكلة
انا شاييف انك تحاول ترجع الضهر على اد ماتقدر بحيث انكتكون فى نقطه عن المرايا
علشان تقدر تشوف كويس
وساعتها مش هاتحتاج اى تعديل
-
انا زي حالاتك بردو طويل انا برجع مسند الكرسي ورا شوية + طبعا الكرسي برجعوا على الاخر والحمد لله بتظبط معايا
ولو منفعش معاك الحل دا ممكن تستغنى عنها او تجيب مرايا صغيرة في الحجم بس تكون عدساتها عريضة زي مرايات الاجناب
-
Content Relevant URLs by
vBSEO 3.6.0 PL2