نقول مبروك
نقول مبروك
جامد جدا
ومستني باقي التقرير
كا ناقصكو عوزال تمنع الحراره , والعربيه هتبقى زي الفل , واول عازل يتحط وورا الطابلوه
بالتوفيق ان شاء الله
المعلم شريف خلص التقفيل والتوصيلات الكهربية على الساعه 8 ونص بالليل
وبعد الكهربا مش باقيلنا غير شحن الفريون......
http://img541.imageshack.us/img541/968/dsc00979p.jpg
بدأ المعلم شريف بشحن الفريون بمعرفته
وتوكلنا على الله ودورنا العربية وشديت الشفاط لان التكييف بيحتاج كهربا من الدينمو ولازم العربية تكون دايره بطاقه عاليه وبالتالي يا اما ندوس بنزين يا اما الشفاط
بسم الله وشغلنا التكييف....
الجو كان بارد جدا في ذلك الوقت
وده منعني اني اقدر احكم عالاداء,,,
قفلنا العربية ولم المعلم عدته وتوكلت على الله على اني لو في حاجه كده كده معانا ضمان سنه
هههههههههههههههههههههههه
ركبت العربية
هبدأ التقييم بقا....
طبعا انا روحت من الدائري
في البدايه كنت شادد الشفاط على الدرجه التانيه
طبعا هتتساءلو
صوت العربية مش عالي؟؟؟
هقولك اطلاقا لان حمل التكييف مخليها كأنها صلانسيه عادي
التأثير على السحب..
هتكلم على جزئية التسارع اولا
طبعا التكييف في اي عربية بيأثر على التسارع حتى لو كانت طياره
لكن بيأثر قد ايه هو ده المهم
لو الشفاط مش مشدود وانت بتعبي بنزين 80 العربية طبعا هتسقف منك تسقيفه بسيطه وهتبرجل وتترعش ومن ثم هتنطلق
لو هتشد الشفاط وببنزين 80 برضو هتسقف تسقيفه صغننه خالص وهتطلع عادي جدا
تجميع السرعه بطئ بس مش للدرجه اللي خوفوني منها
عادي يعني العربية لازالت بتجري كعادتها...
طيب
نتكلم عن السرعه القصوى
مبدئيا انا معرفش كل واحد كان بيجيب اخره سرعة كام
لكن عن نفسي كنت مبعديش ال 110 في كل الاحوال للامان
عالدائري حاولت اني اشد واجرب هجيب كام
العربية مستريحه جدا لحد سرعة 90 وبتجيبها في وقت مقارب جدا للحاله ما قبل التكييف
من 90 ل 100 هتاخد منك وقت على ماتجيبها وهتحس انك فعلا في حاجه مكلبشه العربية...
اقصى سرعه جبتها كانت 120 لكن انا مبحبذش كده لان مفيش داعي تحط حمل عالموتور عالفاضي,,,
رأيي المتواضع ان انت مش هتاخد كل حاجه واعتقد ان الواحد ممكن يضحي بالفرق البسيط ده اللي احنا مش محتاجينه اصلا في مقابل التكييف
بالمناسبه
مجرد اما تمشي العربية ومفيش زحمه ومفيش وقوف كتير رجع الشفاط لانه ملوش داعي يفضل مرفوع
هوا مهم جدا لو هتكون في زحمه او واقف انما والعربية ماشيه لا داعي له...
نكمل التقييم...
استهلاك البنزين وما ادراك ما استهلاك البنزين
ده مش هقدر اتكلم عنه حاليا لان المكنه لسا مركبتش
لكن مبدئيا
ببنزين 80 كانت العربية بتشربه شرب ومعمريش كان الاستهلاك بالشكل ده لدرجة اني وانا في شوارع طوالي التنكي قرب عالاي في اقل من 280 كيلومتر!!!!!!!
النهارده ملقتش 80 ففولت 92 والفرق ملحوظ في الاستهلاك لكن اصبروا شويه على ما اقدر اخلص التفويله واقولكم عالنتيجه...
الجميل ان ال 92 فرق جامد مع ان قبل كده مكنش عندي فرق بين ال 92 وال 80 لكن ال 92 العربية سحبت بيه احسن وطلعتها كانت اخف....
طيب
نيجي لاهم حاجه...
تقييم التبريد وحرارة المحرك,,,,
اولا كنت محتاج ييجي يوم حر عشان اجربه فيه
لان كل التكييفات كده كده بالليل بتبقى كويسه
امبارح كان يوم حار جدا
وانا مروح
كنت بنصهر من الحراره للاسف!!!
كأنه مش راكب خالص
متتخضوش كده
ههههههههههههههههه
الفريون مكنش مشحون بالكامل ورجعت لشريف النهارده وشحنه والتبريد بقا 100 % وكان معايا النهارده سبعاوي وكنا ماشيين والحمد لله كان ممتاز وده الساعه 2 الظهر النهارده..........
طبعا شريف اتأكد ان مفيش تسريب وقالنا برضو انا معاكم متقلقوش التكييف ده عندي... وطبعا ده تبع الضمان ومخدش حاجه,,,
بالليل مش هتستحمل تحط التكييف على 2
الظهر لازم تحطه على 2 او 3
العربية مساحة الزجاج فيها كبيره جدا
وده بيحط عبئ حراري كبير عالكباس
وكان المقترح حاجه من اتنين
اما تفييم العربية وده ممنوع وانا مروح امبارح الساعه اتنين بالليل واللجان بتوقف الناس وتخليهم يفكو الفاميه وشفتهم بعنيا
او وضع ستائر شبه شفافه وانا بأيد الموضوع ده ولازال الموضوع تحت التجربه....
يعني في الاخير بقولكم ان انا وسبعاوي راضيين ولله الحمد بالنتيجه دي جدا جدا
وهقول حاجه مهمه لاي حد هيركب التكييف....
اولا احنا راكبين ماروتي مش فيراري فمتتخيلش انك هتاخد عربية سوبر تيربو
كده كده عربيتنا مش معموله للسحب...
ثانيا ان عمر التكييف مهيكون زي التويوتا ولا العربيات الكبيره لكن هتكون مبصوط منه جدا خصوصا لو طريقك اغلبه طرق طوالي او لو بتسافر كتير....
ثالثا لو انت طرقك كلها زحمه وقرف ممكن تركبه بس تستحمل ان استهلاك البنزين هيعلى بسبب ان المكنه (او الشفاط) هيعلو العربية شويه...
نيجي لموضوع حرارة المحرك اللي الكل خايف منها
انا جربت العربية ببنزين 80 وبنزين 92
ال80 كانت حرارة العربية بتعدي النص بملي بالظبط مش اكتر من كده ده في اسوأ الظروف والزحمه والقرف
ال92 الحراره موصلتش النص حتى والعربية راكنه واقفه مبتمشيش
فمحدش يخاف من الحراره خالص مالص الحمد لله...
في رأيي التواضع.... التكييف يستحق العناء لمدة يومين متواصلين والتعب والارهاق ولله الحمد والمنه
وخلاصة التقييم:
شغااااااااااااااااااااااا ااااااااااااااااال
اتمنى اني اكون وضحتلكم التجربه كاملة وجاهز لاستفساراتكم واسئلتكم وان شاء الله سبعاوي يخلص شغله يوم الاحد ويكملنا تجربته ورأيه الخاص.......
تحياتي
1-تم الرد عليه
2-نعم سنة بسيطه ولازال بعيد عنت كل شئ حواليه
3-رجع زي الفل متقلقش
4-اطلاقا العزل زودناله قطع عشان الاجزاء اللي كانت مفتوحه للهوايات عشان تجيب الهوا من بره وبالتالي العزي زاد حتت صغيره
5-هتركب يوم الاحد ان شاء الله وان كنت شايف ملهاش داعي وهتزود استهلاك البنزين,,,,
الملاحظات:
1-السربنتينه نايمه عالريديتير ومروحتها مشبوكه مع مروحة الريداتير والاتنين بيخدمو على بعض حلو جدا جدا وموضوع التثبيت الاتنين محشورين بنفس المسامير فأكيد متثبتين كويس لا اما الريداتير هيخبط في المكنه وده محصلش...
2-مفيش خراطيم تتعزل غير حته صغننه خالص مش هتأثر في حاجه
3-احنا مشفناش مشكلة الحراره لكن انا كده كده فكرت اخرم الشبكه وقلت لو هخرمها هجرب الاول امشي من غير شبكه واشوف لو في فرق فحاجه ولو اني معتقدش هتفرق بس اهو اسمنا جربنا........
موجود في العربية عازل حراري ورا التابلوه مباشرة واحترمنا شركة سوزوكي الهنديه لان تقفيلهم ممتاز,,,,
تحياتي
ازاي يا دكتور
المفترض انك لو ماشي مدة طويلة او مسافر مثلا انك تشغلها بحيث انها تغير الهوا جوة العربية
وكل العربيات المكيفة موجود فيها الخاصية دي
مبروكككككككك
الف مبروك
الف مبرووك , وانا عملت الكلام ده كلة من حوالي شهر او اكنر واتكلف 2150 بس الفرق اني ماقطعتش في الصاج ولا جبت مروحة , بس غيرت ريشة المروحة بريشة اكبر ب20 جنية والكباس مش جديد .. استيراد بالقاعده بتاعنة فابريكة ماروتي واللابنص اللي بيعلي العربية كان راكب من ضمن ال 2150 وده تكلفتة لو كنت عملتة لوحده 150 جنية ونفس التلاجة وتفس السربنتينة وصور كل حاجة بس مش عار ارفع الصور .