تركيب التكييف في الماروتي.. تقرير حصري مصور.. تابعونا

**hamaza81** · 01-05-2011 11:02 PM

المشاركة الأصلية كتبت بواسطة beckeryahia

الف مبرووك , وانا عملت الكلام ده كلة من حوالي شهر او اكنر واتكلف 2150 بس الفرق اني ماقطعتش في الصاج ولا جبت مروحة , بس غيرت ريشة المروحة بريشة اكبر ب20 جنية والكباس مش جديد .. استيراد بالقاعده بتاعنة فابريكة ماروتي واللابنص اللي بيعلي العربية كان راكب من ضمن ال 2150 وده تكلفتة لو كنت عملتة لوحده 150 جنية ونفس التلاجة وتفس السربنتينة وصور كل حاجة بس مش عار ارفع الصور .

ممكن حضرتك تشوف الموضوع دا بيشرح كيفية رفع الصور

http://www.nilemotors.net/Nile/203179-a.html

**dr.hazem** · 01-05-2011 11:58 PM

المشاركة الأصلية كتبت بواسطة beckeryahia

الف مبرووك , وانا عملت الكلام ده كلة من حوالي شهر او اكنر واتكلف 2150 بس الفرق اني ماقطعتش في الصاج ولا جبت مروحة , بس غيرت ريشة المروحة بريشة اكبر ب20 جنية والكباس مش جديد .. استيراد بالقاعده بتاعنة فابريكة ماروتي واللابنص اللي بيعلي العربية كان راكب من ضمن ال 2150 وده تكلفتة لو كنت عملتة لوحده 150 جنية ونفس التلاجة وتفس السربنتينة وصور كل حاجة بس مش عار ارفع الصور .

بالنسبه للريش الكبيره ياترى ركبت في نفس القميص؟
وبعدين مش هيفرق لو غيرت الريش فقط لان الموتور كده واحد
الكباس اهم حاجه في المنظومه ولازم عليه ضمان
بالنسبه لبتاع الفبريكا هو من نوع اسمه سابرو لو هو ده يبقى انت 100%
الابنص اللي بيعلي العربية احنا دافعين تمنه ولسا هنركبه الاسبوع الجاي بس انا متعايش من غيره واعتقد ان وجوده مش هيعجبني لكن هقرر بعد اما اركبها
وبالمناسبه الابانص سعره هنا 250 ومنتظين صورك بفارغ الصبر وياريت تقرير كامل

تحياتي

**sab3aawy** · 02-05-2011 09:48 AM

الحمد لله تم انجاز التكييف بتاعى امبارح ، طبق الأصل من بتاع حازم ، والنتيجة معقولة جدا ، الفارق الوحيد بين العربيتين هو انى خليت شريف ركب لى زرار منفصل للكباس ، يعنى الكباس ميشتغلش غير لما يكون الزرار بتاعه على أون وزرار المروحة على 1 او 2 او 3

عموما حصلت غلطة بسيطة جدا ف التركيب ، هى غلطة سهل اصلاحها هعملها بنفسى بدل المشوار لكنها كوميدية جدا، هو وصل المروحة بتاعت التكييف مع المروحة بتاعت الردياتير علشان يشتغلوا مع بعض، وانا كنت عامل زرار باى باس على الثرموستات بتاع المروحة علشان لما احب اشغل المروحة يدوى، واصلا دايرة المروحة مربوطة مع دايرة الاشعال(تشغيل الموتور) والوصلة اللى هو وصلها جايبة من البطارية مباشرة عبر الدايرة بتاعته ، فالنتيجة انى لو شغلت التكييف وشغلت الرزار بتاعى مع بعض آجى ابطل العربية متبطلش ، اكتشفتها وانا فى محطة البنزين بعد مار روحت وطبعا جالى حالة هلع بعد ما جيت ابطل العربية مبطلتش غير لما طفيت زرار المروحة، بس بعد قليل من الدراسة عرفت اللخبطة دى جت منين وهى لخطبة غير مؤثرة وكل اللى محتاجاه انى اركب كتاوت ب 10 جنيه لفصل هذة الدائرة عن تلك، بس هعملها يوم الجمعة وحاليا بطفى التكييف وزرار المروحة قبل ما ابطل العربية لحين ضبط الدايرة، وكدة كدة الواحد اصلا بيفصل الحاجات دى قبل ما يبطل العربية
لكن التبرييد معقول والتأثير علىالسحب عادى خالص زى اى عربية صغيرة، والتأثير على سخونة السيارة برضه مقبول وفى الحدود الآمنة

**mikology** · 02-05-2011 10:25 AM

مجهود هايل بجد
كنت بسال هو ايه نوع الكباس و لو عندك صوره مقربه اكتر ليه عشان عاوز اتاكد من حاجة و شكرا جزيلا

**sab3aawy** · 02-05-2011 11:56 AM

المشاركة الأصلية كتبت بواسطة mikology

مجهود هايل بجد
كنت بسال هو ايه نوع الكباس و لو عندك صوره مقربه اكتر ليه عشان عاوز اتاكد من حاجة و شكرا جزيلا

الكباس ساندن SD 505

حازم حاطط له صورة فى التقرير
ودى صورة اخرى له

**hamaza81** · 02-05-2011 12:10 PM

يعني نستلف القرشينات ونتوكل على الله؟
الموضوع يستحق التكلفة؟

**sab3aawy** · 02-05-2011 12:18 PM

المشاركة الأصلية كتبت بواسطة hamaza81

يعني نستلف القرشينات ونتوكل على الله؟
الموضوع يستحق التكلفة؟

هفكرك بس بجملة اخونا حازم، احنا مش راكبين فيرارى ولا مرسيدس، يعنى فى النهاية التكييف مش هيخليها تلاجة لكن عن تجربة امبارح فى الحر التكيييف كان مخلينى منتعش جوة العربية، ومش ندمان على اى قرش دفعته فيه

**mikology** · 02-05-2011 01:10 PM

المشاركة الأصلية كتبت بواسطة sab3aawy

الكباس ساندن sd 505

حازم حاطط له صورة فى التقرير
ودى صورة اخرى له

شاكر جدا
ممكن اعرف سعره كام ؟؟؟؟
وهل ليه مقياس مثلا كام حصان كام امبير - كده يعنى ؟

**sab3aawy** · 02-05-2011 01:57 PM

المشاركة الأصلية كتبت بواسطة mikology

شاكر جدا
ممكن اعرف سعره كام ؟؟؟؟
وهل ليه مقياس مثلا كام حصان كام امبير - كده يعنى ؟

هو عادة كباس السيارة مش بيتحسب بالامبير لأنه مش على محرك كهربى ولكن مربوط مباشرة على محرك السيارة لكن دة مجموعة من المواصفات اللىانا لقيتها للكباس، هو المفروض التكييف على بعضه بيتحسب بحاجة اسمها الوحدة الحرارية البريطانية BTU لكن انا لسة مش لاقى الكباس ده كام بى تى يو ، سعره منفصلا معرفهوش لأنى اشتريت التكييف على بعضه مونة واجرة بكباسه بتلاجته بسربنتينته بخراطيمه بضفيرته بتركيبه بتشغيله، لكن الكباس سعره بره فى حدود 50 دولار، يعنى قول فى مصر مفروض يكون فى حدود 750 جنيه بعد الشحن والجمارك ومكسب التاجر(أنا طبعا معرفش التجار بيمصلحوا قد ايه فى الليلة دى لكن ده توبه)

SD505 COMPRESSOR
Goods name : SD505 5H09 auto sanden compressor

MODEL: INTL-505-1

Compressor Type: SANDEN

Vehicle Application: Universal
Refrigerant:R134a OR R12
Clutch: 125 / A2
Displacement (cm3/r): 87
Voltage(Dc.V):12v
Num. Of Cylinder: 5
Weight(kg): 8KG
Bore(mm):35
Grooves:2A

cooper coil

high quality bearing

الموضوع: تركيب التكييف في الماروتي.. تقرير حصري مصور.. تابعونا

LinkBack

أدوات الموضوع

عرض

-

-

-

-

-

المواضيع المتشابهه

تقرير مصور ودقيق عن تركيب فرش جلد تفصيل و ارضية العربية جلد من Jeans Car

تقرير مصور : شراء و تركيب سماعات كينوود 10 سم في التابلوه

تقرير-مصور عن تركيب زجاج كهرباء للماروتى بالتفصيل الممل

تقرير مصور عن تركيب عزل وفرش لنيسان صنى

تم بحمد الله تركيب فرش عند جينز كار ( تقرير مصور )

الكلمات الدلالية لهذا الموضوع

المفضلات

المفضلات

ضوابط المشاركة