| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 14 1 2 3 4 5 6 11 ... الأخيرةالأخيرة
النتائج 1 إلى 10 من 138

  1. #1

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي تركيب التكييف في الماروتي.. تقرير حصري مصور.. تابعونا - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    صباح الخير
    الكل شايف ايام الحر الجميله الجايه واللي بدينا نعيش فيها
    اجواء لا تطاق
    والقادم اسوأ
    الواحد بيبقى ماشي في الماروتي كأنه ماشي في ساونا متحركه!!
    تفتح الهوايات تلاقي جايلك صهد
    تفتح الشبابيك برضو صهد
    تنزل من العربية تحس انك غرقان
    ,,,,
    كان لازم نحط حد لهذا العناء...

    عملت الموضوع اللي بناشدكم فيه عشان نتقدم خطوة نحو الحل
    الناس خايفه قوي ومترقبه
    هوب بشمهندس سبعاوي تجرأ وقالي اوكي هنركبه فين؟؟؟

    صليت استخاره وتوكلنا على الله وحجزت معاد عند ساندن لتكييف الهواء وكان يوم الجمعه اللي فاتت الساعه 10 الصبح...

    انطلقنا عليهم وطبعا بما اننا في مصر فهما مكانوش فتحو
    بعد اما فطرنا رجعنالهم كانو لسا فاتحين
    هايا جماعه عايزين كذا كذا بس عايزين سعر كويس...

    قالك 3100 ده اخرنا وده سعر مبنديهوش لحد ومش عارف ايه
    ممممممممممممم
    سبعاوي ايه رأيك
    قال ماشي
    قلت ماشي
    شويه بنقلهم السربنتينه هتركب فين؟
    قالك كويس انك سألت لاننا هنقص من صاج العربية الاساسي عشان تنزل!!!!!!!!!!!!!
    نعمممممم؟؟؟!!

    قالك اه مهو ملهاش مكان
    طيب معالتلفون قلتو عندكو حاجه مخصوص للماروتي
    المهم قالك هو ده اللي موجوده...
    قلنالهم ملهاش حل تاني
    قالك منركبش ليها مروحه بس انت حر وعلى مسؤوليتك وعربيتك هتسخن!!!!!

    هنا في هذه اللحظه بصيت لسبعاوي وتغامزنا انه الموضوع ده مش عايزينه
    يعني عشان اركب تكييف اقوم قاصص من الصاج واخلي تمن العربية في الارض؟؟؟؟؟

    في هذه اللحظه قلتلهم طب احنا هندور على مروحه اكبر للرديتر ولو لقيناها هنرجع ناخد معاد الجمعه الجايه ونيجي نركب من غير مروحه ومروحة الرديتر تشيل الليله
    مشينا من عندهم شويه صغننين وبشمهندس سبعاوي قالي نروح لشريف؟؟ قلتله فين مكانه قالي هنا في المعادي بس معرفش فاتح ولا لأ
    قلتله اوكي انا معاك ياباشا نروح وناخد فكره...

    مشي بشمهندس سبعاوي ومشيت وراه ووصلنا لشريف
    ازيك ياباشا وعامل ايه عايزين نركب التكييف
    قوي قوي
    بكام ياباشا وهنجيبلك ناس وهنصور ونعمل
    قال 2750
    قلناله ماشي يعني متهزهم شويه
    قالك ولا جنيه دنا هعمله صح الصح وهركب وهعمل
    سبعاوي قاله بص
    هوا حازم كان سأل ناس تانيه وقالوله هنقص في الصاج عشان السربنتينه
    قاله وريني كده
    فتحنا الكبوت وبص بصتين تلاته
    قاله لأ مش هقص حاجه
    قلناله متأكد يامعلم قال متأكد
    توكلنا على الله واتفقنا معاه وعربناله على ان يبدأ الشغل من يوم السبت

    دي كده الحلقه الاولى وانتظروا الحلقه التانيه.... ساعة الصفر

    تحياتي

    don't judge a car unless you have driven it

    hm414 سابقا


  2. #2

    الصورة الرمزية micromoud

    رقم العضوية : 35609

    تاريخ التسجيل : 15Mar2009

    المشاركات : 986

    النوع : ذكر

    الاقامة : Giza

    السيارة: Hyundai Verna

    السيارة[2]: Suzuki Maruti

    دراجة بخارية: N/A

    الحالة : micromoud غير متواجد حالياً

    افتراضي -

    شكرا للتقرير الجميل دا يا حازم انا عاوز اقول انه فى واحد بتاع تكيفات ورا مسرح البالون فى العجوزه الراجل دا كذا مره اشوف ماروتى واقفه قدامه بحكم انى كنت بشتغل هناك ... مره رحتله كان معاه ماروتى وسألته عالعربيه قالى عادى جدا يركبلها تكييف وكل حاجه قولتله السحب هيقل قالى العربيه لما تشغل فيها التكيف الحمل عالعربيه كأنك مركب واحد جمبك وساعتها فتح العربيه الماروتى وقالى ادخل اركب وشوف الحقيقه ولاول ومره احس ان فتحات الهوا دى ليها لزمه وبتطلع هوا ساقع ساعتها صاحب العربيه جه هو ومراته وخد العربيه عشان يجربها ولما كلمت الراجل صاحب الورشه عالسعر قالى 2800 وضمان سنه (الكلام دا من سنه) بس وقتها انا لاحظت ان العربيه كان صوتها عالى فالراجل دا يا حازم انت وبشمهندس سبعاوى ممكن تروحوله الراجل دا اشتغل فى ماروتى لكن واضح ان اللى رحتوله دا اول مره يشتغل فيها وربنا يقدم اللى فيه الخير


  3. #3

    الصورة الرمزية hamaza81

    رقم العضوية : 64564

    تاريخ التسجيل : 08Mar2010

    المشاركات : 515

    النوع : ذكر

    الاقامة : Faisal - Giza

    السيارة: Gen 2 - 2013

    السيارة[2]: Suzuki Maruti 2010

    دراجة بخارية: -

    الحالة : hamaza81 غير متواجد حالياً

    افتراضي -

    أخيرا
    المنتدى من امبارح مش راضي يفتح اي موضوع
    وانا كنت قاعد مستنيك

    شد حيلك بقى في باقي التفاصيل
    وربنا يعينك


  4. #4

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    اقتباس المشاركة الأصلية كتبت بواسطة micromoud مشاهدة المشاركة
    شكرا للتقرير الجميل دا يا حازم انا عاوز اقول انه فى واحد بتاع تكيفات ورا مسرح البالون فى العجوزه الراجل دا كذا مره اشوف ماروتى واقفه قدامه بحكم انى كنت بشتغل هناك ... مره رحتله كان معاه ماروتى وسألته عالعربيه قالى عادى جدا يركبلها تكييف وكل حاجه قولتله السحب هيقل قالى العربيه لما تشغل فيها التكيف الحمل عالعربيه كأنك مركب واحد جمبك وساعتها فتح العربيه الماروتى وقالى ادخل اركب وشوف الحقيقه ولاول ومره احس ان فتحات الهوا دى ليها لزمه وبتطلع هوا ساقع ساعتها صاحب العربيه جه هو ومراته وخد العربيه عشان يجربها ولما كلمت الراجل صاحب الورشه عالسعر قالى 2800 وضمان سنه (الكلام دا من سنه) بس وقتها انا لاحظت ان العربيه كان صوتها عالى فالراجل دا يا حازم انت وبشمهندس سبعاوى ممكن تروحوله الراجل دا اشتغل فى ماروتى لكن واضح ان اللى رحتوله دا اول مره يشتغل فيها وربنا يقدم اللى فيه الخير
    لا بالعكس ياعزيزي
    توكيل ساندن ناس كتير اعرفهم ركبوه عندهم بس محدش قالنا عالقص في الصاج
    وممكن يكون اللي ركبه برضه قص في الصاج
    عموما احنا ركبناه خلاص وهكمل التقرير ان شاء الله

    اقتباس المشاركة الأصلية كتبت بواسطة hamaza81 مشاهدة المشاركة
    أخيرا
    المنتدى من امبارح مش راضي يفتح اي موضوع
    وانا كنت قاعد مستنيك

    شد حيلك بقى في باقي التفاصيل
    وربنا يعينك
    وانا من امبارح كاتب المشاركه والحمد لله اني اخدتها كوبي لاني حسيت انه هيقع والا كان الموضوع بح

    انتظروا الحلقه التانيه كمان شويه ان شاء الله


    تحياتي

    don't judge a car unless you have driven it

    hm414 سابقا


  5. #5

    الصورة الرمزية micromoud

    رقم العضوية : 35609

    تاريخ التسجيل : 15Mar2009

    المشاركات : 986

    النوع : ذكر

    الاقامة : Giza

    السيارة: Hyundai Verna

    السيارة[2]: Suzuki Maruti

    دراجة بخارية: N/A

    الحالة : micromoud غير متواجد حالياً

    افتراضي -

    الف مبروك يا حازم وفى انتظار باقى التقرير


  6. #6

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي الحلقة التانيه -

    المعاد : السبت الساعه السابعه صباحا
    صحيت
    يافتاح ياعليم
    نزلت مضيت في الشغل حضور وتوجهت الى محل شريف اللي معادنا كان معاه الساعه 10
    هحاول اخش في التفاصيل المهمه بدون رغي كتير
    ههههههههههههه

    وصلنا وجه شريف
    واول حاجه ادانا الكباسات كل واحد مننا خد كباس في كرتونه جديد صناعة يابانيه

    وبعدها قالنا خدو الكباسات ووصفلنا واحد متخصص في قواعد الكباسات في دار السلام
    قالنا روحوله وركبو القواعد بالكباسات وتعالو
    توجهنا على الوصف ومشينا في شوارع مدغدغه لحد الحمد لله اما وصلنا
    لقينا قبلينا عربيتين
    قالنا سيبو العربيات ومفاتيحها ومش هنشتغل فيهم قبل 3 ساعات فشوفو هتعملو ايه
    سبنا المفاتيح وتوجهنا لاقرب قهوة وكنا هنروح التوفيقيه ونتمشى لكن انا كسلت الحقيقه
    رجعنالهم عالساعه وحده لقيناه فعلا لسا هيبدا يشتغل في العربيتين
    المهم الراجل عمل قاعده جميله جدا جدا وركب عليها الكباس وانا وبشمهندس سبعاوي في حالة تفاؤل جميل لان فعلا الراجل كان محترف ما شاء الله وعارف هوا بيعمل ايه
    المهم الراجل خلص عربية سبعاوي الاول فانا اقترحت عليه انه يسبقني لشريف لحد اما انا اخلص والحقه عشان نكسب وقت
    كم صوره كده
    قبل:

    بعد:



    انطلق سبعاوي وانا حصلته بعده بساعه
    وصلت كان يدوبك هيشتغل في عربية سبعاوي
    وابتدأ المشوار الطويل الشاق....
    اول مهمة كان اننا ننزل سربنتينه قدام الرديتير بمروحتها بدون اي قصقصه وبدون اي مشاكل
    بدون ما احط صور كتير ملهاش داعي
    اول عقبه كانت ان السربنتينه اللي شريف اختارها كانت كبيره وده عشان يدينا اداء تبريد عالي جدا لكن للاسف منفعش انها تركب للاسباب التاليه
    ان تركيبها كان هيعيق الوصول للبوجيه رقم تلاته وده حاجه مينفعش نقبلها طبعا
    مع انها كانت هتضيف للتبريد كتير لكن ازاي كنا هنفك البوجيه؟؟؟؟

    وحاولنا اننا نفك البوجيه وكان صعب زي منتو شايفين
    فتوكلنا على الله وجاب شريف سربنتينه اصغر لكن هتنزل في المكان من غير مضايقات ماعدا من حاجه واحده من الاول اتفقنا اننا هنشيلها
    الخوصه اللي بتكون رابطه الحديده العلويه مع السفليه اللي تحت قفل الكبوت
    دي كان لازم تتشال على ان يتم تفصيل واحده تانيه عند سمكري معرفة سبعاوي وبالفعل فكيناها واتشالت...
    هبقى ارجع لتفاصيلها لاحقا...

    انا في المرحله دي كان عندي مشكله في جوان فرن الشكمان وكان لازم اعملها قبل اما المكان يبقى ضيق بمواسير التكييف فتوجهت للمعلم محمد باروما بتاع شكمانات وراجل كفاءه جدا وظبطلي الموضوع ورجعت لسبعاوي اللي كانو لسا معملوش حاجه وكانو بيدورو عالحل للسربنتينه...

    وصلت السربنتينه وهنا شريف قرر انه يبدأ شغت التابلوه وساب مهمة السربنتينه للصبي (الشاطر جدا) برغوته


    طبعا في صور اكتر من كده لكن عشان المنتدى وصعوبه نقل كل الصور وعشان الموضوع ميبقاش طويل وممل انا هختصر الصور وبعدين هرفع ملف فيه كل الصور اللي صورتها ان شاء الله

    نزلت السربنتينه مكانها
    جينا نحط مروحة السربنتينه لقينا انها بتحك ببساطه ولازم نوسعلها شويه
    قلبنا ودورنا
    كان لازم نقص حتة ملهاش اي لازمه ومش مؤثره عالعربية في اي حاجه هتفهمو من الصوره
    الحته اللي اتقص منها كلها بتتباع على بعضها لو حد حب يرجع العربية زي مكانت لكن انا بأكد ان ملهاش ولا اي ت|أثير على قيمة العربية ولا ليها علاقه بالشاصيه وبالتالي قلنا اوكي



    نرجع لشريف


    شريف باشا ومتقلقش من اللي بيعمله
    هوا فاهم هوا بيعمل ايه وهيرجعلك كل حاجه زي مكانت ان شاء الله
    عينك تبقى على ابراهيم (برغوته) لانه ممكن يعمل حاجه انت مش حاببها غصب عنك
    هههههههههههههههههههههه

    ادي منظر السربنتينه بمروحتها اثناء عملية الظبط والتركيب ليها


    زهقتو؟؟؟

    الدنيا يومها كانت برد جدا بغباء والله والمكان عند شريف هووووووووووو وانا كنت مصيف وسبعاوي كان عامل حسابه لكن الحمد لله كملنا شغل

    هسيبكو تقرو على ما اكتب الحلقة التالته...

    تحياتي

    don't judge a car unless you have driven it

    hm414 سابقا


  7. #7

    الصورة الرمزية JUVENTUS

    رقم العضوية : 71279

    تاريخ التسجيل : 22May2010

    المشاركات : 2,905

    النوع : ذكر

    الاقامة : مدينة نصر

    السيارة: لا يوجد

    السيارة[2]: FIAT Tempra 1997

    دراجة بخارية: لا يوجد

    الحالة : JUVENTUS غير متواجد حالياً

    افتراضي -

    برافو عليكم بجد يا رجالة شغل هايل

    http://img542.imageshack.us/img542/2...mpraswpnel.jpg

    .................. سبحان الله و بحمده ,, سبحان الله العظيم ....................


  8. #8

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي الحلقة التالته -

    شريف كان خلص فك التابلوه وابتدا يفك التلاجه الداخليه

    وادي المنظر والعربية قرعه كأنها على خط الانتاج
    ههههههههههههههههههههه

    الحقيقه لقيتني بقول الله
    العربية واسعه قوي
    مكانو لغو التابلوه
    هههههههههههههههههههههههه

    ماعلبنا نكمل
    شريف هنا جاب التلاجه الجديده ذات الاربع فتحات وركبها في مكانها

    وابتدا يحط التابلوه عشان يشوف هيتقص منه حاجه من جوه عشان يوسع ليها ولا لا
    والحمد لله محتجش انه يقص غير شوية خراطيم الهوا القديمه واللي كده كده هوا كان هيركب بدالها خراطيم اكبر

    وآدي الخراطيم وهيا بتركب

    هنا شريف بيركب التابلوه


    طبعا الموضوع واخد وقت جامد جدا عشان محدش يفتكر ان الموضوع زي مهو في الصور بالسرعه دي
    وانا رأيي انه حاجه كويسه ان الصنايعي يدي الشغل وقته
    وكل ده هوا ممدش ايده في عربيتي
    كل ده في عربية واحده
    التابلوه عند سبعاوي ركب على 12 بالليل لو انا مش فاكر غلط...
    سبعاوي هنا طلع العربية بيجرب يدور لاننا احتجا اننا نقفل العربية عشان نروح ونيجي تاني يوم
    الساعه كانت وقتها 1 وربع بالليل
    درجه الحراره لا تتعدي 12 درجه وبرد شديد


    في اثناء ما شريف كان شغال كان برغوته ابتدا عندي وركب السربنتينه ولا داعي لتكرار الصور...

    المهم اتقفلت عربية سبعاوي على كده وعربيتي عالسربنتينه واتفقنا اننا نكمل تاني يوم (الاحد)

    اتكلنا على الله وانطلقنا على وحده ونص بالليل
    وللاسف حصلت الحادثه بتاعة سبعاوي والحمد لله اننا كنا سوا والحادثه كانت على بعد اقل من 2 كيلو من شريف يعني لسا ممشيناش وتوقيت ومكان سيئين لكن الحمد لله انه بخير وحمد لله على سلامة العربية يا سبعاوي وياريت كلنا نقوله حمد لله عالسلامه ونقوله ربنا يعوض عليك والحمد لله انها جت على قد كده...
    بجد مش عايز افتكر فهعدي الحته دي وهكمل الحلقه الرابعه من لما رجعت انا اكمل الشغل..... الى اللقاء في الحلقه الرابعه

    don't judge a car unless you have driven it

    hm414 سابقا


  9. #9

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي الحلقة الرابعة -

    احساس وحش قوي اني نازل وعارف اني هكمل الشغل من غير سبعاوي ميكون موجود
    وكنت منهك تماما وملحقتش انام بس نزلت واخدت معايا جاكيت عشان لو طولنا لبالليل مبردش
    رحت قابلت سبعاوي عند السمكري واطمنت عليه وعالعربية وكملت مشواري لشريف اللي قال هييجي من 12 الظهر
    وصلت عنده 1 ومكنش لسا جه
    المهم
    1 وربع جه وابتدأ الشغل عندي
    برغوته كان بيكمل التوصيلات من السربنتينه للمجفف للكباس الخ الخ الخ وفنفس الوقت شريف كان بيفك التابلوه عندي...
    وآدي المنظر


    ووصلنا لمرحلة فتح الطبب الموجوده في الجدار الناري عشان ندخل منهم خراطيم التكييف وكانت الحمد لله مهمة سهله


    وابتدا شريف يركب التابلوه عندي

    وابتدت الدايره تكمل بالخراطيم كالتالي


    وابتدا المعلم شريف يعمل شغل الكهربا عشان يوصل الكهربا
    هو خلى الكباس يشتغل مع السرعه الاولى للمروحه بحيث اول متفتح الهوايات يشتغل الكباس
    واتفقنا معاه انه هيعملنا زرار نفصل منه الكباس لما نكون عايزين الهوايات فقط (وده اجلناه لمره تانيه لانه مش هياخد وقت وعلى مايكون هوا جاب زرار يليق عندنا في التابلوه...
    هنا برغوته بيركب الطاره على اعتبار ان التابلوه انتهى الشغل فيه...

    ..........

    هكمل كمان شويه ان شاء الله او بالكتير بكره واقولكم على التقييم والتفاصيل النهائيه بس ياريت تقولولنا رأيكم في شغل الصنايعي شريف ولحد الآن في حاجه مش عاجباكم؟؟؟
    اللي عنده استفسار يسأل ولو عندي اجابه هجاوب علطول ان شاء الله


    تحياتي

    don't judge a car unless you have driven it

    hm414 سابقا


  10. #10

    الصورة الرمزية hamaza81

    رقم العضوية : 64564

    تاريخ التسجيل : 08Mar2010

    المشاركات : 515

    النوع : ذكر

    الاقامة : Faisal - Giza

    السيارة: Gen 2 - 2013

    السيارة[2]: Suzuki Maruti 2010

    دراجة بخارية: -

    الحالة : hamaza81 غير متواجد حالياً

    افتراضي -

    hasad">

    ماشاء الله لاقوة إلا بالله
    متابع معاك ومش هاتكلم غير في الآخر
    الله ينور



 
صفحة 1 من 14 1 2 3 4 5 6 11 ... الأخيرةالأخيرة

المواضيع المتشابهه

  1. مشاركات: 87
    آخر مشاركة: 11-09-2015, 11:59 AM
  2. تقرير مصور : شراء و تركيب سماعات كينوود 10 سم في التابلوه
    بواسطة Amr Axel في المنتدى قســـم الصوتـــيات
    مشاركات: 16
    آخر مشاركة: 14-01-2013, 10:01 PM
  3. مشاركات: 31
    آخر مشاركة: 06-10-2012, 01:13 PM
  4. تقرير مصور عن تركيب عزل وفرش لنيسان صنى
    بواسطة sapi في المنتدى نيـــــــــسان
    مشاركات: 38
    آخر مشاركة: 03-06-2012, 02:11 PM
  5. تم بحمد الله تركيب فرش عند جينز كار ( تقرير مصور )
    بواسطة Amr Axel في المنتدى سـوزوكى
    مشاركات: 34
    آخر مشاركة: 21-05-2012, 07:46 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2