الموضوع: سؤالين هامين في تشطيب الشقة بخصوص العزل الحراري والباركيه

المشاركة الأصلية كتبت بواسطة sara2001

الباركيه المسمار افضل من حيث المتانه والعمر الطويل ونظافة الباركيه اسهل كتير من نظافة البورسلين والرخام
الباركيه بعد فتره ممكن يتكشط ويتدهن من جديد المهم البعد عن الماء
وبالنسبه للألواح دي بتكون الواح خشب موسكي وبتستخدم لغرف النوم وسعرها في حدود 160 جنيه : 200 جنيه بالتركيب ودي برضه بتعيش وممكن تتكشط اكتر من مره وتدهن من جديد
او الواح خشب h.d.f او h.pl وممكن استخدامه في غرف المعيشه او النوم والعمر الإفتراضي له 5 سنوات وغير قابل للكشط
بخصوص الألوميتال هشوف لحضرتك ارقام التليفونات
واسماء القطاعات دي حسب اختيار المطلوب

طيب باشمهندسه سارة بعد أذنك بخصوص الفترة اللي بيقعدها الباركية المسمار لحد ما يتكشط ويتدهن بتبقى كل قد أيه تقريباً وبالنسبة للألوميتال هيبقى قطاع الجامبو الدبل جلاس هل في حاجة أحسن من كدة ولا كدة كويس بالنسبة للبلكونة هتبقى 2 متر في 2.5 تقريباً والشباك هيبقى 2 متر عرض ومتر ونص أرتفاع وعاوز أعملهم - البلكونة والشباك - خشب من بره وألوميتال من جوه يعني الدرف اللي بتتفتح لبرة خشب ومن جوه ألوميتال فهل كدة أحسن ولا أعمله ألوميتال بس من غير الدرف الخشب وهل ممكن الألوميتال يركب على حلق البلكونة العادي ولا لازم حلق مستوي معلش تعبتك معايا ومتشكر جداً لردك الكريم .

المشاركة الأصلية كتبت بواسطة ghazy12

طبعاً الباشمهندسه ساره و باقي الاعضاء الكرام قالوا المفيد كله...

بالنسبه لموضوع العزل للحوائط... في شركه بتعمل نوع من المحاره بيكون
عازل للحراره و في نفس الوقت مش بياخد تخانه كبيره من الحائط (العادي)
و زي المحاره بالظبط... دي شركة بلاكو جيبس او (gyproc) حالياً
و دي شركة كبيره في مجال التشطيبات و خصوصاً الحديثه و انا بتعامل معاهم
من زمان بس في مجال الأسقف المعلقه عموماً و القواطيع و خلافه (مجال شغلي)...

سعر المتر بيكون في حدود من 15-20 جنيه تقريباً و ده سعر معقول جداا

اما عن باقي استفساراتك فأنا رأي من رأي الباشمهندسه, و بمعنى اوضح
تركب باركيه مسمار للرسيبشن, و hdf للنوم الرئيسيه (لو مش ستيل)
و النوم التانيه و المعيشه... ده رأي الشخصي و الـ hdf عملي جداا
و مافيش منه مشاكل... راكب في البيت عندي من سنيين و زي الفل ما شاء الله...

ربنــا يوفقــك للخيــر و ان شاء الله تخلص التشطيب بكل سهوله و يسر...

تحيــاتي...

متشكر جداً على مرورك الكريم يابشمهندس وحكاية المحارة العازلة دي فكرة رائعة بس هل ياترى في فرع للشركة دي في أسكندرية أو ليهم موقع معين على النت أتمنى ذلك .

سؤال بقى خارج عن السؤالين ولكن ضمن الموضوع وهو تشطيب الشقة :

أرتفاع جلسة البلكونة عندي حوالي 12 سم عن الأرض لأنها ماشية مع صرف الحمام بتاع الضيوف لأن للأسف مفيش سقوط معمول للحمام بتاع الضيوف فهيبقى مستوى الشقة كلها ماشي مع مستوى حمام الضيوف فهل الأرتفاع دة كويس ولا هيحمل على السقف هو السقف سمكه 20 سم فهل كدة مناسب .

المشاركة الأصلية كتبت بواسطة sara2001

الفتره دي حسب المحافظه في الإستخدام يعني ممكن بعد 10 سنين وممكن اكتر وممكن اقل
الميزه فيه انه سهل يتجدد حتى البلاطات الباركيتري كده برضه
وبخصوص الألوميتال في شركات زي
ايجيبل ط¥ظٹط¬ظٹط¨ظ„ (egybel) | ظ…طµط± | ط®ظ„ظپظٹط© ط§ظ„ط´ط±ظƒط©
والو جلاس دليل شركات 6 اكتوبر - ألو جلاس / شوكو أنترناشيونال
هما متخصصين في الواجهات وقطاعات الألومنيوم بس اسعارهم غاليه بالنسبه لشغل في شقه
قطاع الجامبو كويس جداً انا استخدمته في فيلات كتير
قطاع الجورجيا ده دبل جلاس برضه بس بداخله شرائح من الألومنيوم على شكل السلسله
ولو حضرتك عايز تعمل معاه شيش ممكن طبعاً وده يرجع لإختيارك
في ناس بتستغنى عن الشيش بالستاير البلاك اوت
وممكن تعمل شيش حصيره مع الألوميتال
بالنسبه لشكل الحلق الخشب هيحتاج (لتنبيل) بلغة النجارين علشان ينفع يركب عليه الألوميتال
ومفيش تعب ولا حاجه
وانا تحت امرك في اي سؤال

متشكر جداً ياباشمهندسه لزوق وكرم حضرتك .... بالنسة لشركات الألوميتال اللي حضرتك قولتي عليها هتصل بيهم وأعرف أسعارهم ومكانهم فين وبالنسبة لحكاية التنبيل مفروض يعملها النجار ولا فني الألوميتال لأن أنا أشتريت الحلوق خلاص وأتركبت ... بالنسبة للستائر فأنا فكرت أصلاً في الدرف الخشب اللي هتركب من بره عشان تبقى ماشية مع شكل الواجهة لأنها هتبقى واجهة كلاسيكية تصميمات يونانية فمش عاوز الشقة بتاعتي يبقى شبابيكها وبلاكوناتها شاذة عن بقية العمارة وأكرر شكري لحضرتك .

المشاركة الأصلية كتبت بواسطة sara2001

الفتره دي حسب المحافظه في الإستخدام يعني ممكن بعد 10 سنين وممكن اكتر وممكن اقل
الميزه فيه انه سهل يتجدد حتى البلاطات الباركيتري كده برضه
وبخصوص الألوميتال في شركات زي
ايجيبل ط¥ظٹط¬ظٹط¨ظ„ (egybel) | ظ…طµط± | ط®ظ„ظپظٹط© ط§ظ„ط´ط±ظƒط©
والو جلاس دليل شركات 6 اكتوبر - ألو جلاس / شوكو أنترناشيونال
هما متخصصين في الواجهات وقطاعات الألومنيوم بس اسعارهم غاليه بالنسبه لشغل في شقه
قطاع الجامبو كويس جداً انا استخدمته في فيلات كتير
قطاع الجورجيا ده دبل جلاس برضه بس بداخله شرائح من الألومنيوم على شكل السلسله
ولو حضرتك عايز تعمل معاه شيش ممكن طبعاً وده يرجع لإختيارك
في ناس بتستغنى عن الشيش بالستاير البلاك اوت
وممكن تعمل شيش حصيره مع الألوميتال
بالنسبه لشكل الحلق الخشب هيحتاج (لتنبيل) بلغة النجارين علشان ينفع يركب عليه الألوميتال
ومفيش تعب ولا حاجه
وانا تحت امرك في اي سؤال

ممكن تشوف كمان قبنورى سعره هيكون مناسب لشقه سكنيه , زى المهندسه ساره ماقالت الشركات اللى فوق دى شركات بتشتغل على مستوى المشاريع الكبيره زى القريه الذكيه وخلافه واسعارها طبعا هتكون غاليه

المشاركة الأصلية كتبت بواسطة korkor

ممكن تشوف كمان قبنورى سعره هيكون مناسب لشقه سكنيه , زى المهندسه ساره ماقالت الشركات اللى فوق دى شركات بتشتغل على مستوى المشاريع الكبيره زى القريه الذكيه وخلافه واسعارها طبعا هتكون غاليه

تمام أنا كان نفسي حد يرشحلي قبنوري عن تجربة ولكن هي شركة محترمة وليها أسمها وهسأل فيها بردوا متشكر جداً لرد حضرتك الكريم .