مشكله في العفشه بتاعت العربيه

**AhMeD MeTwAlY** · 29-04-2011 04:19 PM

مش عارف العربيه حصل فيها ايه اليومين دول يمكن بسبب ان انا مش مهتم بيها الفتره دي مش عارف
بس ركبت العربيه من يومين حسبت بخبطه من ناحية الكوبلن اليمين روحت لواحد ميكانيكي ربط عليه وبعدها بيوم بصيت لقيت نفس الخابطه مع صوت صرخه روحت تاني ربط عليه وراحت الخبطه وبس الصرخه قالي وساخه علي التيل
المهم الموضوع زاد عن حاده النهارده الصرخه زادت لدرجة ان انا اتخنقت من العربيه والخبطه زي ما هيه
روحت لواحد بتاع عافشه قالي المساعدين خفيفه وعايزه تتغير وهي الي عمله الخبطه دي مع ان واحد تاني قالي المساعد كويس مع العلم ان العافشه بيتربط عليها باستمرار ومفيش فيها حاجه بايظ نهائي
والي ربط علي العافشه بيقولي انا مش عارف احدد السبب غير لما تقولي اعمل شغل في العربيه وانا اعمل ليك شغل واسلمك عربيه قولت ليه شكرا لان انا حسيت انه عايز يظبطني الظبطه الصح وفي الاخر هيعمل فيها بيفهم اكتر من الراجل الي اخترع العربيه ويقلبلي العربيه مركب بدل ما تمشي علي الارض هيمشيها علي الميه
والباقي مش عارف يحدد السبب هي معقد للدرجه تقريبا وصلت للسبب بنسبة 95% بس مستني التاكيد بكره ان شاء الله بعد لما ابعتها للميكانيكي يغير حاجه معينه؟ وعرفت هي عملت كده بسبب ايه كمان يا تري يا بشمهندسين حد عرف السببب؟؟؟

**EngAhmedSayed** · 29-04-2011 08:53 PM

صوت صرخه و له صفاره منبوحه
علشان لو كده ممكن يكون رولمان البلى علشان الصموله قلى احنا اتكلمنا عليه بتاعة تجميع الكوبلن و السره بتاعة العجل

**AhMeD MeTwAlY** · 30-04-2011 04:21 PM

الحمد لله عملت العربيه النهارده وكانت المشكله زي ما توقعت وكلفتني يعني 140 جنيه باجرة الصنيعي

**a_hmed** · 01-05-2011 06:35 AM

المشاركة الأصلية كتبت بواسطة XMANX51

الحمد لله عملت العربيه النهارده وكانت المشكله زي ما توقعت وكلفتني يعني 140 جنيه باجرة الصنيعي

بحبك فى فوازيرك :)

تانى مرة اقرالك موضوع عن مشكلة و لما تحلها متقولش عليها .. ده مجرد استغراب مش اكتر

**EngAhmedSayed** · 01-05-2011 10:13 AM

المشاركة الأصلية كتبت بواسطة xmanx51

الحمد لله عملت العربيه النهارده وكانت المشكله زي ما توقعت وكلفتني يعني 140 جنيه باجرة الصنيعي

الحمد لله اتحلت المشكله
طيب ما تقول عاملت ايه علشان نستفاد و بقية الاعضاء يستفدو

**AhMeD MeTwAlY** · 01-05-2011 01:17 PM

المشكله ان الصليبه اليمين وقعت البلي الي فيها فاشتريت اتنين جداد الواحده بـ 50 جنيه تركي تقريبا وركبتهم مع ان الشمال سليمه بس انا بحب اظبط العربيه وجبت علبة شحم عشان الكبالن وكنت عايز اشتري اتنين جداد بس الراجل قالي مش ليهم لزمه الي ركبين لسه جداد مش فيهم حاجه خالص