انا مشيت عكس علي الدائري في نص الطريق
النهاردة يوم عادي
الطرق كويسة وحلوة
بس الغريب هو اللي حصل علي الدائري النهاردة
طلعته من مسطرد
من أول ما وصلت للطلعة
كان في زحمة جامدة علي المطلع
بس مش حد طالع
ده عربيات كتيييييير نازلة !
بتاع 3 دقايق علي ما عرفت أطلع
وانا طالع جبت علي المطلع 60
لقيت عربية نازلة طلقة وجاية في وشي !
لحقت نفسي الحمد لله
هنا شكيت بقي ان في بلطجية وموقفين العربيات بيسرقوها
سألت واحد من اللي نازلين بسرعة .. شاورلي بأني أكمل طلوع !
كملت
فوق علي الدائري في زحمة عكس وبيجروا !
انا مشيت في النص .. وفي اللحظة ده حسيت أني انا الغلطان وانا اللي ماشي عكس
مفيش أي علامة علي وشوش الناس انهم ماشيين غلط
وماشيين من علي يميني وشمالي .. وبيجروا !
والغريب بقي
عربية بونتو ماشية بضهرها .. يعني وشه في الأتجاه الصح .. وبيرجع مرشدير في أتجاه الناس المعاكسة
وعربية فيرنا في وش البونتو وكأنهم بيعملوا عرض !
الكلام ده قريب من بنزينة طاقة
قلت يمكن الناحية التانية واقفة ومش عارفين يوصلوا فا ماشيين عكس !
الناحية التانية سريعة ومفيهاش حاجة !
كدة أكيد في بلطجية :majd(4):
كملت وانا مستغرب جدا
بس الموضوع ده كان لغاية نزلة بهتيم
العربيات خارجة من هناك .. بس مفيش حاجة تحت .. أتأكدت
الكلام ده حوالي الساعة 3 الضهر
ماهو يا أما انا بيتهيألي يا أما في حاجة !
حد يعرف أيه السبب أو يأكدلي أو ينفي
أي حاجة الله يكرمكوا :36_7_4[1]:
نفوخي يا ناس
بس أحساس مش جميل وانت ماشي علي الدائري كأنك ماشي عكس !