قدامي عربية لانوس موديل 2008 عاملة 100 الف و عايز رأيكم

**MITSUKERO** · 29-04-2011 09:24 PM

السلام عليكم

انا عايز اشارك الناس المحترمين اللي هنا رأيهم في شراء عربية لانوس موديل 2008 كسيارة ثالثه للاستخدام الخفيف للبيت

اولا : العربية اللي قدامي موديل 2008 بس فيها حاجة غريبة ان فيها تكييف و مفيهاش باور !!! هو ينفع ؟ و هل ده معناه انها كانت فاضية و التكييف راكب لها ؟ و هل اساسا 2008 كان فيها موديلات فاضية ؟ اللي بشوفة في السوق ان العربية يا اما تكييف و باور يا اما كاملة مانيوال

تاني حاجة : العربية عاملة 100 الف كيلو في سنيتن و نص !! بس الحالة العامة شكلها كويس و العربية راشة حزام فقط و مفيش معجون كتير هل ال 100 الف في الانوس ده معناه ان العربية باظت خلاص ؟ حد هنا عامل مثلا 400 الف بعربيته ؟ انا معايا سي 280 عامل بيها 150 الف و لسه جديدة و معايا لانسر عامل بيها 400 الف و لسه بتفكر تبوظ هل الانوس بتختلف لانها عربية كوري ؟

تالت حاجة العربية مطلوب فيها 48 الف و لسه هفاصل هل ده كتير ولا مظبوط ولا قليل ؟

شكرا لوقتكم و منظر اجابتكم

**ahmed_mido1889** · 29-04-2011 09:36 PM

100 الف كتير

العربيه دي شكلها كانت بتتاجر

المهم انك تعملها اختبار كبس موتور

وتمنها كتير عليها

الانوس عمر ماتورها الافتراضي عالي

بس ممكن يحتاج طقم شنبر علي 200 الف

**moko_2004** · 29-04-2011 09:36 PM

تقيس كبس وتكشف علي العفشة و لو عجبوك اتكل علي الله

**attaa11** · 29-04-2011 09:42 PM

موضوع الباور ده يقلق فعلا لان مستحيل تكون 2008 وبدون باور .. ممكن يكون اتشال منها .. او سبب غير معلوم
بالنسبه لموضوع 100 الف كيلو في 30 شهر ( سنتين ونص ) نقسم ال100 الف كيلو علي عدد الايام 900 يوم هتلاقي الناتج 111 كيلو اليوم .. وده معدل كبير .. حاجه من اتنين اما السياره دي كانت شغاله ايجار وده وارد جدا .. او انها بتاعت عائله كبيره وكلهم بيركوبها بصفه مستمرة ...
بالنسبه للسعر ف كويس بالنسبه للموديل .. و نصيحتي ليك ان السيارة حالة .. يعني اركب السياره وجربها وخلي ميكانيكي يشوفها وبعدها خد القرار .. ولو علي موضوع الباور .. اعتقد انه ممكن يركب لها بس لازم تستشير ميكانيكي

**ahmed_mido1889** · 29-04-2011 09:46 PM

وممكن طرمبه الباور تكون بايظه

**MITSUKERO** · 29-04-2011 09:51 PM

انا متشكر جدا لكل الردود و المشاركات و بجد تبادل الاراء ده بيغير طريقة تفكير الواحد

بالنسبة لاختبار كبس الموتور ده اعملة فين و ازاي ؟

تاني حاجة العربية كانت تقريبا مع دكتور صيدلي شغال مندوب لشركة ادوية و كان بيخاف عليها جدا لانها لو وقفت في يوم هيخسر فلوس كتير ده من كلام الراجل اللي جايبهالي

متشكر جدا لوقتكم

**moko_2004** · 29-04-2011 09:59 PM

بنزينة شل بالهرم او مصر في مدينة نصر او وطنية في مدنية نصر دول اللي اعرفهم و ممكن الأعضاء يفيدوك

**ahmed_mido1889** · 29-04-2011 10:04 PM

المشاركة الأصلية كتبت بواسطة mitsukero

انا متشكر جدا لكل الردود و المشاركات و بجد تبادل الاراء ده بيغير طريقة تفكير الواحد

بالنسبة لاختبار كبس الموتور ده اعملة فين و ازاي ؟

تاني حاجة العربية كانت تقريبا مع دكتور صيدلي شغال مندوب لشركة ادوية و كان بيخاف عليها جدا لانها لو وقفت في يوم هيخسر فلوس كتير ده من كلام الراجل اللي جايبهالي

متشكر جدا لوقتكم

يا باشا العربيه اللي بتبقي مع دكاتره بتبقي هلكانه

انا جايب لانوس في 2002 وجوز بنت عمي جايب ريو في 2003

هو شغال في شركه ادويه في 2007 كنت عامل 60 الف كان هو عامل 250 الف

وكان كل شويه يخيش بيها ويعملها في التامين

واختبار الكبس هيتعمل في اي محطه بنزين فيها جهاز اختبار الكبس

**engaass** · 29-04-2011 10:42 PM

الكليو متر عالى جدا وموضوع الباور ده فى انه
وبعدين بعد 100 الف اكيد فى حاجات برضه بتتأثر زى العفشة مثلا
عموما لو عجباك لازم تكشف عليها فى التوكيل مش مجرد محطة بنزين