ال1500 وال2000 نفس الشاسيه والفوانيس, والعفشه تزيد فقط فى ال2000 stablizer bar, وطبعا الموتور والفتيس يختلفوا
عرض للطباعة
شاركاوى جديدددددددد ........ ومحتاج مساعدتكم فى حاجات كتير
لانسر شارك 2012 الفئة ال3 عندى صوت صفاره جوا العربية بيظهر وانا قافل الازاز زي مايكون سينسور شغال الصوت هيجنني والتوكيل فى صيانة ال1000 كيلو معرفش يحدد الصوت من ايه حدد عدى عليه الموضوع ده ؟؟!!
لو عربيتك مانيوال يبقى فرش الدبرياج علية تراب وعاوز يتشحم والله اعلم
السلام عليكم انا معايا شارك 2012 اوتوماتيك ولى بعض الملاحظات والاسئلة يا ريت اللى عنده خبره أو جرب نفس الشىء فى عربيته يرد عليا بس يكون متأكد لو تكرم وجزاكم الله كل خير .
أولا : انا لما ببقى ماشى فى زحمة واضرب فرامل وتقف السيارة وانا على الd الار بى ام بيوطى بيبقى حوالى 550 لفة فى الدقيقة وبعدين يعلى تانى بعدها بثانية تقريبا يبقى حوالى 650 فى الطبيعى لانى واقف وانا على ال d فهل هذا طبيعى .. يعنى كل ما اقف الار بى ام ينخفض ثم يرتفع لمستواه الطبيعى بعدها بثانية قبل ما أتحرك ثانيا .. يا ريت اللى جرب يفيدنى .
ثانيا : وانا وقف بالسيارة على الوضع n يكون الار بى ام على 750 طبيعى جدا بس لو نورت النور الواطى او العالى او الفوجات الار بى ام ينخفض لمدة ثانية ثم يرتفع لمستواه الطبيعى مرة اخرى فهل هذا طبيعى .
ثالثا : عندى صوت غريب فى الشارك وهو لما اجى افتح الكونتاكت من غير تدوير اسمع صوت تكتكه لمدة ثانيتين تقريبا حاجة عاملة زى صوت تكتكة كهربا فهل هذا طبيعى مع العلم انك لو عايز تسمع الصوت ده تكون رابط حزام الامان قبل فتح الكونتاكت علشان صوت الحزام ميغطيش على صوت التكتكة دى فتسمعه جيدا ولازم تكون بليل وفى مكان هادىء .
رابعا : دواسة الفرامل اول ما جبت السيارة كانت طبيعية جدا ودلوقتى عاملة 10 الاف كيلو بس فى مشكلة وهو لما ادوس فرامل واجى اسيب الدواسة بسمع سكسكة فى الاول كنت فاكرها من الدواسة نفسها ولكنى تأكدت انها تأتى من الامام يعنى من عند العجل من أسفل ومش عارف ايه علاج الموضوع ده .
خامسا : ساعات لما بدوس فرامل وانا واقف بسمع طقة أو طقتين من خلف السيارة فهل هذا طبيعى .
جزاكم الله كل خير وارجو الرد ممن تأكدوا وجربوا هذه الاشياء .
انا شاكر افضالك يا استاذ فيفا 2010 ومش عارف اقولك ايه والله جزاك الله كل خير وربنا يطرح لك البركة فى عربيتك واى عربية تركبها ان شاء الله
بالنسبة لصوت السكسكة ده انا اوا ما جبت العربية ماكنش موجوه خالص ودلوقتى موجود وانا هاشرحلك بالتفصيل ازاى الصوت بيجى ... الصوت بيجى وانا بسيب دواسة الفرامل يعنى طول ما دواسة الفرامل رجعة لوضعها الطبيعة بيحصل الصوت ده يعنى انا دوست فرامل اثناء الدوسة الدواسة بتنزل الى الخلف مافيش مشكلة اما بخف رجله واشيلها من عليها اثناء رجوع الدواسة نفسها بيحصل صوت السكسكة ده ... صوت زى تصفير متقطع سكسكة .
انا كده كده ان شاء الله رايح التوكيل علشان صيانة 10000 كيلو وسوف اخبرهم بالامر ..
كان ليه سؤال تانى ايه رأيكو فى فرع التوكيل اللى هو فى اول طريق مصر اسماعيلية الصحراوى ده فرع معتمد للوكيل دايموند موتورز واللى عرفته انه كان توكيل صيانة للسيارات ميتسوبيشى قبل ما دايموند ياخد التوكيل من الرواس فبالتالى هو اكثر خبرة من الفرع الرئيسى اللى فى طريق مصر اسكندرية الصحرواى .
الصوت ده عادى, ده بيبقى ضمن المراجعات اللى كمبيوتر العربيه بيعملها قبل تدوير المحرك
وبخصوص صوت سكسكه الفرامل, جرب كده برفع الهاند بريك, نزلها, لو عملت صوت صفاره, يبقى الفرامل وره محتاجه شويه رجلاش, عادى متقلقش
انت ماشاء الله مركز فى كل الاصوات, انا في حاجات مكنش باخد بالى منها غير بعد تقريبا سنتين