ربنا يسهل
عرض للطباعة
الحمد لله يا استاذ معتز
طول ما حضرتك بخير, احنا بخير
الحمد لله الرابطة بتزيد,لان العربية فعلا تستاهل :16:
و على رأي خالد,,ان شاء الله عاوزينك تنضم لينا رسمي قريب على خير و تشتري شارك و تكون حالتها رائعة ان شاء الله
و ده ميمنعش ان حضرتك بجد والله منورنا و مشرفنا دايما
و ربنا يوفقك للي فيه الخير
انا الحمد لله اشتريت شارك خليجى هاى لاين 2008 لونها نبيتى والعربيه ماشاء اللع عليها ركوبه وانا سعيد جدا بالانضمام ليكو
اسف لو اتاخرت عليكوا في الرد بس غصب عني ورايا امتحانات الايام دي اصل انا في كلية طب بشري بعيد عنكوا وامتحاناتي 3 شهور ما شاء الله ودخولي عالمنتدي بيبقي قليل جدا
مكان الحساس بالظبط مش هعرفه لكن هو فك خرطوم كده واصل للموتور وفك مسمار وطلع حاجة عاملة زي الفيشة هي دي الحساس تقريبا وبيبقي صغير ونضفها بالهواء وبحتة منديل رفيعة كدا وطلع منها وساخة كتيرة جدا وبعدين صب عليها تقريبا يا جاز يا زيت مش فاكر صراحة عشان مفتيش وركبه وطلع وجرب العربية معايا وكان الفرق في السحب الملحووووظ اوي وصوت الموتور بقه اهدي جدا زي ما يكون العربية لسه عاملة صيانة شاملة وده كله مخدش معاه غير 10 دقايق
حد سمع حاجه عن الكاسيت التاتش اللى فيه gprs وهو مخصوص للسيارة الشارك وبيتحط بالظبط مكان الكاسيت الاصلى وانا سألت عليه وهو ب 3000 جنيه بالتركيب وهو بصراحه خرافه
أهلا بيك مرة أخرى ياأخ /مانشى
الرابطة هنا كلها شباب قمة فى التعاون والذوق
ياريت ياأستاذ / مانشى تكون مشاركتك بأن تبدأ بالتحية - ثم تشكر الذين رحبوا بيك كعضو بينهم ثم قول أو إسأل عن أى شىء بعد ذلك - وده بصراحة اللى أنا إتعلمته هنا من إخوتى فى الرابطة - ربنا يبارك فيهم
تحياتى
ازيك يا استاذ باسم يا رب تكون بخير
انا متشكر جدا لذوقك فالرد
انا كنت بسأل عن نظام asc لأنى كنت فاكر انو موجود فالعربيات الهاى لاين لكن واضح من كلامك انها مفيهاش
طبعا انا عربيتى مش هاى لاين فممكن اسأل السؤال بشكل تانى هل العربيات الهاى لاين ثباتها احسن من اللى مش كاملة ؟
الحمد لله بخير,,متشكر جدااا لذوقك و سؤالك
انت عامل ايه؟؟
يا رب تكون في احسن حال دايما
بالنسبة لنظام asc ,هو للاسف بش موجود في الهاي لاين جتى الكويتي منها
حضرتك تسال براحتك :16:
بالنسبة لسؤال حضرتك التاني
الحقيقة انا مجربتش عربية شارك تانية غير بتاعتي و بتاعتي هاي لاين
لكن اقدر اقولك,تقريبا كلهم نفس العفشة و نفس مقاس الكاوتش العريض و الكبير,,فيه ناس بتقول الهاي لاين عفشتها رياضية,لكن الفئات التانية لا,,الله اعلم
بس فيه عوامل برده في الهاي لاين بتدي ثبات زي الاسبويلر
و الكساحات سواء جانبية او امامية
بس انا من رأئي ان العربية ما شاء الله ثابتة باختلاف فئتها
كفاية وزن العربية كويس جدااا و كمان الكاوتش العريض و الكبير و فعلا عفشة محترمة جدااااا(مالتي لينك) و دي معروف عنها الثبات و الراحة و دي اللي موجودة في المازدا
و الاسكودا و الالماني و العربيات المتكلفة صح
لان العفشة دي اصلا تكلفتها عالية
و الحمد لله العربية دي محدش ركبها الا و شكر في ثباتها الحمد لله
اهلا بيك
يا رب تكون بخير
الحقيقة انا اول مرة اسمع عنه
بس انا من كام يوم كده شوفت لانسر شارك بجنوط 19
زي اللي موجودة في الموقع بتاع مستوبيشي بالضبط
نفس الجنط و شكله جامد اوي عليها
و شوفت برده حاجة كده,تقريبا كاسيت تاتش,ممكن يكون هو ده اللي بتتكلم عليه؟!
انت شوفتوا فين ؟؟عند اني محل؟؟؟
هو في كذا نوع للشارك وفي شركات كتير عاملة جي بي اس للشارك لاكن احسن نوع الروكفورد فوسيجات الاصلى وده بيتحط على الفيشة الاصلية بتاعت السي دي بتاع العربية على طول ومبتغيرش في اي حاجة وبييجي بالكاميرا الخلفية و حساساته و فيه بلوتوث ودي في دي وطبعا جي بي اس وبيحسن في الصوت بطريقة فظيعة والروكفورد ده بيبقى نفس ماركة السي دي الكويتي وبينزل في الشارك الامريكي و الكويتي 2000 سي سي وانا قالب الدنيا عليه هنا ومش لاقيه ولو كده هجيبه من برا مصر انشاء الله
ازيكم يارجالة وحشتونى والله بالنسه للكاسيت يا باسم هو وفتحات التكييف حاجه واحده بيتفكو قطعه واحده
YouTube - ‪2008 Lancer How To: Dash + Radio Removal‬‏
فيديو فك كاسيت الشارك
بفكر جديا فالعربية دي , عاملالي جنان اليومين دول :)))
هو في عربيات زيرو موجودة لحد دلوقتي ولاايه و و فين التقارير عن العربية ياجدعان ؟
السلام عليكم
هي العربية حلوة فعلا و محترمة
الزيرو منها حينزل شهر 9 على كلام سمارت كار
بالنسبة للتقرير,,انا ماشي بيها قليل,فالتقرير بتاعي بش حيفيدك زي اللي ماشي بيها كتييير
عموما ان شاء الله حد من اعضاء يكون ماشي بيها كتير يعمل تقرير و ان شاء الله قريب اوي حعمل تقرير عنها
http://www.nilemotors.net/Nile/35486-ex-2008-a.html
دي تقريبا كل الموضوعات عن اللانسر شارك في المنتدى
السلام عليكم
كنت عايز اسال حضراتكم عن طارة الدركسيون الجلد فى الشارك سبورت هل بتتحمل لو تركتها من غير كسوة او كفر جلد لانى بفكر اشيل الكفر بس خايف انها تتبهدل او الجلد بتاعها يقشر ... يا ترى حضراتكم مركبين الكفر ده ولا لا؟
شكرا مقدما
و عليكم السلام و رحمة الله و بركاته
هو الصراحة فيه عضو هنا اسمه احمد و الجلد بتاع الطارة اتقشر معاه
بس من رأئي لو انت حتركنها في الشمس,يبقى حط على الطارة الكفر او اي حماية للطارة من الشمس
انا بش مركب الكفر ده,,لاني بحس انو مكبر الدريكسيون,,بس ان شاء الله حجيب للطارة حاجة زي الكفر كده,حماية للطارة من الشمس و احطه على الطارة ساعة ما اركن العربية
الطارة عندي بقالها 3 سنين يا فندم والعربية عاملة 40 الف والجلد زي الفل وسليم بصراحة !! بس لو انتا خايف عليه ها اقول لحضرتك روح على جينز كار في مدينة نصر !! وخليه يفصلك طارة جلد على الطارة دي بالشكل اللي انتا عايزه ها تبقى وهمية خصوصا انه الطارة رفيعة الى حد ما وها تبقى مش سميكة جدا واهي افضل بكتير جدا من الأشكال المعفنة اللي بنشوفها في الإشارات !!
والله واحد سروجى اعرفه كنت بنظف العربيه عنده من جوه وقولتله عليها قاللى هاحاول معاها رجعت لاقيتها مفيش فيها اى حاجه
ايه الشاركاويه فين ان لسه راجع من الساحل امباريح ومشيت بالعربيه 200 مشاء الله من غير معاناه او خوف من عدم الثبات بس فى حاجه مضيقانى بسمع صوت هوا وانا قافل الازاز من الباب اللى جمبى ده من ايه
ميزة الشارك ان الباور كهربا عالسرعات البطيئة وبيتقل جدا لما السرعة تزيد وده يميزها جدا وثبات العربية ده كان محتاج صراحة موتور 1600 مايفيك اللي بيدي 132 حصان بس برده ال 1500 كويس جدا واستهلاكه فالبنزين معجزه بيفكرني بال 1300 والعفشة الي بتجمع ما بين النعومة والقوة واكتر حاجة تحببك فالعربية المناورات والغرز والملفات ثبات ما بعده ثبات بصراحة والعربية دي انا بعتبرها كنز للي راكبها ميفرطش فيها ابدا شكل وامكانيات واوبشن وراحة ورياضية وركوبة غير اي ركوبة في فئتها متعة وراحة نفسية وحاجة اخر حلاوة:ma:
شكرا على ردك يا استاذ باسم
انا اسف جدا على التاخير فالرد انا كنت مشغول الاسبوع اللى فات دا ومكنتش بدخل عالمنتدى
ان شاء الله الرد يكون سريع بعد كده
بالنسبه للعربية ممكن فعلا يكون الاسبويلر والحاجات التانيه دى تكون بتفرق بس مش ممكن الحاجات دى تتركب ولا لأ ؟ انا نفسى اركبلها اسبويلر بيخلى شكل العربيه كمان جامد ولا انتو ايه رأيكوا
يا جماعة انا مشترك جديد بس انا بدور على الشارك السبورت ومش لاقى غير الهاف سبورت بس اصل العربية دى عجبانى جدا.ياريت لو حد يعرف ممكن الاقيها فين يا احلى جروب.هاتعبكم معاية و جزاكم الله كل خير
موجودين يا احمد
عامل ايه؟؟
يا رب تكون بخير
اعتقد ان الصوت اللي سمعته صوت الهوا مع المراية الجانبية
و طبعا ده حسب مسار الهوا و اتجاهه
بس خلي بالك ده اعتقاد بش اكيد يعني
و يبقى خف السرعة عن كده بكتير على طريق الساحل ده بالذات
و ده بش قصدي بيه ان العربية بش حتكون ثابتة
اطلاقا انا مقصدش كده
بس عشان الطريق ده وحش و كله قرى و ملفات
و ربنا يكيفك شرها