دعوة للنقاش .. الاضافات التى طرات على نيسان صنى فى كل الموديلات

**أحمد علاء** · 30-04-2011 10:36 AM

السوبر صالون فعلا فيها ABS من فترة كبيرة لكن أعتقد المقصود ان ex من قبل أخر 2009 مفيهوش ABS بشكل إختياري او غيره..
---------

موضوع العفشة وفروقها كالأتي:
الإنتاج الذي قبل الربع الأخير من عام 2008 كانت المساعدين في السوبر صالون مختلفة عن المساعدين في ال ex وده ما يسمى بالعفشة الرياضية وهو أن المساعدين في ال ex قبل التاريخ ده كانت single action يعني زيت فقط لكن بعد هذا التاريخ أصبحت مساعدين ex مثل مساعدين السوبر صالون double action يعني زيت وغاز. بالإضافة ان عفشة السوبر صالون مازالت تتميز عن ال ex بوجود ال anti roll bar الميزان.

**mohamedbook** · 30-04-2011 11:03 AM

المشاركة الأصلية كتبت بواسطة ahmed.tv

الله عليك يا محمد بجد
تسلم ايدك على الفروق الهامة دى بخصوص العفشة والكراسى والكاسيت
بصراحة مفروض نيسان تكافئك عشان انت جبت مودلين صنى وتخليك تبدل الموديل اللى معاك بالهاى لاين هدية

تستاهل كل خير يا محمد

وجزاك الله خيرا

الله يخليك ياحمد تسلم
وصيهم عليا وهما يبدلولي السيارة الي معايا بالهاي لين وانا علي استعداد ادفع الفرق بس ميكنش فرق كبير

**kabara** · 30-04-2011 01:24 PM

علي فكرة الصني موديل 2010 ex فيها حساس الأكسوجين أنا عربيتي 2010 فيها الحساس ده بس مش كل 2010 هو من رقم شاسيه معين أعتقد 32600 تقريبا

**د.أحمد السعيد** · 30-04-2011 02:03 PM

موضوع جميل و مفيد و متابع معاكم
معلومة على الماشى :
علامة النيسان الامامية فى 2010 فما فوق حجمها مختلف تماماعن أى علامات سابقة للنيسان الصنى

الفوانيس الامامية اواخر 2009 و كل 2010 فمافوق اصبحت بلمبه واحدة h4 عالى فى واطى اما الموديلات السابقة فكانت لمبه للعالى و اخرى للواطى

**MOK3336** · 30-04-2011 04:39 PM

أنا عربيتي 2010 و الفرق ايلي بنها و بين ال2011 حجتين
حساس الاكسجين و أن دي 2010 و الثانية 2011 عهعههه

**omar-saad** · 01-05-2011 01:39 AM

انا عندى شوية معلومات عن موديلات النيسان صنى المختلفة
سنة 2000 كانت العربية بتنزل 1300 مانوال واتوماتيك جميع الكماليات +كاسيت قطعتين
وكانت العربية اللون الابيض فيها كان ممكن الاختيار فيه ان الاكصدامات والجرايد تبقى بلون فضى
وموديل 2000 نفس شكل ال99 بالظبط
ابتداء من 2001 تغير الشكل الخارجى والداخلى دون اى تعديلات داخلية سواء على المحرك او الجير بوكس
والكماليات مازادتش اوى غير انهم زودوا سماعات خلفية
وفضل الشكل دة 2002 و2003
ونزل الشكل اللى بعده وهو فيس لفت ونزل فيه الموتور ال1600
واتعمل فى 2005 تغيير للشبكة وزيادة فوجات وكاسيت سى دى
وفضل الشكل موجود لحد2009
لكن من اول 2007 نزل التجميع المصرى
الفروق بينه وبين اليابانى
الجانط ال15 بالطاسة الغامقة
الكاسيت الكلاريون بدون سى دى وبدون لمبة القراءة اللى فى السقف
دا بالنسبة للموديل الex
واكيد الاعضاء وفوا بالموديلات اللى بعد كدة

**CryptonX** · 01-05-2011 01:48 AM

انا كنت بسوق صني 2004 ياباني 1300 سي سي اوتوماتيك
بصراحة مش فاكر تفاصيل عن الكماليات بس الي متاكد منه انه تقفيلها كان احسن بكتير جدا من المصري الحالية .

العربية كان سحبها كويس مش وحش بس تجميعها متاخر جدا ( ال kickdown بيجمع متاخر اوي ) يعني لما اكون عايز اطلع من حد او من موقف معين لو عملت كيك داون ... العربية مبتعملش اي حاجة تذكر لمدة ثانيتين كدة و بعدين مرة واحد تجمع زي المجنونة و تنط لقدام ! اكون انا اصلا مش محتاج النطة خلاص .

الفرامل كانت ممتازة ! بصراحة بتلزق في الارض بس معرفش كان فيها abs >

العفشة كانت مريحة جدا مجرتش اجري علشان احكم على الثبات بس العربية كانت مريحة فعلا و ده الي خلاني بصراحة شخصية اضايق من التقفيل المصري ! لما ركبتها مع انها كانت 1600 كمان ... الكراسي مش مريحة زي 2004 خالص و التقفيل في حاجات غريبة جدا ( مثلا دراع النور او التاني بتاع المساحات مكان ماهو داخل في الدركسيون في 2004 مش شايف حاجة جوة .. في 2010 الي ركبتها انا ممكن ادخل صباعي حوة يعني ! ) تزييق من التابلوه ومن كذا حاجة راكبة جوة العربية مسمعتوش نهائي في الياباني

العزل كان افضل نسبيا و دي الحاجات الي فاكرها او الي حسيت بيها اوي كفروقات .

الكاسيت كان الاصلي بتاع العربية ( جزء من الكونصول و كان سي دي اوديو فقط ) و العربية كانت بطاسات مش جنوط .

**Ahmed.TV** · 01-05-2011 03:00 AM

الموضوع طلع كبير وفى معلومات مفيدة وكانت غيبة عننا بصراحة

يسلم ايدكم

طب انا عاوز اعرف الموديلات اللى من 2000 الى 2006 مكنش بينزل فيها جنوط ؟

وبعدين الموديلات 2000 الى 2001 كربراتير مش انجكشن ؟
واللى من 2001 الى 2003 انجكشمن فيما فوق ؟
الموديلات من 2000 الى 2003 1300 سى سى ؟
الكاسيت الكلاريون الى موديلات 2008 ؟
الموديلات من 2004 الى 2006 1600 سى سى يابانى متقفلة فى اليابان ؟

-

الموضوع: دعوة للنقاش .. الاضافات التى طرات على نيسان صنى فى كل الموديلات

LinkBack

أدوات الموضوع

عرض

-

-

-

-

-

المواضيع المتشابهه

علي بيه مظهر - دعوة للنقاش

دعوة للنقاش....لازم حل في المرور

دعوة للنقاش : سكودا مصر

نشيد مصر الوطنى -دعوة للنقاش-

الكلمات الدلالية لهذا الموضوع

المفضلات

المفضلات

ضوابط المشاركة