دعوة للنقاش .. الاضافات التى طرات على نيسان صنى فى كل الموديلات

الى مالكى الصنى بكل الموديلات
اريد معرفة بعض المعلومات الهامة

عن كل الاضافات والتعديلات
التى طرات على سيارة نيسان صنى فى كل الموديلات
بالاخص من 2001 الى 2011

على سبيل المثال واللى عرفته الى الان ...

- الكاسيت فى الموديل 2010 مفهوش سى دى تشانجر , وفيه وصلة aux
- الفوجات فى موديل 2010 مختلفة وعريضة , والموديلات القديمة كلها مدورة
- الموديلات اللى فيها abs موديلات 2010 والموديلات القديمة مفهاش
- موديلات 2011 فيها سنسور اوكسجين , مش موجود فى الموديلات السابقة
- مقاس ضغط الهواء وليس مقاش الكاوتش , اتغير واصبح يتظيط على 36/33 بدلا من 32/29
- الاشكال :
( شكل ال2000 الى 2005 اتغير عن اللى قبله واللى بعده من فوانيس امامية وخلفية - من 2006 الى 2009 الشكل اتغير عن اللى قبله واللى بعده من فوانيس امامية وخلفية - من 2010 الى الان شكل الفوانيس اتغير عن الموديلات اللى قبلها ومازالت الى الان بنفس الشكل اللى صنع من 2010 )

بعض الاسئلة الهامة واللى محتاج الى اجابات عنها...

* العفشة اللى اتغيرت اتغيرت من موديلات كام ؟ وايه كان المشكلة والاختلاف ؟
* الموديلات اللى قبل كدا اللى فيها كاسيت تشانجر موديلات كام ؟ وهل الكاسيت كلها كينود ولالا ؟
* هل الموديلات القديمة اللى فى 2001 الى 2005 كان فيها abs ولالا؟
* الموديلات اليابانى المتقفلة فى اليابان لغاية سنة كام بالظبظ
* الموديلات اللى 1300 سى سى كانت من موديل كام لغاية موديل كام ؟
* الموديلات اللى فيها انجكشن بداءت من موديل كام ؟

* ملحوظة *

: ياريت كل عضو عنده سيارة صنى فى الموديلات 2001 +2004 + 2006 + 2008 + 2009 +2010 يدخل ويفيدنا وياريت تكون موديلات مختلفة من اى اكس وسوبر صالون

: ممكن اكون كاتب سؤال او ملعومة غلط , فبرجاء التصحيح اذا كان فى خطا

: كل المعلومات ده حتفيدنا جدا , عشان نقدر نعرف كل مراحل التغير اللى مرت ووردت على الصنى

: وفى النهاية بعد حصر كل التغيرات وجمعها سوف يتم اعداد تقرير قوى بهذه المعلومات ومضاف اليه صور لكل الموديلات لكل محبى ومقتنى نيسان صنى

فى النهاية

وبرجاء المشاركة وعدم الاكتفاء بالمشاهدة فقط لتعم الفائدة

تحياتى للجميع

يسعدنى اكون اول واحد يرد
نتدى من موديل 91 الى 93
http://www14.0zz0.com/2011/04/29/21/929383678.jpg
http://www14.0zz0.com/2011/04/29/21/861365344.jpgالعربية كانت 1300 سى سى باور وتكيف وسنتر وزجاج كهرباء طبعا ما كانشى فيها ولا abs air bag وكانت قليلة شوية لان الناس ما كانتشى تعرف النيسان اوى الباقى تحت

انا كان معايا ال 2008 ومعايا 2010 وكلهم ex صالون
هشرح الفرق بين الاثنين

العفشة في ال 2010 اتغيرة بقت عفشة رياضية
طبعا الموديل ده فية abs اما 2008 مكنش نازل فيها
الشركة الي كانت بتعمل الكراسي في الصني اتغيرة عن الموديلات الي فاتت خاصة ال 2008
الفونيس امامي وخلفي بقت شفافة والفانوس الامامي اتغير كليتا والشبكة كمان اتغيرة بقة في الكبوت مش في الاكصدام
كمان الكاسيت بقي cd بدل كاسيت سرايط
معتقدش فيه حاجة تاني اتغيرة

وجودك شرف ليه يا طارق باشا
وشرف ليه بردوا الاضافة الجميلة الغنية بالصور
جزاك الله خيرا

هو جميل اننا نعرف كل موديل من زمان في ايه

بس احنا عاوزين نبتدى من موديلات 2000 , لان اغلب اللى ممكن يفكر يشترى , ممكن حيشترى من موديل 2000 وانت طالع

ومحتاجين التفاصيل الهامة زى اضافات الabs والا الانجشكن والايرباجز وكل ده

كمان موضوع حساس الاكسوجين مش موجود في 2010 وموجود في 2011

اقتباس:

---

المشاركة الأصلية كتبت بواسطة mohamedbook

انا كان معايا ال 2008 ومعايا 2010 وكلهم ex صالون
هشرح الفرق بين الاثنين

العفشة في ال 2010 اتغيرة بقت عفشة رياضية
طبعا الموديل ده فية abs اما 2008 مكنش نازل فيها
الشركة الي كانت بتعمل الكراسي في الصني اتغيرة عن الموديلات الي فاتت خاصة ال 2008
الفونيس امامي وخلفي بقت شفافة والفانوس الامامي اتغير كليتا والشبكة كمان اتغيرة بقة في الكبوت مش في الاكصدام
كمان الكاسيت بقي cd بدل كاسيت سرايط
معتقدش فيه حاجة تاني اتغيرة

---

الله عليك يا محمد بجد
تسلم ايدك على الفروق الهامة دى بخصوص العفشة والكراسى والكاسيت
بصراحة مفروض نيسان تكافئك عشان انت جبت مودلين صنى وتخليك تبدل الموديل اللى معاك بالهاى لاين هدية


تستاهل كل خير يا محمد

وجزاك الله خيرا

معلش يا أحمد تعديل
أنا عربيتى 2007 وفيها abs

تحياتى

موضوع جميل
بس 2007 انا اعرف ان فيها airbag مش abs لان عمي كان جايبها زيرو
ومتابع

موضوع رائع يا احمد
بس في نقطة باخدها علي نيسان و هي بحس ان نيسان ماشية زي السلحفاه في تعديلاتها يعني رغم انها عربية الافضل في فئاتها السعرية لكن برده مافيهاش الاوبشنز الجامدة اللي بحتاجها في عربية مرفهة و لو شوفنا الفرق بين الاي اكس و السوبر صالون بحس ان الـ 10000 جنيه كتيرة لحاجات مش تعتبر مؤثرة في العربية و مهما قلنا في تعديل في العفشة بين الفئتين فكلنا اكيد متفقين ان العربية ثابتة في المودلين .
يعني مثلا لما انا جيت اركب تعديلات او اكسسورارات في العربية هتلاقي اني مدخلتش اي حاجه من حاجات السوبر صالون في عربيتي زي الاسبويلر و المرايات الطيارة قمت بتزويد اوبشن الغلق و الفتح مع الكونتاكت و الفرش بتاع العربية ليه نيسان تخليني ابطن الفرش من الفابريكة عشان احس بالراحة.
حاسس ان لسة نيسان عايزة تعديلات كتيرة و شوية ملح كده عشان العربية يكون ليها طعم احلي
انا برده نفسي اعرف الآراء و متابع ..

اقتباس:

---

المشاركة الأصلية كتبت بواسطة amr_love523

موضوع جميل
بس 2007 انا اعرف ان فيها airbag مش abs لان عمي كان جايبها زيرو
ومتابع

---

الموديل الى معايا فيها الأتنين
air bag & abs

السوبر صالون فعلا فيها ABS من فترة كبيرة لكن أعتقد المقصود ان ex من قبل أخر 2009 مفيهوش ABS بشكل إختياري او غيره..
---------

موضوع العفشة وفروقها كالأتي:
الإنتاج الذي قبل الربع الأخير من عام 2008 كانت المساعدين في السوبر صالون مختلفة عن المساعدين في ال ex وده ما يسمى بالعفشة الرياضية وهو أن المساعدين في ال ex قبل التاريخ ده كانت single action يعني زيت فقط لكن بعد هذا التاريخ أصبحت مساعدين ex مثل مساعدين السوبر صالون double action يعني زيت وغاز. بالإضافة ان عفشة السوبر صالون مازالت تتميز عن ال ex بوجود ال anti roll bar الميزان.

اقتباس:

---

المشاركة الأصلية كتبت بواسطة Dewo

الموديل الى معايا فيها الأتنين
air bag & abs

---

سيارتك نوعها ايه سوبر صالون ولا ex صالون
لو هي ex يبقي مفيهاش abs

اقتباس:

---

المشاركة الأصلية كتبت بواسطة ahmed.tv

الله عليك يا محمد بجد
تسلم ايدك على الفروق الهامة دى بخصوص العفشة والكراسى والكاسيت
بصراحة مفروض نيسان تكافئك عشان انت جبت مودلين صنى وتخليك تبدل الموديل اللى معاك بالهاى لاين هدية


تستاهل كل خير يا محمد

وجزاك الله خيرا

---

الله يخليك ياحمد تسلم
وصيهم عليا وهما يبدلولي السيارة الي معايا بالهاي لين وانا علي استعداد ادفع الفرق بس ميكنش فرق كبير

علي فكرة الصني موديل 2010 ex فيها حساس الأكسوجين أنا عربيتي 2010 فيها الحساس ده بس مش كل 2010 هو من رقم شاسيه معين أعتقد 32600 تقريبا

موضوع جميل و مفيد و متابع معاكم
معلومة على الماشى :
علامة النيسان الامامية فى 2010 فما فوق حجمها مختلف تماماعن أى علامات سابقة للنيسان الصنى

الفوانيس الامامية اواخر 2009 و كل 2010 فمافوق اصبحت بلمبه واحدة h4 عالى فى واطى اما الموديلات السابقة فكانت لمبه للعالى و اخرى للواطى

أنا عربيتي 2010 و الفرق ايلي بنها و بين ال2011 حجتين
حساس الاكسجين و أن دي 2010 و الثانية 2011 عهعههه

انا عندى شوية معلومات عن موديلات النيسان صنى المختلفة
سنة 2000 كانت العربية بتنزل 1300 مانوال واتوماتيك جميع الكماليات +كاسيت قطعتين
وكانت العربية اللون الابيض فيها كان ممكن الاختيار فيه ان الاكصدامات والجرايد تبقى بلون فضى
وموديل 2000 نفس شكل ال99 بالظبط
ابتداء من 2001 تغير الشكل الخارجى والداخلى دون اى تعديلات داخلية سواء على المحرك او الجير بوكس
والكماليات مازادتش اوى غير انهم زودوا سماعات خلفية
وفضل الشكل دة 2002 و2003
ونزل الشكل اللى بعده وهو فيس لفت ونزل فيه الموتور ال1600
واتعمل فى 2005 تغيير للشبكة وزيادة فوجات وكاسيت سى دى
وفضل الشكل موجود لحد2009
لكن من اول 2007 نزل التجميع المصرى
الفروق بينه وبين اليابانى
الجانط ال15 بالطاسة الغامقة
الكاسيت الكلاريون بدون سى دى وبدون لمبة القراءة اللى فى السقف
دا بالنسبة للموديل الex
واكيد الاعضاء وفوا بالموديلات اللى بعد كدة

انا كنت بسوق صني 2004 ياباني 1300 سي سي اوتوماتيك
بصراحة مش فاكر تفاصيل عن الكماليات بس الي متاكد منه انه تقفيلها كان احسن بكتير جدا من المصري الحالية .

العربية كان سحبها كويس مش وحش بس تجميعها متاخر جدا ( ال kickdown بيجمع متاخر اوي ) يعني لما اكون عايز اطلع من حد او من موقف معين لو عملت كيك داون ... العربية مبتعملش اي حاجة تذكر لمدة ثانيتين كدة و بعدين مرة واحد تجمع زي المجنونة و تنط لقدام ! اكون انا اصلا مش محتاج النطة خلاص .

الفرامل كانت ممتازة ! بصراحة بتلزق في الارض بس معرفش كان فيها abs >

العفشة كانت مريحة جدا مجرتش اجري علشان احكم على الثبات بس العربية كانت مريحة فعلا و ده الي خلاني بصراحة شخصية اضايق من التقفيل المصري ! لما ركبتها مع انها كانت 1600 كمان ... الكراسي مش مريحة زي 2004 خالص و التقفيل في حاجات غريبة جدا ( مثلا دراع النور او التاني بتاع المساحات مكان ماهو داخل في الدركسيون في 2004 مش شايف حاجة جوة .. في 2010 الي ركبتها انا ممكن ادخل صباعي حوة يعني ! ) تزييق من التابلوه ومن كذا حاجة راكبة جوة العربية مسمعتوش نهائي في الياباني

العزل كان افضل نسبيا و دي الحاجات الي فاكرها او الي حسيت بيها اوي كفروقات .

الكاسيت كان الاصلي بتاع العربية ( جزء من الكونصول و كان سي دي اوديو فقط ) و العربية كانت بطاسات مش جنوط .

فعلا التقفيل المصرى ظلم العربية دى جدا
لانها فعلا عربية تستحق الاحترام
الكراسى فعلا ناشفة جدا زى مايوكن مافيهاش بطانة اصلا
والعفشة نشفت شوية بسبب الجانط ال15 اللى بقى موجود فى التقفيل المصرى
لان العربية كان من عيوبها انها بتحك وخصوصا منطقة الشكمان
فخلو جنط العربية اكبر علشان مصر المحروسة

الموضوع طلع كبير وفى معلومات مفيدة وكانت غيبة عننا بصراحة

يسلم ايدكم

طب انا عاوز اعرف الموديلات اللى من 2000 الى 2006 مكنش بينزل فيها جنوط ؟

وبعدين الموديلات 2000 الى 2001 كربراتير مش انجكشن ؟
واللى من 2001 الى 2003 انجكشمن فيما فوق ؟
الموديلات من 2000 الى 2003 1300 سى سى ؟
الكاسيت الكلاريون الى موديلات 2008 ؟
الموديلات من 2004 الى 2006 1600 سى سى يابانى متقفلة فى اليابان ؟

السلام عليكم
الموضوع صعب جدا
الواحد بالعافية عارف عربيته
المهم أنا هقول حاجة صغيرة كدة
في موديل 2010 ex كان الكاسيت مافيهوش ساعة ( أو أنا اللي مش عارف ألاقيها )
في موديل ex 2011 الكاسيت فيه ساعة
سلام يا شباب مصر

بالعكس الموضوع مش صعب , الموضوع مفيد جدا , وانا شخصيا استفدت وعرفت حاجات منه كتير جدا مكنتش اعرفها

ومش مطلوب من اى حد يجاوب على حاجة ميعرفهاش , يعنى مالك الصنى 2007 يقول , مالك الصنى 2010 يقول , مالك الصنى 2001 يقول , وهكذا

اهم حاجة نحط ونجتاوب على باقى المعلومات , وياريت اللى بيشاركوا لو اجابات للاسئلة اللى سالتها يجابونى عليها

عشان نجمع فى النهاية باقى كل الاجابات , ونطرحها فى موضوع منظم بالصور عن كل الاختلافات , ويفيد الكل

تحياتى

اقتباس:

---

المشاركة الأصلية كتبت بواسطة ahmed.tv

الموضوع طلع كبير وفى معلومات مفيدة وكانت غيبة عننا بصراحة

يسلم ايدكم

طب انا عاوز اعرف الموديلات اللى من 2000 الى 2006 مكنش بينزل فيها جنوط ؟

وبعدين الموديلات 2000 الى 2001 كربراتير مش انجكشن ؟
واللى من 2001 الى 2003 انجكشمن فيما فوق ؟
الموديلات من 2000 الى 2003 1300 سى سى ؟
الكاسيت الكلاريون الى موديلات 2008 ؟
الموديلات من 2004 الى 2006 1600 سى سى يابانى متقفلة فى اليابان ؟

---

من 2000 ل2006 كله طاسات
ومن 2000ل2003 ماكنش فيه سوبر صالون
الشكل الجديد بس هو اللى كان فيه سوبر صالون
بالنسبة للكربراتير كان موجود لحد 2000
من 2001 انا مش متاكد بصراحة اذا كان كابراتير ولا انجكشن
بس انا اعتقد انه كان كاربيراتير برضه
الكاسيت الكلاريون كان موجود لحد 2009 مع نهاية الشكل القديم
ومن الشكل الجديد نزل الكنوود علشان السى دى
التقفيل فى اليابان فضل لحد 2006 ومن بعد كدة من بداية 2007
بدا التقفيل المصرى

معلومات قيمة جدا

شكرا لصاحب الموضوع فعلا

التقفيل المصرى دائما مشكلة المشاكل

خامات و مصنعية ---- مش عارف ايه السبب فى كده -- مع ان العربية غالية مش رخيصة بس تلاقى خامت الكوتش رخيصة جدا من بتوع شارع الجمهورية

مش حاجة فخمة --- وممكن تكون مصرى كمان -- بس الاسترخاص و الفهلوه يا مصرين

شكرا تانى لصاحب الموضوع

- مقاس ضغط الهواء وليس مقاش الكاوتش , اتغير واصبح يتظيط على 36/33 بدلا من 32/29

وهنا لنا وقفه ليه المقاس العالي اوي ده
ده كده يخلي العربيه تدبدب

أنا معايا عربية صني موديل 2011 لو عايزين انا ممكن اقول ليكم على كل الامكانيات اللي فيها بالتفاصيل . حتى من الكتالوج لو عايزين .

بس اللي أنا لاحظته ومحدش أتكلم عليه أن الصني 2011 كان فيها أوبشين ABS و EBD أختياري لل Ex Saloon لو أنتا عايز تركبهم في العربية بتدفع زيادة فوق سعر السيارة لكل أوبشين من دول . ( للعلم EBD هي Electronic Brake-force Distribution نظام توزيع الفرامل اليكترونيا وهو مهمته ببساطة ميخليش العجل يزحف قدر المستطاع )

فعلاً تم زيادة ضغط الهواء في العجل بتاع صني 2011 إلى 36 للعجل الامامي و 33 للعجل الخلفي ويوجد تحذير بيكون معلق في مراية الصالون أول لما تستلم عربية زيرو . التحذير ده بينبهك لضرورة الالتزام بضغط الهواء ده 36 أمامي و 33 خلفي بالنسبة للعجل . وللعلم يوجد ملصق لما تفتح باب السائق هتشوفه فيه الارقام اللي المفروض تظبط ضغط الكاوتشات عليها .

ودلوقتي عندي سؤالين : يعني أيه سنسور أكسجين وأيه فايدته ؟ هل هو موجود في صني أي أكس صالون 2011 أتوماتيك ؟؟ هل الصني 2011 أي أكس صالون العفشة رياضية ولا دي للسوبر صالون فقط؟

السلام عليكم
كان عندي صني اتوماتيك 2007 والان عندي صني اتوماتيك 2011 abs
الفروق كالاتي: 2007 كانت كاسيت 2011 CD
2007 لم يكن بها فوج لايت 2011 بها فوج لايت
2007 لم يكن بها abs
2011 بها abs
2007 لم يكن بها سنسور اكسجين 2011 بها سنسور اكسجين
وطبعا زي الاخوة ما ذكروا ان ضغط الاطارات اتغير في المودلين كما سبق ذكره
الاثنين تقفيل مصري

يعنى كدا كل موديلات 2007 مفهاش abs ولا موديلات وموديلات

انا حاسس ان عربية العضو دايو اللى معاه 2006 اليابانى ومترخصها 2007 ولا ايه الحكاية يا جماعة

اقتباس:

---

المشاركة الأصلية كتبت بواسطة Mohamed_Hosny

ودلوقتي عندي سؤالين : يعني أيه سنسور أكسجين وأيه فايدته ؟ هل هو موجود في صني أي أكس صالون 2011 أتوماتيك ؟؟ هل الصني 2011 أي أكس صالون العفشة رياضية ولا دي للسوبر صالون فقط؟

---

محدش هيرد على الاسئلة بتاعتي ولا أيه ؟؟؟؟ :Ka_che1[1]:


أعتقد أن في موديلات 2007 نظام ABS هو أختياري على حسب رغبة الواحد زي ما موجود في 2011 وبالتالي هتلاقي عربيات فيها abs وعربيات لأ

اقتباس:

---

المشاركة الأصلية كتبت بواسطة Mohamed_Hosny

محدش هيرد على الاسئلة بتاعتي ولا أيه ؟؟؟؟ :Ka_che1[1]:


أعتقد أن في موديلات 2007 نظام ABS هو أختياري على حسب رغبة الواحد زي ما موجود في 2011 وبالتالي هتلاقي عربيات فيها abs وعربيات لأ

---

فائدة السينسور انه بيقلل استهلاك البنزين
الصني ال ex الي بتتقفل في مصر الي 2008 لم يكن فيها فرامل abe مطلقا

سنسور الاوكسجين موجود فى كل الموديلات ال2011

وبخصوص وظيفة السنسور انا كنت عامل موضوع عليه

ممكن حضرتك تقرئه وتابعه وحيفيدك جدا

لينك الموضوع

http://www.nilemotors.net/Nile/181983-2011.html

شكراً كتيييييييييير ليك يا أحمد ولكل الاعضاء اللي ردوا للأفادة . أنا هقرأ الموضوع اللي أنتا عامله دلوقتي

* يعنى الموديلات القديمة من 2000 الى 2009 مكنش فيها abs الا فى موديلات 2007 على كلامكم وكان فى 2007 اختيارى كمان

طيب كان اختيارى على كل فئات السيارة فى 2007 بمعنى يعنى ممكن اطلبه فى المانيول والاى اكس والسوبر صالون

* من 2000 الى 2006 مفيش فوجات فى الموديلات دى ولا ايه

انا ححاول اجيب برشورات العربيات القديمة اذا كانت لسه موجودة , لو معرفتش
يبقا نجمع الداتا كلها من الموضوع ده

اقتباس:

---

المشاركة الأصلية كتبت بواسطة momo_sunny

من 2000 ل2006 كله طاسات
ومن 2000ل2003 ماكنش فيه سوبر صالون
الشكل الجديد بس هو اللى كان فيه سوبر صالون
بالنسبة للكربراتير كان موجود لحد 2000
من 2001 انا مش متاكد بصراحة اذا كان كابراتير ولا انجكشن
بس انا اعتقد انه كان كاربيراتير برضه
الكاسيت الكلاريون كان موجود لحد 2009 مع نهاية الشكل القديم
ومن الشكل الجديد نزل الكنوود علشان السى دى
التقفيل فى اليابان فضل لحد 2006 ومن بعد كدة من بداية 2007
بدا التقفيل المصرى

---

تعديل بس لكلام حضرتك السوبر صالون نزل في موديلات من 2001-2003 بس كانت قليلة جدا في مصر هو اصلا الموديل كلة متبعش منة كثير و فية منها خليجي 1600 انجيكشن و بتنزل بجنطها الاصلي بس الكل التوكيلات في الفترة دية كانت بتننزل ال 1300 عشان ال 1600 شريحة جمركية تانية و بتفرق كثير جدا في السعر يعني مش هتلاقي لانسر مكوة من 2001-2003 1600 كلة 1300 او كورولا نفس الكلام متغيرش النظام دة غير بعد 2005
الكارباتير موجود في موديلات ال 1300 بس قبل موديل 2000 و فية 1600 انجيكشن و هتلاقي مواتير كثير اوي في بورسعيد لنفس الموديل 1400 انجيكشن
كل الصني الياباني اللي ركبتها كاسيت و سماعات كلاريون

تم الرفع للافادة الاعضاء .. ولاضافة اى معلومات جديدة