السلام عليكم و رحمة الله و بركاته
انا بركن في جراج بس مالوش سقف لانه في جانب العمارة
و من شهرين تقريبا وقع دش من العمارة علي عربيتي و طبعا كسر الازاز و كان فيه تلافيات في الكبوت الحمد لله
دلوئتي انا و المشتركين في الجراج عايزين نسقفه لان ممكن اي دش تاني يقع و كمان العمارة اللي جنبنا بيبنوا مخالف اخر و خايفين انهم يوقعوا اي حاجه علي العربيات
انا عايزه اعرف نجيب منين العمدان الحديد و كمان السقف هل يكون الحديد المعرج و لا حاجه تانيه؟
و اسال فين علي اللي يعمله؟
و شكرا :)
روح على السبتة منطقة أسمها السبتية حا تلاقى كل حاجة سواء العمدان و دى بتبقى يا عامود مدور يا زاوية حديد و فية منها أطوال أعتقد العود بيبقى طولة 6 متر و فية عادى و فية محمل و حا تلاقى الصاج المعرج الى زى الاسبستوس بيتباع ب اللوح و أعتقد أطةال ممكن 2.5 فى 120 سنى و فية 3.60 فى 120 سنتى مجلفن و عادى
متفكروا في نوع من انواع الند القماش على اساس انها تبقى تكلفة اقل من الحديد ومنظر اخف بدال ما تحددوه من فوق .. والتانية ها تبقى اربع عمدان في الأركان وتوصلوا بينهم بنوع من انواع التندات او انا بفضل نوع من انواع التراسيس ها تفرق معاكم جدا !! ممكن تفكروا في شركة من اللي بيعملوا الأبواب الكهربائية كمان بيعملوا الأسقف دي من الفريمز والتراسيز ..
شكرا لحضرتك بس يعني ايه مجلفن و ايه الفرق؟اقتباس:
المشاركة الأصلية كتبت بواسطة heshamzaky
لو عملناها تند قماش يبقي معملناش حاجهاقتباس:
المشاركة الأصلية كتبت بواسطة sayed911
الكلام دا لو عايزين نحمي العربيات من الشمس لكن بقولك وقع دش :)
احنا عايزين نحمي العربيات من اي حاجه ممكن تقع
الصاج المجلفن يعنى بيبقى مدهون بطبقة كأنة بيلمع شوية او متنكل مثلا الغرض منها انة ما يصديش بسهولة . دى أسمها جلفنة للصاج و بيبقى أقوى شوية من العادى و أبقى اشترى من هناك المسامير بالكيلو و وورد و صواميل لزوم الربط و ممكن لو عارف المقاشات تقطع العمدان هناك بالصاروخ حسب طلبك لسهولة حملهم
حا يبقى زى دة كدة
http://alco....l.tk/wp-......./uploa...et-500x295.jpg
و ممكن كدة بس دة اغلا طبعا أنا بس بوريلك صور
http://img.alibaba.com/photo/2317617...ted_sheets.jpghttp://img.alibaba.com/photo/2317619...ted_sheets.jpghttp://www.fr-sanad.com/filemanager....on=image&id=11
التند دي لو معمولة بإحترافية ها تكون مشدودة بقوة جدا تسمحلها انها تبقى عاملة زي الوتر بالضبط بترمي اي حاجة بتقع عليها ..
يعني فكرتها ها تفضل حلوة ولكن بصراحة انا مش عارف تكلفتها ها تبقى اقل من الحديد ولا اعلى هيا بدي بس النقطة الفاصلة ..
ولكن انا متأكد انها ها تحميها من اي حاجة وبكفاءة كمان .. ممكن تسألي حضرتك من الشركات اللي بتعمل اسقف المصانع بتعمل الفريمز دي بطريقة ممتازة جدا وتبقى على شكل هرمي او مثلث مسحوب بطول المساحة ..
وفيه طريقة تانية ب دي رخصية قوي ..
الأربع عمدان اتحطوا في الأرض ..
ومن عند اي موان ..
تجيبوا الطول اللي انتوا عايزينوا من السابتية لأنه ده انا بأتعملوا في اصطح البيوت ونوعيات كتير ..
وممتاز برضوا
والحداد يجي يلحم الصاج في الأربع عمدان ومات الكلام سهلة وخلصانة من تقاء نفسها ..
ب تجيبيها من الثابتية ب التكلفة تختلف ها تتجاب الصاج المجلفن المؤكسد فيه انواع كتير وانا بتعملها في اصطح البيوت فوق غرف الأصانصير وممتازة .
أي حداد
التند الى بتتعمل مشمع أغلى بكتير جدا و بمرور الوقت الشمس حا تاكلها و تتقطع من الهواء و الشمس . الصاج أفضل و يفضل عدم لحامة يتربط بمسامير بصواميل لسهولة فكة و أستبدل اى حاجة بعد كدة
لازم حداد هو اللى يعمل الموضوع ده عشان مش اى حاجه تقع تاخد التنده وتنزل على العربيات وتبقى المصيبه اكبر
حضرتك بتتكلمى على طوب ودش وحاجات تقيله مش ظلطه ولا كيس زباله
لازم الموضوع يتعمل بأحترافيه ولحام كويس جدا وبعد كده يتدهن بعازل للصدأ (برايمر ) عشان مش بعد كاام سنه تصدى وتبقى ضعيفه
اولا
لازم يتعمل قواعد للعمدان فى الارض
تحفروا ويترمى خرسانة وبعدين تثبتى العمود
كمان السقف يكون مايل علشان ميجمعش مياة الامطار
وتخلليه يعمل كمرة او حديدة فى النص علشان ده هيساعد الصاج على المقاومة لو وقع عليه حاجة
وخدى بالك انك لو قفلتى ميكنش فيه كدة منط لحرامى
اقتباس:
المشاركة الأصلية كتبت بواسطة heshamzaky
اه عرفته شكرا لك
اقتباس:
المشاركة الأصلية كتبت بواسطة sayed911
بس بتهيئلي مهما تكون مشدودة ماتستحملش اي حاجه تقيله تقع
احنا مش بيقع عندنا زلط
احنا تخصص دشووووش :)
اقتباس:
المشاركة الأصلية كتبت بواسطة misoalex
اه ان شاء الله طبعا حداد هو اللي هيعملها
انا بسال بس عن امكان الخامات علشان عايزين احنا اللي نجبها و الحداد ياخد اجرة ايده بس
شكرا لك
اقتباس:
المشاركة الأصلية كتبت بواسطة a.saad
انا بصيت علي جراج في نفس شارعنا عاملين سقف صاج
و فعلا زي ما حضرتك قلت السقف مايل و فيه كمرة في النص بالعرض و فيه كمان بالطول
بس حكاية منط دي طبعا هيكون منط و كمان علينا احنا لانه الدور بتاعنا :(
مش عارفه حلها ايه دي
متصورى المكان ونشوف له حل للمنط
ممكن يتعمل سلك شائك او مسامير
أنت كدا لازم تركبيى شبكة حديد على الشبابيك وتعملى قفل لشيش البلكونات على الأقل أو تركيب لها حديد هى كمان لو كانت ألوميتالاقتباس:
المشاركة الأصلية كتبت بواسطة amatoallah
أو تكهربي حديد الجراش
اقتباس:
المشاركة الأصلية كتبت بواسطة a.saad
ان شاء بكره اصور المكان و انزل الصور علشان لو حد عنده فكره
حكاية الحديد اللي علي الشببابيك بكره و حتي لو هتتعمل علي الشباك لان احنا عندنا شباك معمول عليه حديد هنعمل ايه في البلكونات؟اقتباس:
المشاركة الأصلية كتبت بواسطة زينة الله
و بعدين دا يكلف كتير اوي:(
طيب ما هي العواميد هتتكهرب هي كمان و ممكن احنا اللي نتكهرب :)اقتباس:
المشاركة الأصلية كتبت بواسطة mhdside
في حديد بيتعمل على البلكونات على شكل مقص وبيتعمل من حديد خفيف وغير مكلف زي الحديد المشغولاقتباس:
المشاركة الأصلية كتبت بواسطة amatoallah
حضرتك احنا بنجيب بضاعه المحل بتاعنا من الحديد والزوى و خلافه من مصانع قليوب اشهر واكبر مصانع هناك ,,, حضرتك ممكن اى حد ينزل هناك يلف ويشوف بس الاول يروح لحداد يشوف المطلوب ايه والكميات ايه عشان يعرف الاسعار ايه ,,,
بس هوا غالبا هياكون كالتالى الانواع من غير العدد عشان معرفش المكان مساحته اد ايه ,,
مواسير 1.5 " او 2 " حسب التخانيه الى حضرتك عايزاها وكلها طولها بيكون 6 متر
الصاج الى هايتحط فوق حسب برضو حضرتك هاتجيبى انهى نوع صاج مضلع زى بتاع المحلات ولا الايطالى ( شبه المضلع بس بتكون شرائح بتتركب تحت بعضها ) او صاح اسود
بس الافضل فى كل الاحوال الصاج المضلع لكذا سبب مش هايجمع الميه لكن الايطالى مع الوقت ممكن يسرب من المجرى الى بين كل ضلع والتانى و سعرة هايكون اقل من الايطالى وهوا هوا نفس الشبه بس التانى الناس بتفضله عشان واجهات المحل بيكون الصاج عليه نقوشات ورسومات خفيفه ,,,, وتقربيا دول اهم حاتجين حضرتك هاتحتجيهم عشان تعملى غطا للجراج ولو فى اى استفسار انا تحت امر حضرتك وباقى حضرات الاعضاء