مواصفات موتور الالنترا الجديده 2012 اللى هاينزل مصر

مواصفات موتور الالنترا الجديده 2012 اللى هاينزل مصر


الالنترا الجديده ماكنش بينزل منها غير موتورين واحد 1600 GDi قوته 140 حصان والتانى 1800 قوته 150 حصان

طبعا احنا مش هاينزلنا الاتنين ومكنش معروف هاتنزل بأى موتور

لحد النهارده بافتح سايت هيونداى العالمى لقيت مواصفات موتور 1600 عادى حقن متعدد النقاط MPI مش حقن مباشر GDi

قوته 130 حصان وعزم 157 نيوتن

الموتور دا هو هو ال Gamma اللى فى الالنترا الموجوده حاليا وفى السيراتو

ولكن فى تعديل بسيط بقى D-CVVT

Dual Continuously Variable Valve Timing

ودا بيساعد على التقليل من استهلاك الوقود والانبعاثات و زيادة قوة المحرك لاداء وتسارع أفضل

ودا اللى رفع الحصان من 124 ل 130 عند نفس ال Rpm القديم 6300

والعزم زاد ا نيوتن بس يعنى تقريبا هو هو بقى 157 بدل 156

ودا فيديو بيشرح كيفية عمل مواتير هيونداى الجديده وفى جزء بيشرح ال D-CVVT

YouTube - Hyundai Elantra Nu Engine

واللى عايز ينزل البروشور من عالسايت دا اللينك

http://worldwide.hyundai.com/e_broch...logue%20GL.pdf

حسام حمدلله على السلامة وحشنى جدا جدا وياعم ابقى افتح تليفونك

طبعا الماتور الجديد مش عارفين هينزل اصلا فى الالنترا الجديدة ولا لا

انت عارف عم غبور لو نزلها بماتور اصلا يبقى كويس

130 حصان دى بقى اللى مش فهمها الصراحه ؟؟؟

الف شكر على المعلومات استاذ حسام
بس يا ترا ده هينزل سعرها في مصر ؟
خاصة ان الي في الخليج على حسب ماسمعت ان بينزلهم الgdi !
يعني هتنزل بسعر منافس للسيراتو والكروز.
اهم حاجه هو توفير البنزين وبقدرة اعلى من القدره الي في الشكل الحالي.

اقتباس:

---

المشاركة الأصلية كتبت بواسطة abouleila

حسام حمدلله على السلامة وحشنى جدا جدا وياعم ابقى افتح تليفونك

طبعا الماتور الجديد مش عارفين هينزل اصلا فى الالنترا الجديدة ولا لا

انت عارف عم غبور لو نزلها بماتور اصلا يبقى كويس

130 حصان دى بقى اللى مش فهمها الصراحه ؟؟؟

---

ابو ليلى ازيك ياكبير انت كمان واحشنى جدا والله يارب تكون بخير

الموتور ال 130 حصان 99 % لازم ينزل لانه مفيهوش اى تعقيد ونسبة انضغاطه زى القديم 10.5 يعنى بنزين 91 عادى

وعلى فكره برضه 99 % نفس الموتور هاينزل للسيراتو برضه

اقتباس:

---

المشاركة الأصلية كتبت بواسطة mahmoud_afifi

الف شكر على المعلومات استاذ حسام
بس يا ترا ده هينزل سعرها في مصر ؟
خاصة ان الي في الخليج على حسب ماسمعت ان بينزلهم الgdi !
يعني هتنزل بسعر منافس للسيراتو والكروز.
اهم حاجه هو توفير البنزين وبقدرة اعلى من القدره الي في الشكل الحالي.

---

العفو

السعر متوقع انه يبقى غالى عشان شكل جديد وكدا بس بيتهيألى هاتبقى بين السيراتو والكروز

لكن الموتور ملوش علاقه بالسعر لان كدا كدا ال GDi مكنش هاينزل

ولا حتى بينزل فى الخليج على فكره

فى الخليج بينزل 1800

ال GDi حاليا مبينزلش غير فى كوريا وامريكا وكندا

واخبار العفشه ايه علشان انا سمعت من واحد فى التوكيل ان الالنترا اللى هاتنزل مصر هاتبقى تعليق مستقل مش torsion beam زى السيراتو

اقتباس:

---

المشاركة الأصلية كتبت بواسطة new

واخبار العفشه ايه علشان انا سمعت من واحد فى التوكيل ان الالنترا اللى هاتنزل مصر هاتبقى تعليق مستقل مش torsion beam زى السيراتو

---

العفشة بتاعت الالنترا الجديدة هى هى نفسها بتاعت السيراتو الحالية اللى هى غير مستقل يعنى العفشة ناشفة زى السيراتو , الشركات ممكن تغير فى المواصفات مثل الجنوط الموتور فتحة السقف الخ ... انما العفشة و الشاسية و الابعاد بالنسبة للسيارة بتكون ثابتة و ده لينك لتوضيح ان الالنترا الجديدة تورشن بيم و ارجو انى اكون افادتك

YouTube - 2011 Hyundai Elantra Closer Look Performance Review

السلام عليكم

بش شرط يا جماعة ان العفشة عشان torsion beam تبقى ناشفة
طب ما التويوتا كورولا نفس العفشة و مع ذلك عافشتها ناعمة

امال عفشة الاكسنت الrb نوعها ايه؟؟
وايه الفرق بين انواع العفشات؟؟

حمدا لله على السلامة وشكرا للخبر ا/حسام

اقتباس:

---

المشاركة الأصلية كتبت بواسطة new

واخبار العفشه ايه علشان انا سمعت من واحد فى التوكيل ان الالنترا اللى هاتنزل مصر هاتبقى تعليق مستقل مش torsion beam زى السيراتو

---

التعليق الخلفى Coupled torsion beam axle

يعنى مش زى القديمه

ودى صوره للعفشه من ورا


http://img508.imageshack.us/img508/1...1279629595.jpg

اقتباس:

---

المشاركة الأصلية كتبت بواسطة basemsaeed

السلام عليكم

بش شرط يا جماعة ان العفشة عشان torsion beam تبقى ناشفة
طب ما التويوتا كورولا نفس العفشة و مع ذلك عافشتها ناعمة

---

مظبوط الموضوع محتاج تجربه بس غالبا بالجنط 17 هاتكون ناشفه

اقتباس:

---

المشاركة الأصلية كتبت بواسطة dramir1

امال عفشة الاكسنت الrb نوعها ايه؟؟
وايه الفرق بين انواع العفشات؟؟

---

عفشة الاكسنت نفس الالنترا الجديده

اقتباس:

---

المشاركة الأصلية كتبت بواسطة د.محمود صلاح

حمدا لله على السلامة وشكرا للخبر ا/حسام

---

الله يسلمك يادكتور

اعتقد الماتور ال gdi هياخد بنزين 95 فهتبقى مشكله فى بلدنا العزيز
والماتور ال 130 تمام اوى
واعتقد طبعا انها هتنزل بالفتيس ال 6 سرعات الجديد زى اللى فى السيراتو

حسام بيك واحشني جدا جدا يا صديقي .. ابقى طمني عليك

احب اضيف هنا ان قياس القدرة الحصانية مذكور ( الاجمالي ) و هو حقيقة لا يعني شيء .. المهم الصافي
بس طبقا لأن القديم اللي كان 123 و صافي 106 .. يبقي الجديد 130 و صافي 111 .. و في النهاية .. العزم هو الأهم
يمكن مراجعة هذا الموضوع
http://www.nilemotors.net/Nile/210818-a.html