ياساتر يارب.هى اتقلبت ولا ايه؟؟؟
عرض للطباعة
ياساتر يارب.هى اتقلبت ولا ايه؟؟؟
مش رامى سرى دة منظم سباق طريق المطار الى العربيه بتاعت الامير القطرى طارت وقتلت الناس وهرب هوة محرمش سباقات يستاهل المطب ومليون مطب
[youtube]http://www.youtube.com/watch?v=ZJhvzFRyERU&feature=player_embedded#at=53[/youtube]
ههههههههههههههههههه :16:
اولا دى عربيه رامى سرى لانى يومها بليل كنت فى المرغنى و هو كان موجود بيها و تانى حاجه الراجل دا اخد براءه من موضوع حدثه المطار بتاعت الامير القطرى و حتى ولو الراجل دا كان ممكن يموت بسبب مطب زى دا زى ما فى ناس ماتت بسببه و سلملى على الحريه و غباء و جهل و تخلف و بلطجه الشعب المثرى اللى لا تنفع معاه ولا ثوره ولا نيله
تم اضافه نقطتين لسجلك لمخالفه قاعده رقم 13 من قواعد وقوانين المنتدي
مشرف عام 4
هي جت على المطب ده
ده الدائري فيه مطبات تخيلو يجماعه دائري فيه مطبات
لما بحاول ادور عالسبب هما عاوزين االناس تهدي السرعه فبيخلوهم يتقلبو اهو بيخلوهم يهدو برده او يمكن عاملين صفقه مع شركات قطع الغيار مثلا ؟؟؟؟
اي حد سافر بره عارف ان مفيش مطبات غير في الشوارع الجانبيه الي فيها بيوت او مدارس او خلافه
ولا المطبات الي قبل اليو ترن حاجه تضحك ( طاب متوسع حارة اليو ترن بحيث انو يمشي فالحاره الزياده وبعدين يضم فالحاره الاساسيه )
بس طبعا الي عمل المطب قبل اليو ترن قصدو ان الغالبيه بياخد اليو ترن من غير ما يبص مين جي وهو كده عاوز يوصلنا رسالة اننا عشوائيين ( حد فاهم حاجه ؟ )
اعلى نسبية وفيات في حوادث الطريق في العالم بلا فخر
طب حد شاف المطب اللى فى نزله مسطرد على الدائرى وانت جاى من السلام ورايح على اسكندريه الزراعى؟؟؟؟؟؟؟؟؟؟؟
مطب ابن تيييييييييييييييييييييييي يييييييييييت
برده لما الناس تشوف يافطه مكتوب عليه 20 كيلو سرعه قصوي محدش يتجرا يعدي السرعه دي حتي لو الطريق يجيب معاك 200 كيلو في الساعه
انا شايف دلوقتي ان المطبات دي هي الحاجه الوحيده اللي بتخلي الناس تهدي وتمشي براحه
يعملو لجان يقولو بلطجه
يعملو رادارات ثابته يقولوا قتاوه
يحطو يفط ولا حد بيعبرها
احنا متعملناش نمشي محترمين من نفسنا ياما مطب يهدينا ياما ظابط واقف بالمرصاد
تفتكر الناس حطت المطب ليه؟
اى حد يتخطى السرعه المقررة يستاهل الى حصل ليه واكتر الى مش خايف على روحه يخاف على ارواح الاخريين
ربنا يستر طريقنا و يرحمنا من المطبات و النقر و الحفر :untitled 1:
الله يفتح عليك......هو ده ملخص المشكلة
طبعاً أنا ضد هذا المطب المتخلف إلي الحكومة عاملته عشان توفر ثمن كوبري او نفق مشاة ضروري يخدم هذه المنطقة السكانية
أيضاً ضد المتهورين في السرعة إلي تقريباً كل الشعب المصري بيدوس بنزين وخلاص بدون أدنى إحساس بالمسؤلية
أنا ده طريقي كل يوم.....وكل يوم تقريباً كنت بشوف عربيتين لابسين في بعض عشان بيفادوا واحد بيعدي.....أو واحد مخبوط ومرمي على الرصبف عشان عربية خبطته
الكوبري مكتوب عليه تقربياً 60 أو 40 كم /س وطبعاً إحنا شعب متحضر جداً ويضرب بعرض الحائط هذه العلامات والعربيات ماشية 100 و120 وطيران وبالتالي لازم يحصل حوادث .......لو الناس إلتزمت بالسرعة في هذه المنطقة تحديداً حتى لو هدينا شوية ومشينا بين 70و80 مش هتلاقي حوادث إطلاقاً وهيبقى في فرصة للتهدئة والوقوف
لسة بدري عشان نغير ثقافة السواقة في مصر......أنا بعلمها لأولادي من دلوقتي عشان فقدت الأمل في ثقافة المجتمع الحالي
هوا أنتو مقتنعين إن ينفع أصلا مطب فى منزل أو مطلع كوبرى ؟!!!!!!
مع الشعب المصري اه بصراحه لازم تحط مطب قبل وبعد لانك لو حطيت مليون علامة تحديد سرعه ومليون رادار برده هيجرو وهيتذاكو وكل واحد راكب عربيه 1600 سي سي فاكر نفسه راكب فيراري وفي الأخر يعمل بيها مصايب
يبقى الحل ان المطب وجودة مهم وضرورى واحنا لازم نتعود على مكانة بطريقة التعود والحفظ والمعرفة حتى لو وقعت خساير ..... مش عارف ........
ده جبل مش مطب
يا جماعة المطب ده بعد منزل الكوبرى على الاقل بمسافة 800 م ل 1 كم.المطب بعيد عن منزل الكوبرى للى عاوز يقف لو سرعته 100 كم/ساعة.
وفى موضوع تانى اتعمل عن المطب برده كان رائي واحد.المطب مهم فى المنطقة ديه لانها منطقة حوادث واللى بيعدى من هنا لازم على الاقل مرتين فى الاسبوع حوادث بسبب سرعة وكانت اشهرهم عربية bmw من سنتين تقريبا.
والنهارده عربية لادا وعربية افيو مينفعوش ببصلة اودام وطنية فى اتجاه الماظة ومن يومين عربية النترا وعربية ريجاتا اودام وطنية والعربية الريجاتا دمرت تماما.بعيدين عن المطب اه ولكنهم حوادث سرعة.
مش موافق طبعا المطب يتعمل بدون علامات تحذيرية ولكن العلامة التحذيرية اللى على الكوبرى وبتقول 60 كم/ساعة ملقيتش ناس كتير تشوفها وكدة بقى العلامة اتشافت.
وبلاد برة بيخرجوا الاول سواقين ينفعوا يمشوا على الطريق وبيتاكدوا انهم صالحين للقيادة والركن وده للى ميعرفش انهم امتحان السواقة بيبقى فى الشارع وجنبك واحد بيقولك تعمل ايه ويتابعك وده الامتحان.
ديه منطقة سكنية ومش طريق سريع ومينفعش نجرى اكتر من 80 عليه واللى عاوز يجرى فيه طريق السويس بعد الكوبرى.
ربنا يسترها على الجميع.
لاحول ولا قوة إلا بالله
رامي سري عامل واقفه احتجاجيه مكتوبه في الجرنان وجيبن صورة عربيته من ورا دا العربيه متخرشمه بجد
فعلا الموضوع جاي فالاهرام وعامل وقفة احتجاجية. هي بقت كدة بقي ولا ايه كل حاجة بوقفة احتجاجية.
مع انى ضد الوقفات الاحتجاجية .. لكن اللى يعمل وقفة احتجاجية لازم يقول ليه حق الاول
لكن هو ضيع حقه بأنه ماشى اسرع يجى بـ 3 اضعاف السرعة القانونية بتاعت الطريق دا او اكتر كمان
وبعدين انا صعب جدا يحصل لعربيتى كدا لو حتى اخد المطب دا على 120 على اساس انى مشفتهوش خالص
شوف دا بقى واحد ما شاء الله سواق وعارف يعنى ايه يتحكم فى العربية وراكب m3 يعنى مش حاجة قليلة
والمطب مهما كان اللى عمله غلطان وعايز ضرب الجزمة بس هو معمول للناس اللى بتمشى
زى رامى سرى كدا ...
مع انى بمشى بسرعة بارضوا بس لو اخدت مطب ولا عربيتى اتكسرت كدا هبقى متحمل كامل المسئولية عشان عارف انى غلط اصلا.
وانا شايف ان لو فى اى اجراء اتاخد ضد اللى عمل المطب لازم يبقى فيه اجراء مثله للى طاير على الطريق دا.
ودا رأي فى الموضوع دا وانا اسف لو فى حد زعل من الكلام.
رامى سرى دة كان اكيد ماشى بسرعه فوق 200 دة انا يا ما طرت بالعربيه من على مطيات بسرعه 140 وكل الى حصل العربيه طارت ونزلت عادى جدا وكملت مشى فى اتجاهها بس طبعا راسى اتخبطت فى سقف العربيه وراسى وجعتنى جدا ههههههههههههه وبعدبن ازاى يعمل وقفه وهوة اصلا لايتبع قوانين السرعه المكان دة فيه يافطه بتقول السرعه 60 فقط يبقه وقفه ايه بقى الصراحه يحمد ربنا انه لسه عايش ويروح يشترى عربيه تانيه وخلاص من سكات
هو اكيد عربيته اتبهدلت عشان السرعه وعشان العربيه واطيه
انا مره اخدت مطبين ورا بعض وانا ماشي 120 او 130 باللانوس والعربيه حسيت انها اتدشدشت ومفيش اي حاجه حصلتلها مع الن المطب كان في طريق اتجاهين ومفيش اي سكان ولا بشر خالص فيها غير يمكن ان بالنهار حد يعدي منها وكنت بتنطط بس اضايقت من نفسي لان اللي وريا قدر يوقف وياخد المطب براحه
يا اخ shaddadfalcon1 انا مش عاجباني نظرتك المتشائمه للمجتمع المصري وده اللي شفته في كتير من مداخلاتك
وبتتكلم كأنك واحد جاي من باريس ومهوش حاسس بالناس اللي في البلد دي
وكلنا اخوه وحبايب و ده ميقللش من احترامي ليك ولكن انا بتدايق فعلا من اسلوبك السلبي في الكلام عن مشاكلنا كمصريين.
ياريت تتقبل كلامي بصدر رحب وعدم اساءه فهم مغزي كلامي
ويجعله عامر.
ده العربية اتدمرت خالص
مش تشائم والله العظيم دي نظره للواقع اللي احنا عايشينه
انا السواقه دلوقتي بقت حرق دم
البارح علي الدائري سواق نص نقل بيطقع عليا الطريق انا وكل الناس ووقفنا كلنا عشان يمشي في الطريق عكس - انت متخيل المظر عامل ازاي؟ ده انت لو ماشي علي رجلك في اتجاه عكس الناس بتبقي مش عارف تتحرك فما بالك بعربيه كبيره؟
النهارده جاي انا ومراتي واختها ووولادي الأتنين في الكرسي اللي ورا وكنت ماشي حوالي 80 وفي توكتوك في الاتجاه التاني وفجاه عدي من غير مابيص ومع الفرامل المتينه لقيت ابني جنبي ووشه اتخبط في الكرسي وفضل يسرخ ويعيط
وطول مانت ماشي حركات من دي من سواق نقل لتاكسي لميكروباص لملاكي اللي منهم كتيير شايف نفسه مايكل شوماخر وانه احسن من سواقين الميكروباص والتكاسي عشان كده ليه الحق انه يجري وفاكر انه كده مش بياذي حد
انا معرفش المطب ده موجود فين بس بشهادة اعضاء كتيير ان المكان بيحصل فيه حوادث تقريبا بشكل يومي وبعدين الكباري اصلا في مصر بتبقي وحشه وفيها مطبات هوا وفي واحد من البلد عندنا كان جاي علي كفرالدوار وفي شيروكي الاتجاه التاني وطبعا نازل طاير والعربيه عومت منه وطارت في الأتجاه التاني قتلت الراجل والسواق الغلبان
يبقي ازاي بعد كل ده سلبي؟؟
معظم حوادث السرعه اليومين دوول ملاكي وشباب زي الورد بيروح فيها ومفيش حد عايز يحترم لا اشارات المرور ولا حدود السرعه وشايفين ان السرعه المناسبه هي اللي تقدر عربيته ال 1600 سي سي تجيبها واللي يقول انا مش هعمل كذا الا لما فلان وعلان يعمل او لما المرور مش عارف يعمل ايه
بصراحه انا مخنقوق ومش عارف اقول ايه بس احنا محتاجين قانون محترم من بتوع امريكا للمرور اللي مش بيرحم ولما واحد عربيته تغره ويجري زي الاخ اللي ماشي فوق ال 200 وعامل وقفه احتجاجيه كمان مش عارف علي ايه يعني ده لو في دوله محترمه كان زمانه مرمي في السجن وعربيته ورخصته متخدين منه
المطب عالى شوية و عريض كل يوم بعدى منة أكتر من مرة لو عربية جاية بسرعتها و لبست المطب النتيجة الحتمية أن بطن العربية من ناحية الموتور حا يلبس فى الاسفلت و بصو كدة بعد الطب على طول حا تلاقى تراب العربيات بتتنفض من قوة الخبطة و بتنزل تراب و طين .
حتى لو مش ماشى بسرعة و عربية لبست المطب حا تتبهدل أنسان غبى جدا جدا جدا الى عمل المطب دة . المطب معمول علشان الناس الى بتعدى على الاقدام لدخول مستشفى الكهرباء . أحسن حل يتعمل سور عند منزل و مطلع الكوبرى و المشاة تعدى من تحت الكوبرى هو بعيد شوية عن باب المستشفى ب 300 متر على الاقل بس كل الى بيعدى بيتعرض لخطر الدهس بالسيارات
هو رامى سرى ده بتاع سباق الموت قلى كان عند المطار قلى مات فيه مصريين كتيير
و هربو الامير القطرى ايام الكوسه بتاعة مبارك و قلى كان بيقوم بالسباق و بيشرف عليه رامى سرى
هو و له مش هو
انا كنت هلبس فيه فرملت حواله 8 ثوانى والعربيه بتزحف
عملينه زفت
اغبيه منهم لله
لونوه دلوقتى
هو مش عقاب لآ دة تدمير و العربيات ممكن تلبس فى بعضها لو واحد فرمل علشان يتفادى لبس المطب و الى خلفة ما لحقش للأسف الناس بتنزل فى الجهة المقابلة للمستشفى و بعدين تعدى بين الحوجز الاسمنت الى محطوطة و النتيجة عربية تشيلهم لانة منزل كوبرى و كلة جاى بسرعة يعنى الغرض من المطب دة للعلم الدخول الى مستشفى الكهرباء لان مفبش أى سبب غبر كدة علشان تعدى فى المنطقة دى
اهو ده اكبر غلط اننا كلنا بقينا فاكرين ان منزل كوبري يعني مورجاحه عشان تزق العربيه وتاخد سرعه
المفروض اننا نبقي نازلين من الكوبري هاديين جدا لان العربيه ساعتها هيبقي صعب تفرملها حتي لان في سرعتها والطريق المايل
دي اول حاجه والدي علمهالي وانت نازل من الكوبري تمشي اقل بكتير من سرعتك العاديه لانك ببساطه لو تقدر توقف عربيتك علي 80 يبقي وانت نازل من الكوبري المفروض تبقي مش اكتر من 60 عشان الميل بتاع الطريق