رامى سرى اخر ضحايا مطب طريق السويس

**Elawany13** · 07-05-2011 12:35 PM

بالفيديو:عاملون بـ "سان ستيفانو" يقطعون الكورنيش بالإسكندرية بعد مصرع عاملة بالفندق

قام عشرات من العاملين بفندق سان ستيفانو -الفورسيزون- بقطع طريق الكورنيش الرئيسي بمنطقة سان ستيفانو بالإسكندرية عقب صلاة الجمعة اليوم لمدة ساعتين، احتجاجا على مصرع زميلة لهم من العاملات بالفندق، أثناء عبورها نهر الطريق حيث دهستها سيارة مسرعة.
لفظت العاملة أنفاسها الأخيرة قبل وصول سيارة الإسعاف.. فيما قام زملاؤها في أعقاب ذلك بمنع السيارات من المرور مما أدى لقطع الطريق لمدة ساعتين كاملتين وتكدس عشرات السيارات بالمنطقة.

قال محمد فريد، أحد سكان المنطقة ومن شهود العيان، إن إدارة فندق سان ستيفانو ومالكه هشام طلعت مصطفى المحبوس حاليا كانوا قد تدخلوا من قبل لوقف مشروع نفق للمشاة، كان من المنتظر تنفيذه بواسطة محافظة الإسكندرية بمنطقة سان ستيفانو نظرا لازدياد حوادث السيارات وعدم وجود طريقة لعبور الطريق سوى عبر السير إلى الناحية المقابلة.
حضرت سيارتان عسكريتان محملتان بقوات من الجيش تولت إعادة فتح الطريق قبل أن تتم إحالة المشاركين فى قطع الطريق لقسم الرمل لتحرير محضر بالواقعة.

**EngAhmedSayed** · 07-05-2011 12:41 PM

المشاركة الأصلية كتبت بواسطة shaddadfalcon1

اهو ده اكبر غلط اننا كلنا بقينا فاكرين ان منزل كوبري يعني مورجاحه عشان تزق العربيه وتاخد سرعه
المفروض اننا نبقي نازلين من الكوبري هاديين جدا لان العربيه ساعتها هيبقي صعب تفرملها حتي لان في سرعتها والطريق المايل

دي اول حاجه والدي علمهالي وانت نازل من الكوبري تمشي اقل بكتير من سرعتك العاديه لانك ببساطه لو تقدر توقف عربيتك علي 80 يبقي وانت نازل من الكوبري المفروض تبقي مش اكتر من 60 عشان الميل بتاع الطريق

والدك عنده حق وربنا يبركلك فى هو مقالكش ليه
ليه بقى علشان معامل الاحتكاك بيختلف عن الجسم على مستوى عدل و هنا فى الحاله دى نزول من على الكوبرى بميل
بيكون هنا معامل الاحتكاك جسم بمستوى مائل
فهنا الابعاد الخاصه بالتوقف بتختلف بين الاحتكاك الاطار العربيه بالطريق

**shaddadfalcon1** · 07-05-2011 02:03 PM

المفروض ان عند سان ستيفانو دلوقتي مطبين عيون القطه واغبياء جدا وكل الناس بتهدي ومع ذلك الناس بتعدي بمننهدي الغباء

**heshamzaky** · 07-05-2011 02:20 PM

المشاركة الأصلية كتبت بواسطة shaddadfalcon1

اهو ده اكبر غلط اننا كلنا بقينا فاكرين ان منزل كوبري يعني مورجاحه عشان تزق العربيه وتاخد سرعه
المفروض اننا نبقي نازلين من الكوبري هاديين جدا لان العربيه ساعتها هيبقي صعب تفرملها حتي لان في سرعتها والطريق المايل

دي اول حاجه والدي علمهالي وانت نازل من الكوبري تمشي اقل بكتير من سرعتك العاديه لانك ببساطه لو تقدر توقف عربيتك علي 80 يبقي وانت نازل من الكوبري المفروض تبقي مش اكتر من 60 عشان الميل بتاع الطريق

معلش حا أقولك على حاجة تانية علميا و نظريا أى منزل أول مطلع كوبرى أى واحد سايق عربية لو فى مطلع الكوبرى بيزود السرعة شوية علشان مش كل العربيات جديدة و يقدر يطلع المطلع بتاع الكوبرى . و لو العربية نازلة من فوق الكوبرى حتى لو أنت مثبت سرعتك غصب عنك العربية حا تزيد سرعتها شوية على الاقل بسبب ميل الكوبرى فى حالة النزول و دة مفيش علية جدال
محدش قال انك منزل الكوبرى مرجيجة على حسب وصفك و لازم يطير بالعربية
و أول حاجة أتعلمتها و أنا ماشى و بعدى الشارع مشيا على الاقدام أنى أبص شمال و ابص يمين قبل العبور و لا أعدى نهر الطريق خصوصا فى مطلع أو منزل كوبرى صح و لا غلط عندنا فى مصر بيضطرو يعملو سور حديد فى المطالع و المنازل بتاعت الكوبرى علشان مش كل الناس عندها وعى و بيحاولو يعبرو الطريق من المكانين دول و لو من غير سور حا يعدى الشارع بالمنظر دة و النتيجة حادثة مؤكدة و تلاقى الناس تلوم قائد السيارة و لم تلوم على جهل الانسان الى بيعدى الشارع من مكان زى دة و مش معنى كلامى أنى بقول أن الناس تنزل من الكوبرى زى الصاروخ بس فى نفس الوقت مش من المتوقع واحد يعدى الشارع فى منزل الكوبرى محصلتش و هل أتخبط بعربية قانونا ليس لة حق لان السيارة دهستة فى نهر الطريق و فى غير أماكن عبور المشاة . و الطريق الزراعى ممنوع تعدى على الاقدام كدة هو لو مش خايف على حياتة الشخصية بيعرض باقى الطريق للخطر

**Elawany13** · 07-05-2011 02:58 PM

المشاركة الأصلية كتبت بواسطة engahmedsayed

والدك عنده حق وربنا يبركلك فى هو مقالكش ليه
ليه بقى علشان معامل الاحتكاك بيختلف عن الجسم على مستوى عدل و هنا فى الحاله دى نزول من على الكوبرى بميل
بيكون هنا معامل الاحتكاك جسم بمستوى مائل
فهنا الابعاد الخاصه بالتوقف بتختلف بين الاحتكاك الاطار العربيه بالطريق

كلام حضرتك غلط رياضيا
قوة المقاومة أو الاحتكاك لا تتغير بزاوية الميل
ولكن بتتغير حسب مادة الأسفلت وخامة الكاوتش
ً

**heshamzaky** · 07-05-2011 03:45 PM

المشاركة الأصلية كتبت بواسطة smsm_cato

ده مطب ايه اللى يعمل فى العربية المنظر ده

هو مش مطب هو جبل صغير كدة بس مش مطب و فى مكان من أغبى ما يكون و عمل تكدس مرورى و قفل الشارع و فية مطب جديد برضو عند أيديال قبل البنزينة الى أتحرقت السنة الى فاتت يعنى فى نفس الكريق و أنت نازل على شارع النزهة بس مطب صغير مش جبل

**Ahmed_Ramadan** · 09-05-2011 03:35 AM

المشاركة الأصلية كتبت بواسطة lanos_power

اولا احب اقولكم السلام عليكم
ثانيا انا احب اقول حاجه زمان علمونا اننا لما نعدى الشارع نبص شمال و يمين و منعديش الا لو الطريق فاضى
دا اللى احنا اتعلمناه زمان
دلوقتى انا واحد بسوق جميل و لما بلاقى راجل كبير او ست كبيره بتعدى الشارع بحاول بقدر الامكان انى اقفلها و اوقف الشارع كله معايا لحد ما هى او هو يعدى دا كلام سليم فى مره كان شاب و معاه صحبته بيعدوا الشارع و انا وقفتلهم الطبيعى و من الذوق طبعا ان الواحد لما عربيه تقفله يجرى على طول يعدى الشارع انما انا وقفت من هنا و هما افتكروا ان الشارع بقا الكورنيش و مشيوا الاتنين مع بعض بمنتهى البطى لدرجه انى هوشتهم و هما ادامى انى هطلع بسرعه فنطوا على طول دا موقف
دا غير الناس اللى بتعدىو فاكره ان الشارع بتاعهم مش الشارع ده بيمشى فى كل حاجه من اول الحيوانات للعربيات
لدرجه انى واحده زميله ولدتى فى الشغل قالتلها العربيه فيها فرامل انا معنديش فرامل يبقى هو اللى يقف و الكلام دا مش من واحده مش متعلمه انما هى مهندسه فدا مش ثقافه ولا اسلوب تعليم دى بقتمنطق بيتعامل بيه المصريين

مش بقول ان الجرى حلو و الله بالعكس كلنا عارفين اضراره بس برده لازم نعرف اننا كمشاه فى معتقدات لازم تتغير كمان مش الحل اننا نعمل مطب و خلاص لان بمنتهى البساطه واحد بيعدى الشارع و عربيه لبست المطب هتشيل اللى بيعدى هتشيله لانها هتنطت و السيطره عليها هتبقى مستحيله
و اسف اذا كنت طولت عليكوا

+111111111111111

وضيف على كده كمان إن عمل مطب زى ده لغى بشكل كبير الكوبرى اللى كام معمول علشان يحل الإختناق فى منطقة 4.5