طيب معلش و العفشه و الحجات الميكانيكيه كلها زي الألنترا ولا العفشه تختلف ولا ايه و ايه تقيمك للعربيه و هي لسه معاك لغاية دلوقتي
عرض للطباعة
طيب معلش و العفشه و الحجات الميكانيكيه كلها زي الألنترا ولا العفشه تختلف ولا ايه و ايه تقيمك للعربيه و هي لسه معاك لغاية دلوقتي
بالنسبة للعفشة هي ناشفة جدا لكن قصاد ده انت واخد ثبات و هي فعلا مختلفة عن الإلانترا و بالنسبة للحاجات الميكانيكية هي موتورها هو نفسه موتور الإلانترا ال2005 يعني نفس قطع الغيار
تقييمي للعربية هي ممتازة كسحب و ثبات و جودة خامات داخلية و خارجية
عيوبها انها واطيةجدا + ضيق الكنبة اللي حاطينها منظر دي مبتشيلش واحد لوحده لازم يقعد موطي عشان دماغه متخبطش في السقف و الشنطة كمان صغيرة لدرجة تصدمك تحس انها متشيلش شنطة سفر واحدة ده غير ان العربية مفهاش غير الكماليات الأساسية الإزاز و المرايات وفتحة السقف غير كده مفيهاش أي حاجة زيادة
العربية لسة معايا عشان مريحاني جدا
حضرتك شوف على حسب إنتا محتاج إيه لو انتا متجوز و عندك عيال أو بتركب معاك أكتر من 2 مش هتنفعك خالص عشان هي تعتبر شبابية بحتة يادوب تشيل 2 قدام و خلاص على كده
و أرجو إني أكون أفدتك
وحجات العفشه بتاعتها رخيصه زي المساعدين والمقصات معلش اخر سؤال تعبتك معايا
من حوالي سنتين غيرت مساعد و مقص و سرة و بلية و عملو حوالي 3500 جنيه في التوكيل من غير المصنعية بس معرفش سعر باقي الحاجات إيه عشان دي كانت الحاجات الوحيدة اللي غيرتها في العفشة
ياباشا إسأل براحتك أنا ف خدمتك مفيش تعب ولا حاجة
يعني نقدر نقول ان العربيه بتصرف يعني لما كل 5 شهور اغير تيل با 2000 جنيه كتير لما اجي اغير مساعدين مثلاً بردوا مش اقل من 6000 جنيه فا عايزه واحد يقدر يصرف عاليها
شوف يا سيدي
انا مالك للكوبيه من سنة 2005 و النهاردة هية معايا عاملة 113000 كم و هدّيك تقرير مفصّل بكل حاجة
العربية أكثر من رائعة لو عايز كوبيه فعلا بتصميم مش بيقدم بمرور عمره و هتفضل تلفت الأنظار ليك في اي حتة تروحها طول ما العربية نضرفة و مرشوشة على طول
انا مأمن على العربية و كل سنة بجدد لأن خوارج العربية غالية نوعا ما كما يلي مع ملاحظة ان كل حاجة من الإبرة للصارخ موجودة في التوكيل و لو مش موجودة هيجيبهالك برضه:
فانوس يمين 1800
فانوس شمال 1500
بربريز قدام 1500
زجاج جانبي 650
إكصدام امامي 1450
إكصدام خلفي 1000
فانوس خلفي 800
مقص امامي 850
جلب مقصات امامية الواحدة ب125
قاعدة موتور 350
مساعد امامي 450
مساعد خلفي 950
جنط 720
تيل امامي 700
تيل خلفي 320
فلتر بنزين 125
فلتر هوا 22
فاتر تكييف 200
طقم السيور بالبليتين زي الإلنترا بالظبت و مش فاكر سعرههم
علبة شكمان خلفية 2000
بطاحات أمامية 620 (2) بطاحة
بطاحتين خلفيتين 300
ديسك و إسطوانة و بلية ب850
طبعا انا مغيّرتش في الفترة دي كل ده لكن هقولك على اللي عملته فيها
الفلتر بنزين مرتين عند 50 الف و عند ال100 الف كإجراء إحتياطي طبعا
فلتر الهوا بغيره كل 10 الاف لأنه رخيص و بيفوّق العربية كل عشرة تلاف مع غيار الزيت الطبيعي و الفلتر
فلتر التكييف مرتين برضه (نزاهة)
جلبتين مقصات امامي لبعض التشققات ليس أكثر ب250 جنيه
المساعدين مازالو بحالة الزيرو و زي الفل
الإكصدامين الأمامي و الخلفي بسبب ولاد الحلال اللي بيخبطوا العربية و بيمشوا
الفوانيس غيرتهم نزاهة برضه علشان احافظ على شكل العربية الزيرو و محتفظ بالقدام و همة بس متصنفرين من السفر على سرعات عالية
التيل الأمامي غيّرته مرتين بس في عمر العربية و برضه قبل ما يخلص كإجراء إحتياطي
التيل الخلفي مرة واحدة عند ال100 الف كنوع برضه من الحفاظ على نظام الفرامل
طقم السيور و البلي بغيرهم كل 50 الف مش كل 60 زي التوكيل كنوع من العناية الفائقة
الديسك و الإسطوانة غيرتهم على 95 الف و طلعت الإسطوانة سليمة تماما لكن سوست الديسك هية اللي نشفت علشان كده الدبرياج تقل شوية و أول ما لاحظت التقل ده غيرته على طول
و العربية بحالة الزيرو من برة و من جوة طالما ايدي فيها على طول
أتكلم شوية على العربية بقى.....
العربية آخر مزاج في السواقة و ثبات مرعب طبعا لأن عفشتها سبور و ده سبب نشفانها المرعب برضه
ثبات رائع على طرق السفر (بسافر بيها شرم) و راحة في القعدة خرافية بسبب الوسع الرائع للراكبين قدام
الشاسيه قوي جدا جدا جدا و مصمم علشان يستحمل موتر فئتها الأعلى ال2700 سي سي ستة سلندر و ده بيخلي العربية تقيلة و وزنها 1455 كجم
التسارع أعلى من الإلنترا لأن الفتيس مانيوال رياضي و نقلاته سريعة
كمبيوتر العربية بيدي متوسط السرعة و فاضل بنزين قد ايه و درجة الحرارة الخارجية و وقت القيادة و الرحلات ... كل حاجة يعني
الصاج زي الداهية و العربية في متانة الألماني
السبويلر بيثبّت العربية فوق ال120 و بتحسه اكتر على ال180 و ال200
السرعة القصوى عند 6.5 ار بي إم 215
كراسي جلد طبيعي و الطارة و الفتيس كمان
فتح الشنطة كهربا مش سلك
الإستبن (لسة منزلش) 16 مش صغير
جنوط 16
فتحة سقف بزرارين لكل الأوضاع
الفئة اللي معايا هية الإف إكس و بيميزها عن العادية التالي:
التكيف تاتش مش بكر و خاصية فتح و غلق الهوايات اوتوماتيك حسب درجة التلوث برة العربية
آيه بي أس العادية مفيهاش
دواسات ستالس ستيل العادية دواسات عادية
مساحة ورا التانية مفيهاش
ارجو ان أكون أفدتك و أي سؤال مش هتأخر ابدا