نويت ان شاء الله اشتري صني, احسن مكان للشراء فين؟
انا اهم حاجه عندي بالترتيب
1-السعر العادل
2- الحاله الممتازه للعربيه (مش ملعوب فيها)
3-الأستلام السريع
انا ناوي علي EX اوتوماتيك , بس لسه مقررتش ال abs و اللون.
لو حد يعر ف مكان كويس علشان اشتري منه يبلغني لو سمحتم
السلام عليكم
الف الف مبارك عليك ....... وتستلم بكل خير ان شاء الله
طبعا هاتشتري من اي موزع معتمد علشان تضمن ان العربية مش بتقعد هعنده فترة طويلة وبيسلمك العربية كويس جدا
عندك
السبع
اوتو ايجيبت
الاتحاد الوطني
مودرن موتورز
اللي اعتاملت معاه اوتو ايجيبت ... واللي ارشحوهلك علشان هو اللي بياخد اكبر نسبة توزيع من المصنع نفسه والعربيات موديلتها موجوده عنده علي طول ماشاء الله
فرع في مدينة نصر ..... عند مدرسة المنهل د
وفي فرع في المهندسين
اقعد بالعافية :bye2:
:16::16::16::16::16:اقتباس:
المشاركة الأصلية كتبت بواسطة sonasteel
بص حاليا عشان تكون عارف بس قصة الاستلام السريع ده فى الوقت الحالى انت وحظك
العربية دلوقتى فى لخبطة فى السوق شوية عشان الاسعار , بسبب الزيادة اللى لسه الموزعين المعتمدين مش عارف راسهم من رجليهم فيها
وكمان لو كنت حتجيب قسط فممكن والله اعلم تطول فى الاستلام حوالى 10 ايام او اكتر ,
كان فى عضو زميلنا محمد السيد جبها كاش من اوتو ايجبت واستلم على طول وكانت اخر عربية عندها للتسليم الفورى , وكان حظه كويس
دلوقتى السبع بيبع ب94 الف الاى اكس اللى فيها abs ويقولك حشوفلك , وكمان موردن بتبيع ب94 الف واحتمال تغلى الى 95 الف زى ما حكينا فى موضوع محمد السيد لما كان بيسال
واتو ايجبت موقفة البيع حاليا
وانا سالت لحضرتك فى اتو ايجيبت , قالولى بعد يوم الاتنين الجى حنقولك ايه الاخبار , ووضع الحجوزات
ولو عايز تتابع معاهم تابع فى فرع مدينة نصر
تحياتى وبالتوفيق باذن الله
احسن موزع ممكن تتعامل معاة هوة اوتو ايجبت و انا شخصيا اتعاملت معاهم فرع مدينة نصر
بس هوة اللى اعرفة بيع الصنى واقف دلوقت علشان الاسعار ممكن تتغير و كل حاجة حتبان الاسبوع الجاى و بالتوفيق
وعليكم السلام و رحمة الله و بركاتهاقتباس:
المشاركة الأصلية كتبت بواسطة sonasteel
جزاك الله خيرا, هحاول اكلمهم كلهم و اشوف في فرق في السعر و لا كلهم نفس السعر.
شكرا لأهتمامك
جزاك الله خيرا علي التوضيح, انا كنت معتقد ان الوضع مختلف عن الي حضرتك شرحتوا.اقتباس:
المشاركة الأصلية كتبت بواسطة ahmed.tv
اصل انا روحت اوتو ايجيبت الأسبوع الي فات قالو لي ان ال EX الي فيها abs ب 93. انا قلت في نفسي ده اول سعر من بقه, لسه خصم بتاع 4 الاف ولا حاجه و هدايا 2 جنيه دهب و بارك سيسور.(الكلام ده حصل فعلا مع واحد صاحبي اشترى من سنتين).
بس و اضح من كلامكوا ان الوضع مختلف حالين, علي العموم انا هاسعي في اني احصل علي احسن سعر والله الموفق
شكرا لأهتمامك
جزاك الله خيرا , كده اوتو ايجيبت عليه شبه اجماع , هحاول معاهم واشوف ايه ظروف السعر و الأستلاماقتباس:
المشاركة الأصلية كتبت بواسطة ahmed_halim197
شكرا لأهتمامك
.اقتباس:
المشاركة الأصلية كتبت بواسطة ahmed.tv
.
.انا بقى محمد السيد
حظك وحش يا جميل انا خدت آخر عربيه فى السوق:biggrin2::biggrin2::biggrin2:.
بص انا لسه مستلم ومرخص من يومين والحمد لله.
وسألت عند كل المعارض والموزعين مفيش حد جاهز يسلمك وال EX . مع ال ABS عامله فى السوق دلوقتى 94 وقابله للزياده ل 95 فى اول شهر خمسه حسب ما كل الموزعين اجمعوا لان الانتاج قل عن الطلب.
وده لان الطلب زاد فى الوقت اللى احداث اليابان سببت شوية تأخير فى استيراد المكونات اليابانيه.
عموما انا برشحلك اوتو ايجيبت. ببساطه لأنهم فى عز الأزمه (اقصد قلة المعروض فى السوق لم يستغلوا الموقف ويزودا الف جنيه على الكام عربيه اللى كانوا فاضلين )
وبرده السبع ممكن يكون عنده عربيات متاحه بس الوان محدوده اتصل بيهم وشوف هوه سعره كان 94 وبيدوا كوبنات خصم 1000 جنيه تستعملهم لما تعمل الصيانه عندهم فى مركز السبع بحد أقصى 50 جنيه فى المره وهو برده مكسب.
.
.
وان شاء الله تلاقى عربيتك وتستلمها فى اقرب وقت وبسعر كويس.
ومبروك على القرار
.