العربية بتنتش وهي باردة ، بس لما بتسخن بتبقى تمام
غيرت بوجيهات وأبلاتين وكوندنسر وطقم فلاتر ومفيش فايدة
المشكلة فين؟
عرض للطباعة
العربية بتنتش وهي باردة ، بس لما بتسخن بتبقى تمام
غيرت بوجيهات وأبلاتين وكوندنسر وطقم فلاتر ومفيش فايدة
المشكلة فين؟
ممكن تكون من الكربراتير وخصوصا مسمار الهوا
بس انا عن نفسى المشكلة دى حصلت معايا دلوقتى بعد ظبط التاكيهات
العربيات الكربراتير يفضل انك تدورها و تسيبها تسخن دقيقتين ع الاقل قبل ما تتحرك بيها
عشان العادي بتاعه انه ينتش اما العربيه تبقى بارده
ممكن تكون الكهرباء ماخره شويه
المشكلة كمان يا جماعة العربية بتعذبني في الدوارة الصبح ، بتدور بعد رابع أو خامس مرة ، حتى بعد تغيير طقم الكهرباء والفلاتر ، نفس المشكلة زي ما هي
بالنسبة للكهرباء ، ظبطتها ولسه المشكلة زي ما هي
الكاربيراتير جايبه استيراد من 6 شهور وسافرت بالعربية بعد تغيير الكاربيراتير واستهلاك البنزين كان عشرة على عشرة بفضل الله ، والبوجيهات لما غيرتها ما كانتش مهببة ولا حاجة
المشكلة بعدها الكاربيراتير اتسد مرتين وفي أول مرة خلعته ونظفته والمرة التانية نظفته بنفسي بالاسبراي
هل ممكن يكون المشكلة في حاجة في الكاربيراتير؟؟