موضوع متكرر بس بجد محتاج اجابة واضحة
السلام عليكم.......يا رجالة برتون
السؤال المعتاد يا جماعة أنا عاوز أشترى جين2 و مش محتاج أقول ليه كل الناس عارفة المزايا و انها احسن قيمة للثمن اللى هيدفع فيها فى العربيات اللى موجودة دلوقتى
بس المشكلة فى العيوب و لو على قد عيوب التقفيل البسيطة ماشى مبلوعة بس المشكلة اللى ماتنفعاش تبلع هى موضوع الفرامل لان فى حالة دى ده عيب اساسى و بالذات فى عربية المفروض انها بتاعة جرى زى الجين 2
الكلام متضارب لأفصى درجة ناس بتقول تمام و ناس بتقول مش موجودة اصلا و كان لسة حتى مناقشة على الجروب بتاع الفيس بوك كل اللى هناك بيشهدوا انها فيها على طول مشاكل و فى بغض الأحيان مش موجودة أصلا :funny34d:
http://www.facebook.com/topic.php?ui...689&topic=6518
انا قريت معظم المواضيع اللى الناس هنا حاولوا و مشكورين لحل المشكلة زى موضوع الرجلاش بتاع الدواسة او موضع سحب الهوا بس انا شايف ان ما ينفاعش عربية جديدة و الناس اللى أشتروها هما اللى يجتهدوا و يدوروا على حل و ياريتها حاجة هينة مثلا زى صوت تزيق و لا حاجة دى فرامل يا ناس
بس من ناحية تانية الحمد لله بشوف العربية كتير قوى فى الشوارع دلوقتى و الحمد لله بردوا ماشية زى باقى العربيات و كمان بتهدى و بتقف عادى من غير لا قدر الله اى حاجة لان من كتر الكلام اللى سمعته عن عيب الفرامل انا متخيل ان جين بتقف بس لما بتخبط فى حاجة قدامها :khd: بس الحمد لله مافيش اى حاجة من كده دا هزار و ربنا يحفظ كل اللى سايقيين عربيات جين او غيرها
بجد انا نفسى فى القول الفاصل فى الموضوع ده مع العلم ان انا لسه جديد فى السواقة و ان شاء الله هتكون اول عربية ليا