السلام عليكم
لو سمحت يا جماعة انا كنت سمعت ان فى بدل تصدير وممتازة فى العاشر من رمضان
عايز اعرف اشترى منين فى العاشر من رمضان وايه اخبار الجودة والاسعار هناك؟؟
شكرا مقدما
عرض للطباعة
السلام عليكم
لو سمحت يا جماعة انا كنت سمعت ان فى بدل تصدير وممتازة فى العاشر من رمضان
عايز اعرف اشترى منين فى العاشر من رمضان وايه اخبار الجودة والاسعار هناك؟؟
شكرا مقدما
انا رحت مره فيه هناك مركز لبيع منتجات بدل عرفة وقريب منه خلف سيراميك كليوباترا مركز بيع كونكريت وجانبه محلين اخرين مشهورين بس بصراحة مش فاكر اسميهم معظمها بيكون بواقى تصدير وبيكون سعره كويس بس المشكلة ممكن بدلته تعجبك ومتلقيش منها مقاسك يعنى انت بتختار من المعروض وده معنى البواقى مش معناه انه فيه مشكلة
أقوي مركز دلوقتي في العاشر من رمضان
عرفة جروب ، ده أوتليت لماركات عالمية ،، جامد جدا خصوصا في الرجالي
الأطفالي و الحريمي تعبان
و بعدين كونكريت و براندز و حاجة جديدة اسمها المركز المصري الأوربي
كلهم في نطاق طريق مصر اسماعيلية
داليدرس و لورانزو اللي جوه ،، مش فاكر مكانهم
في واحد في مصر الجديدة بواقي التصدير ولكن مش فاكر العوان بصراحة انا جبت منهم مرة حاجات ممتازة بأسعار مش رخصية ومش غالية برضوا ها احاول اشوفلك العنوان في اقرب فرصة ..
متشكر يا جماعة بس رينج الأسعار ايه؟؟
متابع
متابع
لورنزو فى المنطقة الصناعية التانية جنب مصنع ميلكى لاند
عرفة فعلا احسن واحد فيهم وعنده حاجات تحفة للرجال انت أول ما تدخل انزل على الدور الأرضى علطول وعيش حياتك
كونكريت حلو جدا بس خد بالك لأن الحاجات اللى بيبيعها فيها عيوب صناعة يعنى لازم تفلى الهدوم من أولها لاخرها وانت وحظك فى العيب ممكن يكون فى التيكيت أو لسعة مكوة من جوا وممكن يكون عيب ظاهر من برا على العموم هما اصلا بيبقوا حاطين تكت على الهدوم يقولك فيه عيب فى كذا وكذا بس انت ممكن ماتفهمش المعنى فانت بقى تسأل البايع فين كذا وكذا يقوم يورهوملك أنا جيبت من هناك بنطلونين جبردين واحد كان زى الفل والتانى كان فيه نتشات ماخدتش بالى منها بس برضو شغال يعنى والبنطلون كان عامل 100 جنيه بس خامة نضيفة فعلا .
فيه واحد جنب كونكريت وده معقول بس مش الجامد قوى واسعاره برضو عادية .
فيه محل تانى كان قبل كونكريت بس مش فاكر اسمه خالص عنده برضو حاجات تحفة هو واجهته كلها ازاز وعبارة عن دورين وأول ما تدخل فى وشك حتلاقى عروض عاملها يعنى 3 قمصان ب 100 جنيه مش عارف 3 شرابات ب 10 جنيه حاجات من دى
اما المركز المصرى الاوربى ده تعبان اخر تسعين حاجة هو عبارة عن مدخل من اليمين لحاجات باسعار رخيصة بس اسعاره مش رخيصة وجودة خاماته مش قد كده وفيه مدخل تانى لحاجات المفروض بالسعر العادى والخامات الكويسة دى شغالة شوية بس عرفة وكونكريت احسن منه فى الخامات والسعر .
عندك لورانزو بدل كوسية جدا و اسعار معقولة لورانزو موجود بعد مصنع كادبورى اسعار البدل بتبقى فى حدود 300 تزيد او تقل مش كتير بس حاجات محترمة و كمان فى عندك المنفذ الاوربى دة بقى فيه كل حاجة بدل و كاجوال و احذية و اسعار متوسطة و فى حاجات غالية شوية بس نظيفة المنفذ الاوبى بعد عرفة جروب شوية على اليمين