الموضوع: وبدأ الضرب من تحت الحزام ............ربنا ينصرنا

المشاركة الأصلية كتبت بواسطة samcar

طب احنا بنحاكم- امريكا مانعه حتى المحاكمه عن معتقلى جوانتانمو - امريكا معروف انها بوشين - عادى - البحرين واليمن والدبح شغال فيهم - ويدوب شويه احتجاج- جنوب السودان اسر مسلمه كامله ابيدت ما سمعناش كلمه

تمام ... فعلاً أمريكا والغرب بوشين ومنافقين.

واحنا برضو منافقين. حد اتكلم عن الـ 26 اللي اتقتلوا في البحرين؟ ... سكتنا عشان دول شيعة ومتحرضين من ايران.
حد اتكلم عن دارفور لما مئات الآلاف من المسلمين الغير عرب اتقتلوا بايد مسلمين عرب؟ ... سكتنا عشان البشير عربي زينا وبيدعي انه اسلامي.
مصر نفسها بعد الثورة حولت توقف قرار الأمم المتحدة بشجب ممارسات بشار الأسد في سوريا. مجرد الشجب مش عقوبات.

كل الحكومات منافقة ... غربية وعربية.
لكن للأسف ساعات الشعوب نفسها بتبقى مواقفها مخزية ... زي موقف الشعوب العربية من دارفور ومن البحرين.

بس هيومان رايتس- منظمه منصفه لحد ما وايام مهزلة غزه هاجمت اسرائيل - المشكله ان منظمه زى دى ما لهاش قدره كبيره على الضغط - بتعتمد على الراى العام وده للاسف مغيب فى كتير من الاحيان

متفق معاك.

ما حدش بيدافع عن الجيش- الفكره ان الاشاعات دلوقت ماليه الدنيا - يبقى قبل ما نهاجم لازم نتاكد- اللى سمعناه كمان انه الاحكام العسكريه لما بينطعن عليها امام محكمه مدنيه ممكن تتلغى - المشكله ان ده زى ما بيحمى البرئ بيساعد البلطجى-
المطلوب وعى وعنين صاحيه واصوات ما تسكتش على الظلم - لكن هجوم على جهه معينه لمجرد كلام اتقال يبقى ممكن يكون خطر لانه بكده اى اشاعه حتقلب الناس على بعضها - مطلوب كياسه وشجاعه وتكاتف- يعنى لو فى ظلم مارميش كلمه واجرى اشوف اللى اتظلم واجمع اللى اقدر عليه من الناس معايا وصوتنا يعلى - مش ابقى زى اللى شاف حرامى او اتهيأ له انه شاف حرامى اقول حرامى واقف مكانى استنى الناس تجرى وراه وانا اتفرج ولو ماحدش جرى اقول شوف الناس الجبنا