أجيب أجهزة كهربائية منزلية منين فى القاهرة؟؟؟
السلام عليكم و رحمة الله و بركاته
أنا -عقبال عندكم و عقبال أخواتكم و أولادكم- أختى هتتجوز -ان شاء الله- قريب, و بالتالى مطلوب مننا أننا نجيب ثلاجة و غسالة أتوماتيك وبوتوجاز.
فكنت عاوز أعرف حاجتين:
1 - ايه أفضل مكان أجيب منه الأجهزة الكهربائية من القاهرة من حيث أنه يكون مكان مضمون و سمعته كويسة, أنا أصلا من المنصورة, يعنى الموضوع يستاهل أنى أروح القاهرة مخصوص و لا ممكن يتنصب عليا و الأفضل خلينى هنا فى المنصورة؟؟؟
2 - الحاجة التاني, هى ايه أفضل الماركات اللى أجيبها من الثلاجة و الغسالة الأتوماتيك و البوتوجاز ؟؟؟
3 - هل ماركة أريستون فى الغسالات الأتوماتيك أفضل و لا lg ؟؟؟؟
شكرا و جزاكم الله كل خير و عقبال عندكم و نجاملكم فى الأفراح ان شاء الله.