بعد اعلان قيام محافظتين جدد .... نتوقع ايه ؟؟؟

**M_HaFeZ** · 18-04-2008 08:27 PM

اللى كان نايم امبارح فى محافظه صحى لقى نفسه فى محافظه تانيه ولسه على ماييجى الصبح
وياعالم ايه العلاقات دلوقتى بين المحافظتين فى علاقات دبلوماسيه بين القاهره وحلوان وفى اتفاقيات تبادل ميكروباصات ولا لأ

وياترى الجنيه المصرى يساوى كام جنيه حلوانى على كده
واللى تليفونه اوله 2 علشان القاهره يزود له كام علشان بقى حلوانى
طيب وايه مصير اللاجئين اللى ساكنين فى اواخر المعادى ومشارف حلوان
وياترى ايه الاقتراحات السلميه لتبادل الخبرات بين المحافظتين

وياترى نقدر نشوف قيام محافظه فيدراليه وليها قوانين خاصه ليهم
يعنى تعمل حادثه مثلا على الاتوستراد وانت فى صقر قريش تجرى وراك الشرطه ولما تقرب من حلوان الشرطه تبعد عنك وانت تبقى هربت

وياترى اسعار الحاجه فى حلوان هتبقى زى القاهره ولا هيعتبروها محافظات وارياف وكده ؟

اسئله كتير اوى ده غير موضوع التراخيص ودى اكبر مشكله
تراخيص السيارات مثلا هتبقى ايه نظامها
والارقام القديمه ملاكى القاهره هتتغير بنفس الرقم
على اساس زى خدمات المحمول الجديده انقل لمحافظه تانيه بنفس الرقم !!!لا

**OlaOsman** · 18-04-2008 08:52 PM

اللي سمعته كمان ان القاهرة الجديدة بأت تبع محافظة حلوان.. صح الكلام ده؟

**M_HaFeZ** · 18-04-2008 08:53 PM

تقريبا الكلام اللى سمعتيه صحي ياعلا
التوزيع غريب والناس هتاخد وقت على ماتعرف هى فى انهى محافظه دلوقتى

**Noha.M** · 18-04-2008 08:57 PM

المشاركة الأصلية كتبت بواسطة OlaOsman

اللي سمعته كمان ان القاهرة الجديدة بأت تبع محافظة حلوان.. صح الكلام ده؟

صح ياباشاااا و الرحاب و كل التجمع من الاول الى الخامس و 10 مايو الشروق و بدر الى الهايكستيب

**M_HaFeZ** · 18-04-2008 08:58 PM

برضه سؤال وجيه ... هيبقى فى قطر يربط المحافظه الجديده حلوان ولا هتقع من الحسابات ؟
وهيبقى فى موقف سوبر جيب حلوان ولا الناس هتتضطر تروح اقرب محافظه تركب اتوبيس من هناك؟

طيب واللى مش عاجبه حال البلد .. ممكن يسافر يقعد كام يوم فى حلوان على اساس تغيير جو
ويرجع يقول اه ياغربتى ؟

**Noha.M** · 18-04-2008 08:58 PM

دة القرار الجمهورى :

(المادة السادسة)
تنشأ محافظة جديدة باسم محافظة حلوان،ويحدد نطاقها وحدودها الادارية طبقا للخريطة المرفقة وعلى النحو الاتى:-
-الحد الشمالى:الحدود الادارية مع محافظتى الشرقية والقليوبية والحدود الادارية مع محافظة القاهرة.
-الحد الجنوبى:الحد الادارى الجنوبى لمحافظة القاهرة سابقا بدءا من الحد الادارى
لقسم التبين وحتى الحدود الادارية لمحافظة السويس وفقا للتحديد المرفق.
-الحد الشرقى:الحدود الادارية لمحافظة السويس.
-الحد الغربى:امتداد نهر النيل من الحد الادارى لقسم البساتين شمالا حتى نهاية الحدود الادارية لقسم التبين جنوبا.
وتنضم الى محافظة حلوان المدن الجديدة:15 مايو-الشرق-بدر-القاهرة الجديدة-الهايكستيب الى قسم المعادى.
(المادة السابعة)
تنشأ محافظة جديدة باسم محافظة 6 أكتوبر،ويحدد نطاقها وحدودها الادارية طبقا للخريطة المرفقة وعلى النحو الاتى:-
-الحد الشمالى:الحدود الادارية لمركز أوسيم وامبابة ومدينة السادات (محافظة المنوفية).
-الحد الجنوبى:الحدود الادارية لقسم 6 أكتوبر على حدود محافظة الفيوم.
-الحد الشرقى: الحدود الادارية لمحافظة الجيزة ونهر النيل بداية من الحد الادارى
لمراكز الجيزة والحوامدية شمالا حتى مركز البدرشين جنوبا.
-الحد الغربى:الحدود الادارية لمحافظتى البحيرة ومطروح.

**M_HaFeZ** · 18-04-2008 09:02 PM

وعلى كده مش بعيد نشوف فى الجرايد واحد بيعلن عن عماره او شقه
"ذات واجهه تطل على محافظتين " !!

**Noha.M** · 18-04-2008 09:02 PM

يا جماعة مش الصف دى كانت فى الجيزة؟؟

بقت تبع محافظة الفيوم

**M_HaFeZ** · 18-04-2008 09:03 PM

مبلاش الاسمايلى ده يا اونا
لحسن حد يفهمك غلط :)

**Noha.M** · 18-04-2008 09:04 PM

المشاركة الأصلية كتبت بواسطة M_HaFeZ

وعلى كده مش بعيد نشوف فى الجرايد واحد بيعلن عن عماره او شقه
"ذات واجهه تطل على محافظتين " !!

hahahahahaha

helwan and cairo view

الموضوع: بعد اعلان قيام محافظتين جدد .... نتوقع ايه ؟؟؟

LinkBack

أدوات الموضوع

عرض

-

-

-

-

المواضيع المتشابهه

ماذا نتوقع من المجلس العسكرى..؟ د.علاء الأسواني

فى مثل هذا اليوم: قيام الكيان الصهيونى على أرض فلسطين

الكلمات الدلالية لهذا الموضوع

المفضلات

المفضلات

ضوابط المشاركة