تغيير فلتر البنزين للفيرنا

**Ashraf_Ibrahim** · 01-05-2011 01:04 AM

المفروض كنت اغير فلتر البنزين في صيانة ال 20000 كم
المهم انا مغيرتهوش لأن العربية تمام ومفيش منه مشاكل
المهم قريت كام مقالة عن اضرار عدم تغيير فلتر البنزين وبعد ما قريت قلت لا لابد يتغير انا مش هوفر على حساب العربية
ودورت على النت على فيديوهات لكيفية تغير فلتر البنزين للفيرنا واتفرجت عليه
لقيت الفيديو بيغير الفلتر في 3 دقايق بالظبط قلت تبقا الحكاية بسيطة وزي الفل وتمام واعملها انا بدون مشاكل
بدأت شغل الساعة 7
فضيت شنطة العربية طبعا
وقمت داخل جوا الشنطة وقعدت فيها وفكيت الكنبة
وبعدين اتنقلت للخطوة التانية اللي خدت وقت كبير وهو اني افك كلبسات الكنبة من جوا
انا مكونتش عارف بتتفك ازاي بس في النهاية وصلت للطريقة وفكيتها
وصلنا للمرحلة المهمة بقا وهي تغيير الفلتر نفسه
ااولا الفلتر مزنوق في مكانه جدا وبيخرج بصعوبة بس خرجته
جيت اغير الفلتر بقا
الفيديو اللي اتفرجت عليه الفلتر لما اتغير اتغير بسلاسة
انا يا دوب لسة بشيل الكلبس واشيل الخرطوم لقيته بينطر بنزين طبعا قمت كابسه بصباعي وعملت عملية تغيير سريعة
المشكلة اللي بعد كدة كانت في اني ارجعه مكانه لأن فعلا المكان ضيق جدا
المهم الحمد لله ركبته ورجعته مكانه وقفلت عليه
قلت اجرب العربية قبل ماقفل الشغل بقا
دورت العربية اول مرة ما دارتش ودا طبيعي جدا
تاني مرة دارت المهم قعدت اديها شوية بنزين وبتاع عشان اتأكد انها تمام كدة وكان زي الفل
جينا بعد كدة لمرحلة تقفيل الشل واللي كانت أسوأ مرحلة
مبقيتش عارف اعمل الكلبسات من جوا الاول واللا المسامير من جوا الشنطة الاول؟
جربت الكلبسات الاول وبعدين المسامير ماتربطتش
قلت يبقا العكس
وبعد عناء ربطت المسامير ومن ثم عملت الكلبسات الحمد لله وبكدة اكون غيرت فلتر البنزين بنفسي
رغم ان عملية التغيير اللي انا اتفرجت عليها على النت واللي استهلكت 3 دقايق بس واستهلكت معايا ساعتين كاملين من الشغل إلا إني كنت سعيد جدا لما وصلت لفلتر البنزين وغيرته بنفسي
هي مش شغلانتي فعلا ولكن الشعور انك عملت الحاجة بنفسك بمجرد ما شوفتها دا احساس رائع جدا
الوقت كان طويل والعملية كانت متعبة فعلا بس انا فعلا سعيد بالتجربة دي بغض النظر عن الهدوم اللي باظت والتعب اللي شفته بس تجربة ادعو الجميع لتجربتها اننا ممكن نعمل الحجات البسيطة عندنا في البيت يا شباب !
معلش دوشتكم

**egyptiandiver** · 01-05-2011 02:53 AM

I change the gasoline filter myself in my Daewoo lanos, I also wash the air filter with a mix of soap & water the "dry" the air filter then put it back the next day when it is dry, I also change the spark plugs myself... I don't go to the mechannic unless I don't know how to make something in my car

**fineart607** · 01-05-2011 03:12 AM

كنت بغيره فى اى ورشة ب10 جنية وبصراحة طلع سهل جدا وبقيت اغيره بنفسى ومش محتاج فك الكنبة انت بتشيل بس المقعد بتاعها بسهولة وتفح ومش تقلق مره مع مره هيبقى سهل جدا صحيح انا عامل 52000 وغيرته كده حوالى 3 مرات كده كويس ولا لا

**swimmer25** · 01-05-2011 09:02 AM

هو ليه الفلتر مش في صدر العربية زي اللانوس...ولا ده فلتر تاني بعد طرمبة النزين؟

**rooby** · 26-12-2012 02:22 PM

السلام عليكم
انا لاسف غيرت فلتر البنزبن فى التوكيل ابورواش المهم فكوا الكنبة و انا مخدتش بالى انهم مرجعوهاش تانى مكانى لاسف مش عارف اركب الكنبة لحد دلوقتى كلبس واحد بس هو اللى ماسك و التانى كل ما اركبة يطلع تانى من مكانة ممكن يحد يساعدنى ويقولى على حاجة انا مش واخد بالى منها .

**akmm** · 27-12-2012 12:59 PM

؟؟؟؟؟؟؟؟؟؟؟؟؟؟؟؟ بس هو الفلتر ليه مكانه مزنوق كده ؟

**hosam2011** · 30-12-2012 06:18 AM

هو الموضوع سهل مش صعب
بس الفديو ما ينفع لأنك لازم تاخد احتياطات زي مثلا
متسبش الكونتاك مفتوح - لازم تبيت الجوان كويس فوق الطرمبة - لازم تعمل اختبار للفلتر الجديد على الأقل بفمك بتنفخ