عربية دايرة ومقفولة لمدة 4 ساعات في باركين الكلية

ماشي انا وواحد صاحبي في الباركينج
وانا ماشي حسيت بصوت كدة مش طبيعي جاي من ناحية عربية مركونة
أفتكرت في حاجة جمبها عاملة الصوت
مشيت خطوتين ومقدرتش
رجعت تاني قربت منها
الصوت جاي منها !
ببص حواليا لقيت واحد اقف بيكلم واحد راكب عربية .. فقلتله عربيتك ؟ .. قالي لأ
ناديت بتاع الباركينج ووريتهاله
قالي ده من بدري راكنة !
مش عارف بقي دي دايرة أزاي !!!!!
يعني مفيهاش مفتاح ولا حتي شكل سلك متوصل ولا حاجة !
سيبتها ومشيت وبعدها ب 4 ساعات رجعت .. لسة برضه
وهنا بقي صورنا فيديوهين انا وصاحبي ده

بغض النظر عن حالة التهييس العام ... بعد يوم دراسي في هلوسة عين شمس :)))
ده صاحبي اللي مصوره
YouTube - Citroأ«n AX car running without key !! (part1)
:))
وده انا اللي مصوره
YouTube - Citroأ«n AX car running without key !! (part2)

ولسه يا ما هاتشوف ما انت فى هلوسة عين شمس "صحيح"
اصل اخوك كان برده فيها
انا دفعة 53 سنة 2003
وكان احلى يوم فى حياتى يوم التخرج رحنا برطعنا فى الكونرد كل دفعة الميكانيكا اعبالك

كان عندنا اوبل اوميجا
كنت بشغلها واسحب المفتاح واسيبها دايره تسخن وارجع افتحها وامشي
متوده دايما

وكان عند اخويا كامري كان مركبلها جهاز انذار ممكن يشغل منه العربية عشان تسخن واول اما يتفتح الباب بتطفي


معرفش دي وضعها ايه بقا...

اقتباس:

---

المشاركة الأصلية كتبت بواسطة pedro732000

ولسه يا ما هاتشوف ما انت فى هلوسة عين شمس "صحيح"
اصل اخوك كان برده فيها
انا دفعة 53 سنة 2003
وكان احلى يوم فى حياتى يوم التخرج رحنا برطعنا فى الكونرد كل دفعة الميكانيكا اعبالك

---

ههههههههههه
أبو زمل :)
والله بيحصل حاجات غريبة في الكلية ده وسببها الكلية ده :)
يا رب نخرج منها علي خير ومفيش حاجة تضرب :)))))

اقتباس:

---

المشاركة الأصلية كتبت بواسطة hm414

كان عندنا اوبل اوميجا
كنت بشغلها واسحب المفتاح واسيبها دايره تسخن وارجع افتحها وامشي
متوده دايما

وكان عند اخويا كامري كان مركبلها جهاز انذار ممكن يشغل منه العربية عشان تسخن واول اما يتفتح الباب بتطفي


معرفش دي وضعها ايه بقا...

---

مش عارف الحقيقة
بس أزاي مثلا نزل ومحسش أنها دايرة !
والله العربية صعبت عليا :)
والجميل بقي أن صاحبي ده كان لسة عامل سيرش عن كتاب سحر ( شمس المعارف )
مش هيقراه .. ده بس فتح wiki شاف هو أيه الكتاب ده
ومن ساعتها وفي حاجات جميلة بتحصل :)

اقتباس:

---

المشاركة الأصلية كتبت بواسطة hm414

وكان عند اخويا كامري كان مركبلها جهاز انذار ممكن يشغل منه العربية عشان تسخن واول اما يتفتح الباب بتطفي


معرفش دي وضعها ايه بقا...

---

انا برده برجح الفكرة ديه أن صاحبها ضغط علي الريموت بالخطأ و العربية دارت و طبعا اصبحت دايرة كل الفترة ديه

بس السؤال اللي عايز اسأله للناس الفاهمين في الميكانيكا ..
انا بشوف لما عربية بتتلين عند حد بيسيب المكنة شغالة فترة كبيرة اوي
هل لو العربية اصبحت دايرة في الوضع الحالي هل تبقي مشكلة ولا في فرق بين التليين ووضع دوارة العربية دلوقتي ؟

اقتباس:

---

المشاركة الأصلية كتبت بواسطة peaceman

انا برده برجح الفكرة ديه أن صاحبها ضغط علي الريموت بالخطأ و العربية دارت و طبعا اصبحت دايرة كل الفترة ديه

بس السؤال اللي عايز اسأله للناس الفاهمين في الميكانيكا ..
انا بشوف لما عربية بتتلين عند حد بيسيب المكنة شغالة فترة كبيرة اوي
هل لو العربية اصبحت دايرة في الوضع الحالي هل تبقي مشكلة ولا في فرق بين التليين ووضع دوارة العربية دلوقتي ؟

---

منظرها مايديش علي أن ليها ريموت بيعمل كدة
دانا ماعملهاش في عربية ب 100 ألف حتي

بالنسبة للسؤال
انا مابشوفش حد سايب العربية دايرة كتير في التليين
التليين ليه طريقته .. تحميل تدريجي علي الموتور
بالنسبة للوضع اللي هي فيه دلوقتي
عادي .. أستهلاك بنزين بسسسسسسس
مفيش أي خطورة من أي حاجة
ألا بقي لو كانت مفضية مية والمية فضيت والعربية سخنت .. حوار يعني

حصلت قدامي حاجة شبهها كدا .. كنت بغسل في البنزينة و العربية اللي قدامي كانت دايرة و الواد اللي بيغسل قفل السنتر و راح رازع الباب .. صاحب العربية كان هيعيط و اخد مواصلات لحد بيتة جاب المفتاح التاني

اقتباس:

---

المشاركة الأصلية كتبت بواسطة osama.m

حصلت قدامي حاجة شبهها كدا .. كنت بغسل في البنزينة و العربية اللي قدامي كانت دايرة و الواد اللي بيغسل قفل السنتر و راح رازع الباب .. صاحب العربية كان هيعيط و اخد مواصلات لحد بيتة جاب المفتاح التاني

---

هو انا شكيت في كدة
وخصوصا انها حصلتلي قبل كدة .. ومفيش سبير أساسا :untitled 1:
بس بجد ... اللي شافني عملت أيه وميعرفنيش هيقول أني حرامي أكيد

بس ماعتقدش أن ده اللي حصله
عشان بتاع الباركينج قالي أنه دخل من بدري وهو جوة في الكلية
بس برضه أحتمال :)

لو كنت سديت الشكمان بكعب الجزمة كانت بطلت
مررة حصلت معايا بسبب سنتر الالانترا الغبي قفل على العربية وهي دايرة والمفتاح السبير على بعد 130 كيلو ،مش عارف اوصفلك شعوري كفاية اني سافرت مواصلات جبته وجيت

انت فى هندسة عين شمس يا eng geo
معايا يعنى انا برضة فى هندسة عين شمس
على الاقل كنت اكتم فعلا الشكمان زى ما الاخ ralliart قال عشان تبطلها

بس انا مش عارف افهم ازاى دايرة ومفيهاش مفتاح ؟؟؟؟ يعنى لو جالها حرامى هتبقى مشكلتة الباب بس

اقتباس:

---

المشاركة الأصلية كتبت بواسطة pedro732000

ولسه يا ما هاتشوف ما انت فى هلوسة عين شمس "صحيح"
اصل اخوك كان برده فيها
انا دفعة 53 سنة 2003
وكان احلى يوم فى حياتى يوم التخرج رحنا برطعنا فى الكونرد كل دفعة الميكانيكا اعبالك

---

ابو زمل .... كمبرورار يا باشا :grin54:

عندنا مازدا قديمة بعمل نفس الحوار بنزل ادورها واطلع المفتاح واقفلها واسيبها تدور شويا علشان البطارية وانزل لها بعد شويا :)

كنت سديت شكمانها كانت بطلت

موضوع الشكمان ده جه في دماغي
كنت بفكر أجيب قماش و أبلها مية و أحشرها في الشكمان
بس الحقيقة قلت بلاش
ييجي صاحبها يلاقينا بنعمل كدة في العربية والعربية دايرة
مش هيقول بتعملوا أيه :)

حصلت معايا قبل كدة دورت العربية ونزلت والباب سنتر عليها وفضلت دايرة لحد ما جبت المفتاح التانى

حصلت مع واحد صاحبى كان اشترى منى عربيتى القديمة .. و كانت أول عربية يسوقها .. و كان الكونتاكت بتاعها بايظ .. و ركنها تحت الشركة و نسيها دايرة لحد ما البنزين خلص و بطلت.

شكله سايبها تلين فعلا

عندي فوبيا من موضوع ان السنتر يعلق والمفتاح جوا مع انه معلقش معايا قبل كده بس عمري ما بنزل من العربيه وهي دايره الا لما افتح الازاز شويه .. مش عارف لو ركبت مكن رفع هعمل ايه :))

من باب الكوميديا دى على فكرة انا كان عندى فى 128 بتاعتى مرة الكونتاكت باظ وانا بركن جنب قهوة قدامها على طول


واذ باليفون من القهوجى الساعه 3.30 الفجر بيقلى عربيتك بتمشى لوحدها الحق شوفها


طبعا انا قلت انه اكيد عامل دماغ ومش طالباة قفلت التليفون وكملت نوم تانى يوم بقى
لقيت العربيه واقفه بعد مكانهنا بحوالى 150 متر تقريبا
و بطاريتها مفكوكه ومحطوطه فى القهوة بقله فى ايه قلى يعم منا كلمتك بالليل وانت نفضلتى اتارى العربيه انا مديها اولانى وسايبها دارت مع الاولاتى بقت بتمشى مش عارفين يفتحوها فى ميكانيكى كان قاعد على القهوة فتح الكبوت وفك الباطريه وشالها فى الفهوة القهوجى بيقلى عربيتك قطعت الخلف لكل اللى على القهوة بالليل

تلاقية عامل زرار فصل كهربا اللي بيتوصل بالموبينة لازم تفصله عشان العربية تبطل حتى لو الكونتاك مقفول أنا عامله و حصلت معايا كذا مرة وبرجع تاني أفصله عشان صوت العربية واطي ممكن أنسى

صاحبها بيلين الموتور

طيب ما كنت تستني صاحب العربية و تسئله