الموضوع: ايه افضل نسخة ويندوز xp sp3 فى رأيكم عن تجربه؟؟

متابع للإستفاده

المشاركة الأصلية كتبت بواسطة SYD

اولا السلام عليكم ورحمة الله وبركاته
اعرفكم بنفسي
انا محمد سيد،
مدرب تقني Technical Instructor
مهندس نظم System Engineer وخصوصاً مايكروسوفت
حضرتك مفيش حاجة اسمها احسن نسخة ويندوز اكس بي
والي حضرتك قولته دة في حد ذاته اسم نسخة
الحكاية ومافيها
مايكروسوفت عاملة نظام تشغيل Operating System اسمه ويندوز
هذا الويندوز له نسخ Versions من ضمنها Microsoft Windows XP
هذا الاكس بي له حاجة اسمها أصدارات Editions
صنفت هذه الأصدارات علي مجموعتين
1- لمستخدمي البيوت Home Edition
2- للمحترفين او بمعني أخر للشركات والأنضمام للشبكات بشكل محترف وأكثر Professional
هذه المجموعة (المحترفين) نزل منها اكثر من طبعة (اصدار)

1. XP Professional
2. XP Tablet PC
3. XP Media Center
4. XP 64 bits

لكل طبعة او اصدار من هذه المجموعة حاجة اسمها الحزمة الخدمية Service Pack وبتختصر الي SP
ولهذه الحزم الخدمية حكاية اعتقد ان عندنا وقت عشان احكيهالكم
في بداية اطلاق نظام التشغيل مايكروسوفت بتنزل نسخة تجريبية Beta وبتطرحها غالبا من خلال موقعها علي الانترنت وطبعا بتكون مجانية
وكما نعلم مش مجانية لطيبة قلب بيل جيتس او مايكروسوفت عاملاها لله
لا طبعا، دة عشان حضرتك وانا وكل الناس تشغلها وتطلع عيوبها
مثلا حضرتك مصمم جرافيك وليك برامج معينة
انا مثلا محاضر وليا برامج معينة
زيد محاسب وليه برامج معينة
عبيد بيلعب جيمز وله برامج معينة
كل واحد فينا طلعله خطأ Error او قصور في النظام من ناحية الامان Security
فبتظهر رسالة توقف Stop Message وفيها خيارين اما ارسال تقرير Send Report او الغاء الامر Cancel
المفروض طبعا بنرسل تقرير
التقرير دة بيروح لمايكروسوفت او بالتحديد Microsoft Quality Labs بتقوم بتشخيص الخطأ وتحليله ومحاولة معالجته، تظل علي هذا الحال لحد لما تنزل حاجة اسمها الاصدار المقترح او المرشح Candidate Release
وبعد كدة تنزل الاصدار النهائي Final Release وتطلق عليه الأسم التجاري
الاكس بي نزل النسخة التجريبية بتاعتها سنة 2001 بأسم Windows Whistler
ثم بعدها بسنة اي عام 2002 نزلت النسخة النهائية بأسم Windows XP واكس بي اختصار لكلمة Experience وعلي فكرة احيانا بيطلق عليها اسم ويندوز 2002
طبعا الكمال لله وحده
بعد لما بتنزل النسخة النهائية Final Release بردو المستخدمين بيظهروا عيوب في النسخة وبيبعتوا تقارير ومايكروسوفت بتحلل وتعالج وتنزل اصلاحات علي اكثر من شكل
Batches
Hot Fix
Security Update
Windows Update
وطبعاً لكل واحد منهم حكاية
طب ولما تنزل هذه الاصلاحات انا كمستخدم في البيت هحصل عليها ازاي؟؟؟
طبعا عن طريق موقع مايكروسوفت Microsoft Update
وطبعا نسخة الويندوز بطريقة تلقائية بناء علي جدول زمني بتقوم بزيارة الموقع وتحاول التحقق من انها محدثة Check for Updates وبناء عليه النسخة اذا وجدت تحديث جديد تقوم بتنزيله وبهذا تكون دائما محدثة Updated
طب بعد سنتين مثلا انا نزلت النسخة من اول وجديد هل هنزل كل التحديثات الي تمت خلال سنتين؟؟؟؟
لا طبعا، مايكروسوفت بتجمع كل فترة مجموعة من التحديثات Updates وتنزلهم في شكل حزمة خدمية Service Pack وبالتالي ظهر عندي SP1 و SP2 وأخيرا SP3 وبدأت تدمجهم مع النظام في نفس الأسطوانة عشان توفر عليك وعلي نفسها انك تدخل تنزل الحزمة الخدمية SP
وبالتالي بعد كل دة أعتقد الصورة وضحت لحضرتك ان مفيش حاجة اسمها احسن نسخة XP SP3
الحكاية ومافيها انه بيحصل تعديل علي ايد حد مخرب طبعا وليس مايكروسوفت ويدخل شوية صور وثيمات واصوات ومؤثرات ويقولك عليها ويندوز اسلاميك مثلا او ويندوز الاهلي او ويندوز ابوتريكة او ويندوز اكس بي فيستا وشوية عك علي لخبطة وكله من ورا مايكروسوفت وماحدش حاسس بحاجة ومصر بعد الثورة غير مصر قبل الثورة وفتح مخك يا استاذ
أتمني تكون الصورة وضحت واكون قدرت اوضح بعض النقاط الي اكثرنا لا يعلم عنها شيئ

توضيح اكثر من ممتاز ولو تكمل جميلك وتبعتلنا ملف به نسخة xp professional بالسيريال الحقيقى بتاعها علشان نعمل ليها update علشان نحصل على التحديثات وننتقم من النجمة اللى بتظهر لو استجبنا للنسخة المزيفة وعملنا ليها update وتقبل خالص شكرى

بعد تجربة العديد من النسخ المعدله والخام حوالى 30 نسخه لاقيت افضل نسخه كانت معدله اسمها sico xp sp3
دور عليها هى قديمه شويه ومتعدله من احد الاشخاص من 3 سنين ومبنيه على نسخه sp2 اساسا بس بصراحه نسخه تحفه

نصيحة

استخدم نسخة اصليه غير معدلة

لو انت في الجامعة ممكن تشتري واحدة اصليه مسجلة باسمك بسعر 10 جنيه فقط

نزل 7

المشاركة الأصلية كتبت بواسطة ahmed_nubira

نزل 7

+1
بشرط ان امكانيات الجهاز تسمح.