عرض للطباعة
مطلوب نصيحة :
بافكر اطلع شرم الشيخ .. انا معايا فيليشيا 1996 , المسافة حوالي 750كم .. والطريق قطعة وبدون خدمات تقريبا .. وأنا معايا أسرتي والأولاد .. يعني أي حركة ندالة ... حيكون مشكلة كبيرة
أتوكل على الله .. ولا خليني في السوبر جيت أحسن .. ولو ينفع أسافر بالعربية أعمل إيه قبل ما سافر ,, واخد معايا أيه للطورائ ..
مع اعتبار الموضوع عاجل .. وشكرا للاهتمام
لا يا فندم خليك فى الامان وسافر بالسوبر جيت ....لأن محدش ضامن اى حاجةاقتباس:
المشاركة الأصلية كتبت بواسطة koko2002
ينفع بإذن الله على حسب حالة السيارة وأعطالها
لو تقريبا بدون أعطال توكل على الله
لازم تشيك على الزيوت طبعا والسيور تكون فى حالة جيدة
شيك على البطارية
شيك على دورة التبريد وحرارة العربية
الكاوتش ميكونش فيه فردة مليئة باللحامات ويكون ترصيصه سليم
لازم معاك منفاخ الطوارئ وحبل قطر وزجاجات ماء
طالما السكة طويلة أظن مفروض تاخد كمان جركن بنزين
وتاخد الطريق على مراحل علشان تستريح وتريح العربية
بس
وإن شاء الله بالسلامة
حتى لو العربية سليمة 100 % فالطريق فيه صحراء كتير وفى المدام والاولاد
ليه القلق بس
نصيحة من اخ صغير بلاش
خليك فى الاتوبيس اضمن
اقتباس:
المشاركة الأصلية كتبت بواسطة koko2002
انتا حضرتك مش موضح الاستفسار بخصوص ايه
انو الطريق متامن و له مش متامن يعنى بخصوص تامين الطريق و له عن العربيه تسافر و له لا
ممكن تدخل و تسال فى المنتدى و الاخوههنا هيفيدوك فى الموضوع ده
بخصوص تامين الطريق
و ده للينك
دليل الطرق الداخلية وطرق السفر - :: نــايــل مــوتــورز:: - :: NileMotors.net ::
اما بخصوص الاستفسار عن العربيه تقدر تروح و له لالالالالا
انا من راى تقرا الموضوع ده و هيفيدك جامد وركز فى هيفيدك جداااااا
و على الاقل اتعرف على فليشيتك وشوفها هتعمل معاك ايه
http://www.nilemotors.net/Nile/215088-a.html
هو ده قلى اقدر افيد بيه حضرتك
تروح و ترجع بالسلامه
بس اقرا الموضيع كويس
فعلا السؤال مش واضح اذا كان علشان الفلشيا ينفع تقطع المسافه دى او عن امان الطريق
اقتباس:
المشاركة الأصلية كتبت بواسطة koko2002
السلام عليكم و رحمة الله و بركاته
1- بالنسبة للأمان متقلقلش الطريق أمان جداً.
2- بالنسبة للخدمات كل حوالى 100 كيلو عندك بلد صغيرة (القاهرة - السويس أو النفق - عيون موسى - ابو رديس - ابو زنيمه - الطور- شرم الشيخ ) فيها محطة بنزين و محلات و تصليح كاوتش.
3- يفضل السفر الساعة 3 بليل علشان حرارة الجو يعنى إن شاء الله الوصول حوالى 10 - 11 صباحاً.
على فكره انا بسافر الطريق ده كل شهر مرتين فى الأجازة لدهب مش شرم و معايا الأسرة .
بالنسبة للسوبر جيت حوالى 90 جنيه للكرسى يعنى × 4 افراد رايح جاى التكلفة حوالى 720 جنيه بالإضافة حتنزل فين فى شرم لأن المواصلات فى شرم الشيخ غاليه جداً إلا لو حتركب ميكروباص انت و حظك .
يعنى لو قاعد فى مارينا و عايز تروح السوق القديم بالتاكسى 40 جنيه رايح و 40 جنيه جاى و الميكروباص جنيه للفرد.
غير انك لو عايز تروح راس محمد بالمواصلات مش أقل من 200 جنيه.
يعنى من الأخر الانتقالات فى شرم عايزه ميزانيه لوحدها.
يارب اكون ساعدتك بأى معلومة.
والله واحد صاحبي كان بيطلع شرم مع ابوه و اخواته ب 132 موديل 76اقتباس:
المشاركة الأصلية كتبت بواسطة koko2002
و مكنش في اي مشاكل
اقتباس:
المشاركة الأصلية كتبت بواسطة osama_i
الكلام ده صح و زى الفل بالأضافه للتأكد من تجهيز السياره للسفر و تروح و تيجى بالف سلامه
تسافر ايه المشكله الا لو كانت العربيه فيها مشاكل
انا كنت بسافر شرم الشيخ وطابا بعربيتي القدبمه وكانت فيات 125 وبدون راحه في الطريق
وكان في ناس اعرفها معاها 127 كانت بتسافر بيها شرم
اظن ان اي عربيه سواء كانت قديمه او حديثه
طالما
دوره الزيت ودوره التبريد بدون مشاكل
ومعاك كاوتش كويس
والموتور كويس تسافر اي مكان
هو صاحب الموضوع سافر و سابنا من غير ما يرد علينا و يقولنا حد عاوز حاجه من هناك
انا لسة مسافرتش .. وأعتقد أن الحاجة الوحيدة اللي ينفع أجيبها من هناك .. معرفش إذا كانت قواعد الموقع تسمح إن أقولها ولا لأ .. المشكلة أن الرأيين تقريبا متساويين .. رأي يقولك خليك في المضمون وبلاش تهور .. ورأي يقولك اتوكل على الله .. في الحقيقة أنا العربية عندي مطظبتة بس هي مشكلة وحيدة بس إنها بتسخن على السرعات العالية بس يعني فوق 130 كجم / ساعة , وهو ده اللي قالقني ..
ممكن بس يكون معاك :
1- عده متنوعة وحته سلك كهرباء وشوية فيوزات .
2- كابل دبرياج .
3- كابل اكسلاتير .
4- خرطيم مياه بتاعت دورة التبريد احتياطى .
5- حبل .
6- 2 جركل مياه .
7- 1 جركل زيت موتور .
8- كاوتش جديد واستبن .
9- استراحة على فترات خلال الطريق فى اماكن امنه .
8- تمشى على سرعة امنه تريح العربيه ما بين 110 الى 120 وممكن 130 بس مش لمدة طويله .
9- رصص العجل .
10- بلاش السفر ليلا فى الطرق دى .
وتروح وترجع بالسلامه ان شاء الله
اهم حاجه العربيه ميكونش فيها مشاكل انا كنت بسافر شرم بالشاهين وكانت موديل 93 وزى الفل محصلش حاجه
مبدئيا السكه حتاخد حوالى 10 ساعات (الكلام ده بالاستراحات بكل حاجه) لو انته ماشى سرعه معتدله وملكش فى الجرى وطبعا لما تيجى تسافر من اسكندريه ابتدى تتحرك بدرى اوى يعنى على الساعه 3 الصبح مثلا فحتاخد معظم الطرق الكويسه بليل و فى جو كويس وعبال ما توصل للمنكق اللى مفهاش خدمات (طبعا فى سيناء بعد النفق) حيكون النهار طل
انا عن نفسى وانا اريح شرم كنت بحب ابيت عند ناس قرايبى فى القاهره الموضوع كان بيريح والعربيه مهمه معاك فى شرم لان التاكسيات هنالك غاليه وهتديك حريه حركه