نيجى لحكام الدول العربيه هما مش هيزلونا ومقدروش يقولولنا نعمل ايه ومنعملش ايه هما نسوا مين اللى وقف الصلبيين عند حدهم ومين اللى وقف التتار ومين اللى نصره الله فى 73 وكل ده بفضل الله وحده بس ياريت يفتكروا
عرض للطباعة
نيجى لحكام الدول العربيه هما مش هيزلونا ومقدروش يقولولنا نعمل ايه ومنعملش ايه هما نسوا مين اللى وقف الصلبيين عند حدهم ومين اللى وقف التتار ومين اللى نصره الله فى 73 وكل ده بفضل الله وحده بس ياريت يفتكروا
انا ارفض اهانة مبارك .............لانى ليس شخص امعة و لى عقل اميز به ماعملة مبارك من انجازات و ماعملة من مساؤئ لكل رئيس دولة فى العالم مساؤ و مميزات. و ان يحكم المصرين حكم مطلق على شخص محبوب خارج مصر فى كل الدول العربية يبقى احنا فينا حاجة غلط ......
ماحدش ينسى ان الخلفاء الراشدين نفسم ماتو مقتولين يعنى كان فى ناس جوانا و من المسلمين خاينين
تعالو ننقض الشخص بالعقل ...... بلاش الحكم المطلق لا يوجد مطلق فى الدنيا
المصرين للاسف بقو يعملو محاكم و بنفذو احاكمهم و هما فاعدين امام الكمبويتر او التليفزيون
اقدر اقول ................ربنا يهدينا
وراى و انا عارف انى راى كتير زى ..............لا لاهانة مبارك ..............
على فكرة نص كلام حضرتك غلط
اللي بنالهم حاجة مبناهاش ببلاش وفي المقابل هما بيشيلو جزء كبير جداً من اقتصادنا باستثماراتهم والعدد الكبير من المصريين اللي شغالين هناك
وهما مش بالجهل اللي سيادتك متصوره وعندك قطر تعتبر اعلى مستوى تعليم في الوطن العربي والسعودية والامارات فيها جامعات متقدمه على جامعات مصرية كتير وهما بيحاولو يتقدمو واحنا موراناش غير التريقة وبنرجع للخلف لو هما فيهم نسبة جهل فمصر بلا فخر فيها جهلة اكتر من عدد سكان دول الخليج
انا قضيت تعليمي لحد اعدادي في الكويت ولما جيت هنا كان تعليق الناس كلها ان تعليم الكويت زبالة وانهم جهلة ومناهجهم اصغر من مناهجنا ولما دخلت ثانوي مش عايز اقول لحضرتك اني كنت بلم العيال اشرحلهم وبشكر ربنا اني اتعلمت هناك وخدت على التفكير مش الدش والحفظ
يا ريت نبطل نبص لغيرنا ونتريق عليهم ونعمل حاجة مفيدة علشان بلدنا تتقدم لانها عمرها ما هتتقدم بالكلام العرب كانو بيتريقو على الهنود ودلوقتي بقو رقم 1 في عالم البرمجيات وبيطلقو منظومة الاقمار الصناعية الهندية للملاحة وبينافسو gps الامريكي والعرب لسة مش عارفين يعملو موتسيكل
إيه دة احنا اسفين يا مخلوع وصلو المنتدى ؟؟؟؟؟
إهانة إيه ؟؟؟؟؟ ..................
لو كنت شفت أم ابنها مات ولا أب ابنه راح ...... مكنتش قلت كدة
في حاجة اسمها القصاص ....... القصاص ....... فاهم الكلمة دي ؟؟؟؟؟
بس إلي ايدو في الزبادي مش ذي إلي أيده في النار
و مدام في ناس كتير كدة زيك ...... إبقو ورونا نفسكو في الشارع
و الكليب دة هدية بسيطة
YouTube - ‫ط±ط¯ ط¨ط³ظٹط· ظ„ظƒظ„ ظ…ط¤ظٹط¯ظٹ ط§ظ„ظ…ط®ظ„ظˆط¹ ظ…ط¨ط§ط±ظƒ‬‎
يرجى الالتزام بآداب الحوار و احترام الرأي الآخر مهما كان.
مشرف الاجتماعي.
3 ب
2/5/2011
2:40PM
يعني كل اللي رفضوا مبارك بغض النظر عن مبارك وأفعاله سواء جيدة أم سيئة يبقوا معندهمش عقل وأمعة ؟؟
مينفعش نصادر على رأي غيرنا بالشكل دة وخاصة التهديد بالعنف أحنا مش في غابة .
اللي بيحب مبارك ويدافع عنه هو حر واللي بيكره مبارك وبيطالب بمحاكمته بردوا حر المهم أن محدش في الأتنين يتكلم بصيغة الجمع ويتكلم عن نفسة وبس ويحترم رأي الطرف الآخر .
سر حب الكويتين بالذات لحسني مبارك
هو أنه وقف معهم وقفة رجالة جامدة جداً في أيام إحتلال الكويت
وقيمة هذه الوقفة لا يدركها إلا الكويتيين
لذلك لا ألوم عليهم حبهم لمبارك
الصراحة الراجل عمل معاه أكثر من الواجب
لكن هما ما شافوش منه حاجة وحشة
مفيش كويتي إتنفخ أو إتسحل أو أمن الدوله أخدوه هو وأهل بيته وإعتدوا على كل ما يعز عليهم
وبالتالي مفيش بينهم وبينه طار
لكن ممكن نعتبره حماقة وجهل
لأن مش أي إنساس عشان أحسن إلي مرة أقوم أساعده في أن يدوس برجله على شعب أعزل لمجرد إنه ليه عليا جميل
--
الخليج أهل لينا..الموضوع في الأول هيبقى في شوية قلق لكن هتعدي الامور وتكون زي ماكانت.
برضو ياريت نعرف ان افكارنا غير افكارهم و عاداتنا غير عاداتهم...ولذلك بالنسبة لهم مسألة تنحية مبارك غير أخلاقية.
ايضاً موضوع تقارب مصر مع إيران دا قالقهم جداً...ولازم تطمينات من الجانب المصري إن أي علاقات مع إيران هتكون لتنحيتها عن التدخل في شؤون الخليج أساسا وليس أي شيء آخر..لان آمن الخليج أهم من أي علاقات مع أي بلد..بالذات الإيرانيين الملاعين.
لا تنتقد العاملين في الخليج وأنت بينهم
على الأقل إبدأ بنفسك
وزي ما قلت بنفسك
إنزل (شد حيله و فتح مخه كان جاب قدهم و اكتر في بلده معزز مكرم و للاسف دول اغلبيه و مشوهين صوره المصريين كلهم)
والأفضل تسيب الناس في حالها
وبلاش التعالي على الناس الغلابة اللي راحت تشتغل هناك لأنها مش لاقيه حلال في مصر تاكله
وراحوا دول الخليج مضطرين وإتحملوا لأنهم غلابة
بلاش تتكلم عليهم بالطريقة الوحشة لمجرد إنك شايف نفسك أحسن منهم وليك عذر وهما ملهمش عذر وبتتحدث كأنهم خليقة أخرى تختلف عنك
بلاش الكيل بمكيالين
-
أنا أكلم بالجمع لسبب ....... احنا (جمع) اضربنا و إتسحلنا في الثورة دي ....... و عايزين القصاص للناس إلي ماتو
و بعدين قبل كدة العضو دة شتم في الثورة ...... فيه تاريخ شوية بينا
و بعدين أنا مهددتش بالعنف حضرتك فهمت غلط ...... أنا بس عايز أشوف فين هما الناس الكتير إلي مؤيدين لمبارك
الله يفتح عليك
بغض النظر عن أساءة أي شخص للثورة أو أياً كان فالأناء ينضح بما فيه ولكن لما نقول ورونا نفسكوا في الشارع دة أسمه أيه ؟ لما نمسك كل اللي بيحبوا مبارك بغض النظر عن أسبابهم أو وجهة نظرهم ونضربهم ولا نشتمهم يبقى أحنا عملنا أيه وأتغير فينا أيه ؟