الموضوع: هل أطلب المستحيل

المشاركة الأصلية كتبت بواسطة saadelden

هي كدا عايزه تتظبط شويه

لكن طالما الماتور علي طول فيه رعشه يبقى مش مظبوط

شكرا أخى سعد الدين على الرد .. و لكن يبقى الماتور مش مظبوط من ناحية إيه ؟ ..

المشاركة الأصلية كتبت بواسطة hotbird2271980

إخوانى أعضاء منتدانا الجميل نايل موتورز .. عندما أبدأ تشغيل السيارة صباحا أشعر برجرجة و رعشة ملحوظة جدا فى السيارة ( ريجاتا موديل 87 العادية ) هذه الرجة بتخف لما باسند بنزين و تكاد تتلاشى لما العربية تسخن و لكن تظل موجودة .. جميع الميكانيكية و بتوع الكربراتير قالولى إن ده طبيعى جدا عشان العربية مش إنجكشن .. لكن هل معقول إن الخواجة اللى صمم العربيات الكربراتير صممها بالرجة أو الرعشة دى .. أنا مش مقتنع .. أرجوكم لو حد عنده تفسير أو حل يقوللى .. و لو أنا غلطان حد يقوللى .. هل ممكن أدور الصبح من غير ما اسند بنزين و إحساس بهذه الرجة المزعجة .. و للا انا بطلب المستحيل .. شكرا لكم جميعا .

كهربه الموتور عايزه ظبط شويه ياريس

السلام عليكم ورحمة اللة وبركاتة
يوجد فى السيارات ثلاث انظمة من انظمة تعلية السيارة اثناء دوران المحرك وهو بارد واحب اقول لية محتاج الموتور يبقى عالى وهو بارد لآن الموتور وهو بارد بتختلف نسبة احتياجة لكمية الهواء الازم لآتمام عملية الآحتراق عن الكمية الازمة وهو فى حالة التشغيل العادى اى لما المحرك بيسخن ودا طبعا اى التحكم فى كمية الهواء بتختلف من نظام سيارة الى نظام اخر حسب التطور فى مجال السيارات
ونتكلم عن هذة الأنظمة
النظام الأول وهو نظام الشفاط اليدوى وهذا النظام يكون فى السيارات القديمة وهو عبارة عن ذراع يتم شدة لتعلية المحرك الى ان تصل السيارة لدرجة الحرارة القياسية للمحرك وبعد ان ترتفع درجة حرارة المحرك الى الدرجة العادية نقوم بأعادة ذراع الشفاط الى حالتة الأصلية حتى يهدا المحرك ودا ممكن يكون موجود فى سيارتك بس ملغى
والنظام الأخر وهو شبة الى وهو عندما يكون هناك سخان على المكربن او الكربرتير اول لما السيارة تعمل تعلو بشكل شبة الى وعندما ترتفع درجة حرارة الماء تهدا السيارة بشكل تدريجى
اما عن النظام الثالث وهو نظام تعلية المحرك اثناء برودتة وهو النظام الألى وهو موجود فى جميع السيارات الحقن المباشر حيث يقوم حساس درجة حرارة الماء بأعطاء معلومات لوحدة الكونترول عن درجة حرارة المحرك فيتم التحكم فى كمية الهواء عن طريق حساس الأيدل بتقليلها اوزيادتها تبعا لآحتياج المحرك والتحكم فى نسبة الوقود عن طريق الرشاشات لتعلية المحرك الى ان ترتفع درجة الحرارة القياسية لة اما فى النظامين الأول والثانى فكمية الوقود الآزمة للأحتراق يتم التحكم فيها من خلال باب اعلى المكربن فيتم غلقة الى ان تسخن السيارة
ارجو ان اكون قد افدت وان كنت قد وفقت فمن اللة وان كنت قد قصرت فمنى او من الشيطان
السلام عليكم ورحمة اللة وبركاتة